مقرر بحوث عمليات bus-322 امل تركستاني انتساب بلاك بورد

[shadoo7]

السلام عليكم ورحمة الله وبركاتة

الحين زي ما الكل عارف صرنا بلاك بورد
انا عندي قاعده اي شي فيه مسمى بلاك اعرف ان ماواره خير ههههههههههه
بس يارب اكون غلطانة
المهم ندخل بصلب الموضوع انا رحت للدكتوره امل وسالتها ايش معانا وعلينا والخ ...
قالت حملو السلايدات حقتي من صفحتي بموقع الجامعه والخطة الدراسية
قلت لها والكتاب ؟ قالت اكتفي بالسلايدات بس اذا حابة كمرجع واستفاده جيبي الكتاب وقد راسلتها قبل كذا باي طبعه الكتاب
قالت : • أسماء باهرمز. مقدمة في بحوث العمليات,1429هـ - 2008
وقالت الطبعات الجديده بعد 2010 في اشياء ناقصه كطريقة الحل والخ ويفضل الطبعات القديمة
ع العموم الاستاذه اخلاق وترد ع الايميلات
وانا حملت سلايداتها وحسبتها اذا بطبعها بتطلع لي حوالي 200 وشي صفحة
قمت سويتها بملف pdf وجمهت كل سلايداتها فية وعدد الاوراق تقريبا 74
بنزلة الملف مع الموضوع والخطة الدراسية اختصارا للبحث
كالعاده اي سؤال انا حاضره وموادي ذا السمستر ( اداره استراتيجية - دراسات ادارية معاصره - مبادي اداره pad كماده حره )


الملزمة اذا طلع فيها خطا برجع اكتبة لكم وبالنهايه اذا اصبت فمن ربي وان اخطاءت فمن نفسي والشيطان


كل الي ابغاه بالمقابل دعواتكم لي بالصلاح والتوفيق

[Mezo2211]

الله يسعدك ياشدو انا كمان معاكي في بحوث عمليات وان شاء الله ربي يوفقنا

[•●آحلى قمر •●]

الله يعطيك الف عافيه وربي يسهلها ان شاءالله

[ror0oo1]

الله يعطيكي العافيه ياقمر وربي يسهلنا باذن الله انا كمان معاكم بس عفوا بنات اقدر اتواصل مع احد لاني مااعرف ولا بنت في الجامعة وحايسه في البلاك بورد دا مو عارفه من فين يفتحلي المحاضرات اللي ما عندها مانع اني اخذ رقمها ويسير بيننا تواصل تقلي الله يجزاها كل خير

[الخربوطة]

الله يسعدكم حولوا الملف الضغوط لبرنامج ورد تكفووووووون

[يسراا]

الله يعطيكي العافية

[shadoo7]

المشاركة الأصلية كتبت بواسطة mezo2211 الله يسعدك ياشدو انا كمان معاكي في بحوث عمليات وان شاء الله ربي يوفقنا

وياك يارب

المشاركة الأصلية كتبت بواسطة •●آحلى قمر •● الله يعطيك الف عافيه وربي يسهلها ان شاءالله

يعافيك امين يارب

المشاركة الأصلية كتبت بواسطة يسراا الله يعطيكي العافية

يعافيكي ربي

[shadoo7]

المشاركة الأصلية كتبت بواسطة ror0oo1 الله يعطيكي العافيه ياقمر وربي يسهلنا باذن الله انا كمان معاكم بس عفوا بنات اقدر اتواصل مع احد لاني مااعرف ولا بنت في الجامعة وحايسه في البلاك بورد دا مو عارفه من فين يفتحلي المحاضرات اللي ما عندها مانع اني اخذ رقمها ويسير بيننا تواصل تقلي الله يجزاها كل خير

تواصلي ع الخاص معاي

المشاركة الأصلية كتبت بواسطة الخربوطة الله يسعدكم حولوا الملف الضغوط لبرنامج ورد تكفووووووون

ياعسل حجمة جدا كبير حاولت بكل الطرق

[shadoo7]

فصل السمبلكس الرياضي محذوف بس النظري معانا يعني العملي مو معانا

[shadoo7]

ختمنا الماده امس

المحذوف بفصل السمبلكس الجزء العملي بس محذوف اما النظري معانا
فصل تحليل القرارات عندكم المحذوف في حالات اتخاذ القرارات بس حالة المخاطره ماهي معانا الطريقة الي معانا حالة عدم التاكد
ونموذج سافاج ونموذج العائد الوسطي الاعلى و النموذج التوفيقي كلووو محذوف
وفصل نظرية صفوف الانتظار عند تحسين مستو الخدمة محذووف

وببس

الاختبار 50 سؤال تقريبا 20 سؤال يمكن حيكون نظري
صح خطاء واختاري طبعا
ركزو بالنظري وافهمو العملي دربو نفسكم ع المسائل كم مره
لانو تقريبا كلها بتجي المنهج قليل ترا
انا اتكلم ع اساس سلايدات الدكتوره امل تركستاني لاغير

والله يوفق الجميع