استفسار عن القبول بالهندسه

[sense princess]

السلام عليكمم ..
هرجتي انو سمعت الهندسه بتفتح للبنات بجده من السنه الجيه حلو
ف بستفسر عن كم سؤال كدا ..
كم ادنى نسبه موزونه ممكن تأهلني للدخول ب الهندسه ..!
لو جبت مثثلا 88 ؟ اروح اقدم ولا احلم اني انقبل لاني من مكه وخايفه يضيع عليا بمكه وجده

تاني سؤال لنفرض انقبلت الحمدلله هل دا معناتو خلاصص ضمنت الهندسه بعد التحضيري ؟؟ ولا في حوسه ..؟

الله يسسسعد اللي يجاوبني نفسي ارتاح واحدد اش ابغى بالضبط :(

[doodi619]

ايوة يا انسة
النسبة الموزنة حقك بالراحة تنقبلي في الهندسة انا افتكر ايام ما قبلوني كانت النسبة الموزونة 81

بالتوفيق

[Codex]

وعليكم السلام

نسبة (الثانوية والقدرات والتحصيلي) وظيفتها انها تدخلك الجامعة بس

اللي يخصصك في الجامعة هو معدلك / او النسبة اللي تجيبيها في السنة التحضيرية

يعني بعد ما تنقبلي بإذن الله شدي حيلك عشان تجيبي معدل عالي لأنه اول معدل هو الأساس ويبنى عليه

معدلات السنين اللي بعدها

وتختلف النسبة / المعدل للتخصص كل سنة على حسب مستوى دفعة التحضيري, لو كانو شطار بتكون نسبة القبول عالية, والعكس

بالتوفيق لكِ

[sense princess]

اوكي يااخ codex تقول انو النسبه الموزونه بتدخلني الجامعه فقط اوكي لكن لو ابغى هندسه لابد انقبل فيها من اول سنه وهي التحضيري لانو اللي عرفته في مواد للهندسه تندرس بالتحضيري
ف كيف اجتاز التحضيري وانا بتعتمد الهندسه ع معدل التحضيري ؟! اتمنى تكون فهمت علي

ثاني شي .. مجرد استفسار لو جبت 88 مثلا ورحت اقدم وماانقبلت بالهندسه !! ورحت لقسم ثاني وانقبلت فيه .. بعد التحضيري وش اللي رح ادرسه بالضبط !! احس اني حايسه ~_~