استفسار عن أفضل استاذات بحث وتدريب ..

[*زهرة السوسن*]

^
^
^
^
^
^
^
^^



السلام عليكم ورحمة الله وبركاته ..
أبغى أسأل عن أستاذات البحث والتدريب .. :

فاطمة كمال
آمال عوض
سناء هلال
حمدية
سحر مهران
سحر الجبروني
شريفة مصطفى
عيشة عوض
نرفانا غيث
هيام شرف الدين
رغداء رملي
نجلاء عبدالرحمن
خديجة زكي
حياة راجخان
صفية
نسمة حشمت
اقبال خاطر
رجاء الشريف

كيف كل وحدة ؟ في التعامل ؟ في النظام والوضوح والدقة ؟ يعني تعطي خطة للبحث أو لا ؟ تتعب في البحث ؟؟ ...إلخ يعني باختصار كل شيء ..
وكمانة إذا فيه غير الي ذكرتهم ياليت تذكرونهم سواء كانت جيدة أو لا
وأكون شاكرة وممتنة ...

[امنيتي]

ياليت تفيدونا

[يويو ون]

شكل البنات لسه ي عيدو ههههههههه نصبر كم يوم يمكن احد يفيدنا

[gshammary]

up
up
up
up

[*زهرة السوسن*]

المشاركة الأصلية كتبت بواسطة يويو ون شكل البنات لسه ي عيدو ههههههههه نصبر كم يوم يمكن احد يفيدنا

من جد شكلهم كذا ...نصبر عليهم

[pink-22]

up...

[*زهرة السوسن*]

رفع..

[فريرو روشيه]

up
up

[*زهرة السوسن*]

الظاهر الخريجات هجروا المنتدى
سويت بحث عن الأستاذات في المنتدى ..بعض الأستاذات مالقيت شيء عنهم ..التجارب من بنات قسمنا الإدارة العامة انتساب وانتظام وكمانة تجارب بنات المحاسبة ..ب

آمال عوض

المشاركة الأصلية كتبت بواسطة رشه حب الدكتوره امال محمد عوض انسانه رووووعه بمعنى الكلمه ذوق و اخلاق وزوق طلبت بحث عليه 70 وتقرير 30 درجه مع تدريبك كانت متعاونه معاي كثير اي وقت تتصلي بترد عليك واي استفسار بتساعدك ماعندها اي شروط ومتطلبات وتناقشك ب الاخير الحمدللهةجبت درجه راضيه عنها كثير قد تعبي ' ربي يوفقكم ي رب

المشاركة الأصلية كتبت بواسطة حكايا روح مساء الخير ،، أنا مستوى سابع وأخذت هذا الترم بحث وتدريب تجربتي باختصار أضفت المادة من الأودس مع الدكتورة آمال محمد عوض دكتورة رائعة بمعنى الكلمة ومتعاونة أنصح بها بشدة خاصة لسكان جدة درجتي 92 طبعا نقصتني لأني ما حضرت معها ولا اجتماع لكن كانت متعاونة مراسلتنا عن طريق الايميل الجميل فيها الرد السريع على استفساراتي الي راح تأخذ معها احرصي حضور اجتماعاتها طبعا لا تنتظري الحذف والاضافة لحد ماتنتهي بمجرد ما تنضاف المادة روحي لمكتبها وخذي خطة البحث واتفقي معها على موضوع البحث طبعا أنا اتفقت معها عن طريق الايميل لكن بداية رحت لمكتبها ووقعت عند اسمي ووقعت أوراق التدريب عند الدكتورة نجاح سلامة ،،، البحث كان عنوانه أثر التنظيم في الحد من التسيب الوظيفي في المنظمات الحكومية طبعا مكان التدريب في مدرستي وكل ما أخلص فصل أرسلته لها لحد ما خلصته وحددت لي موعد مناقشة لكن لظروف عملي ولأني خارج جدة رحت لها متأخرة وناقشتني نصيحة لا تناقشي إلا وأنت حافظة فاهمة البحث كل نقطة سألت وعرفي وعددي وكيف وإزاي الي يخطر في بالك أسئلة لكن كانت جدا رائعة وأي استفسار أنا حاضرة

نرفانا غيث

المشاركة الأصلية كتبت بواسطة basma ali السلام عليكم ورحمة الله وبركاتة اهدي لمنتداي العزيز بحث تخرجي للترم السابق .. لتعم الفائدة لجميع الطالبات والطلاب الخريجين .. وضعتة لكم لمعرفة خطوات البحث والإستفادة منه .. ملاحظة مهمة جداَ : لا أحلل ولا ابيح من ينسب بحث تخرجي ويقدمة للجامعة على أنه بحثه العلمي . بعض المعلومات التي تفيد اخواتنا الخريجات .. انا تخصصي ادارة عامة- ادارة مستشفيات - واخدت بحثي مع الدكتورة نيرفانا غيث صحيح هي متعبة ومتطلبة في بعض الأحيان وكمان وقت المناقشة ماتخلي صغيره وكبيرة الا وهي مناقشتها معاك .. لكن تعطي لكل طالبة حقها وتعبها في البحث أخذت في المادة : 93 الحمدلله مع انه وقت المناقشة غلطت في بعض مواضع البحث من حيث الدراسات السابقة وضعت دراسات علاقتها ليست مباشرة بموضوع بحثي وهو عن الإجراءات وأثرها في تأخر الخدمة كل دكتورة بتعطي طالباتها أوراق ترجعون لها تبين لكم خطوات البحث بالتفصيل وبعض الدكتورات يعقدون اجتماعات مع الطالبات .. وبعضهم يكتفي فقط بمراسلة عن طريق الأيميل ولكن المناقشة اجبارية " يلزم حضورك " دكتوره نيرفانا طلبت منا تقرير شامل عن التدريب وايضاً تقييم التدريب وايضاً تطلب سي دي للبحث مواضيع البحث انتم تختارون 3 او 4 مواضيع وتراسلون دكتوراتكم وهم يقولون لكم اي موضوع راح تكتبون فيه توزيع الدرجات بالغالب 70 درجة للبحث 30 درجة للتقرير 10 درجات للتدريب " وممكن يختلف توزيع الدرجات من استاذه لإستاذة " بالنسبة للتدريب : تختارون المستشفى الي تبغون تتدربوا فيها وبعد ماتطبعون أوراق التدريب من الجامعة تتوجهون للمستشفى وراح يحددون لكم موعد التدريب , وفتره التدريب اسبوعين فقط الي هي 60 ساعة وبالنسبة للطالبات الي خارج جدة ما اعرف هل الاجراءات تختلف بالنسبة للتدريب لاني انا اتدربت خارج جدة بمنطقة رابغ والمستشفى طلبوا مني خطاب من الشؤون الصحية .. " يعني حوسة شويه " انتم قبل روحوا للمستشفى وشوفوا ايش الاوراق الي يطلبوها غير اوراق الجامعة .. " هذا للطالبات الي خارج جدة " وفي الأخير اتمنى منكم الدعاء لي بالتوفيق كتبت الموضوع على عجاله , أي استفسار او سؤال عندي اجابة عليه ان شاء الله ما ابخل عليكم دمتم بودً رابط تحميل البحث http://www.4shared.com/office/ypbiwpqr/_-___.html

المشاركة الأصلية كتبت بواسطة لمعة الألماسة هلا اختي وحدة من زميلاتي اخذت السمستر الي فات مع نرفانا صح دقسقة وتناقشك في البحث بس تعطي درجات حلوة للبنات

[*زهرة السوسن*]

صفية حمودة

المشاركة الأصلية كتبت بواسطة العمر لحظه بالنسبه ليا اخذت الماده مع صفيه حموده التدريب كان في رولاكو للتجاره والمقاولات كنت برحلهم يومين في الاسبوع لمده شهر ساعتين بجليس يشرحلنا الاستاذ ناصر خميس عن المبيعات وكيف نعمل سندات القبص والصرف والمشاكل اللي تواجهم وبعدين نروح نطبق على الاجهزه عند استاذه منيره وتهاني .. البحث كان مطلوب مننا حاجتين . الاول تقرير عن المكان اللي الدربتي فيه وايش عملتي انا تكلمت عن الزكاة في الشركات وطلبت من الاستاذ ناصر يشرحلي بالزبط كيف الشركه بتحسب و بتدفع الزكاة الشي الثاني مشروع بحث لا يتجاوز عن 10 صفحات تكلمت فيه عن حوكمة الشركات .. الدرجات كان توزيعها 40 تدريب و 20 تقرير 20 مشروع البحث 10 حضور ومتابعه 10 مناقشه بالنسبه للمناقشه عند صفيه رهييبه تسالك سؤالين عامه عن موضوعك واذا شافتك واثقه من نفسك واصلن من البدايه انتي متابعتها وتجيها كل اسبوع ممكن حتى ما تناقشك .. واي سؤال انا حاضره .. بالتوفيق للجميع

المشاركة الأصلية كتبت بواسطة boby انا كمان اخدت الماده عند صفيه السمستر اللي فات جبت معاها a لازم اقولك الصراحه تتعبي معاها في شي حركة انك تسأليها اي شي تقولك زي ما انتي عايزه يعني تحسي ماتقدري تطلعي بالزبط هي ايش تبغا منك تعملي والشي التاني زي ماقالتلك العمر لحظه لازم انتي من نفسك تهتمي وكل شويه تجيها عشان تحفظك انا زي كدا حتى حفظتني وعرفتني وحتى دحين وانا متخرجه جيت كنت ماره شافتني سلمت عليا يعني هي من النوع اللي لازم تجيها من نفسك لو عليها ماحتقولك تعالي ولا تحددلك يوم تجي انتي اهتمي واسأليها دائماً حتى كانت بتحكينا تقول في وحده من البنات جات سلمتني بحثها وانا مش عارفاها اصلا وحتى كنت حسألها هو انتي معايا ؟ هههههه يعني تركز مين بيجي دائماً ومين لا بالنسبه لتدريبي انا تدربت في مستشفى الجامعة بديت في التقرير عملت تقريري عن الرواتب والاجور في المستشفى شافتو مرتين عدلتلي الاشياء اللي لازم اوضحها او اشيلها او اعدلها يعني هي تكتبلك بالمرسام التعديلات وتعطيكي ولو في شي مافهمتيه تسأليها ايش تقصد او كيف تعدلي عشان تفهمك انا بعد ما سلمت تقريري فوراً حددت معاها يوم وناقشته وكنت الوحيده اللي ناقشت التقرير وحده والبحث وحده عشان حسيت حكون دوبي مشتغله فيه وكمان اكون خلصت منو واتفرغ بس للبحث اما باقي البنات ناقشوه كله مع بعض نهاية الترم وبعدين اشتغلت في البحث عملت عن مكاتب المراجعة وعملته 12 صفحه بالزبط مو زي التقرير عشان كان يتعلق بالتدريب وكان عندي معلومات كتير فعملت يمكن 30 تقريبا بالنسبه للمناقشة شوفي في استاذات بصراحه اريح يخلوكي ماسكه معاكي الورق وتقري وتشرحي بس صفيه ماتحب يكون معاكي شي اهم شي تكوني واثقه من نفسك وتبيني نفسك فاهمه ايش بتقولي يعني مو لما ماتعرفي تجاوبي تقولي ما اعرف لا حاولي تتكلمي وبيني نفسك فاهمه انا التقرير كانت مناقشتي مره تمام وعجبتها يعني كنت بشرحلها بوضوح وبفهم وكانت اسئلتها فاتحه تقريري وبتسأل منو اما البحث بصراحه ماناقشتو كويس لانو الاسئلة كانت عامة مو من جوا البحث يعني مثلا سألتني كم مكتب مراجعه في المملكة اذكريلي اسامي مكاتب مراجعه هنا في السعوديه وانا جوا البحث ماذكرت هذه المعلومات يعني في البحث حاولي تقري عن اي معلومات تتعلق بموضوعك من قريب او بعيد عشان تناقشي تمام وبس اللي عند صفيه انا كتبتلكم تجربتي بالتفصيل الممل و اي سؤال انا في الخدمة

أميمة الغفاري

المشاركة الأصلية كتبت بواسطة عـــســـل كوووويس انك مع أميمه اانا كنت معاها وبصراحه هذه الاستاذه أكثر من رآئعه انا بقولك كل شي بالتفصيل اول شيء ادربت في دلة البركه .... أميمه من النوع اللي تبغى مواضيع البحث تكون جديده لا تختاري مواضيع بنات قبل كده كتبوو فيها انا موضوعي كان مراجعة المخزون السلعي والأجور والرواتب ,,, بس نصيحه قبل لا تبدئي في التدريب قوليلها اسم موضوعك لو قالت اووكي اتوكلي على الله طريقتها .. أول أسبووع تبغى منك الخطه تحتوي على مقدمة التقرير وأهداف التقرير وحدود التدريب المقدمة تكتبي نبذه عن موضوعك ,,, وأهدافك من الموضوع ،،، وحدود التدريب اللي هوا اسم المكان اللي تتدربي فيه والمده ... وأول مااتخلصيها روحي وريها عادي هيا راح تعدلك كل شيء لو فيها شي غلط ماتنقصك درجات ولاشيئ بعد كده أبدئي في الجزء النظري الي من الكتب في المكتبه .. بس انتبهي الكتب تكون من عام 2000 وفوق ماتبغى كتب قديييمه ,,, وماتحدد عدد الكتب كم ... بالنسبة للجزء العملي يكون تصوير شاشات للي اتدربتي فيه .. . في النهاية النتائج والتوصيات ... النتائج / اكتبي انتي ايش اتوصلتي له من خلال بحثك .. التوصيات / زي الانتقادات للمكان اللي اتدربتي فيه ... من أهم الملآحظآت : انتبهي من الأخطاء الاملائية وبعد ماتكتبي اعملي تحديد الكل وحطي ضبط عشان يكون الكلام تحت بعض .. وكمان علامات الترقيم تحاسب عليها وكتابة المرجع والصفحه كمان ضروري مره التنسيقات كان الموضوع الجآنبي تخليه بخط كبير شويه وملون أما بآقي الكلآم باللون الأسود ,,, مجرد ماتخلصي من الجزء النظري روحي وريها هوا وتقراه وتعدل عليه واليوم التاني خديه بس معليش تنقهري لان تصحح وتشخمط وتكتب لك ملاحظات ههههه طبعااً في قائمة محتويات زي الفهرس تعلمكم هياا على كل شيئ لا تخافي والله مره عسسل وبعدين ترا كل ماتروحيلها تحط قدام اسمك صح وهذي الروحات والجيات عليها درجات يعني مو بلاش هههه بالنسبة للمناقشه .. عن نفسي انا كلها 10 دقايق سألتني ليش اخترتي المكان وليش اخترتي دا الموضوع ويكون البحث قدامك وتكون عندها نسخه وتقولك افتحي صفحه كذا وتسألك وعادي انتي اتكلمي وقولي اللي عندك حتى لو قريتي لها الكلام ماتقول شيء .. في بنات طولت معاهم بس عادي اهم شيء لا تدخلي وانتي مرعووبه لا تسوي زيي دخلتها وانا كنت ابكي من الخوف ههههه هذا كل شيء وربي يشهد على كلمه كتبتها بالتوفيق ياقلبي

المشاركة الأصلية كتبت بواسطة esou.zn بالعكسس اميمه اكثر وحده متساهله انا اعرف بنات مع هيام ورغداء واقبال وحمديه وصفيه محد يجي زي اميمه او يمكن لان تعودن عليها بالنسبه لورشه العمل انا ماحضرتها هذا الترم واصلا احنا ما نربط في تقريرنا بين العملي والنظري ان شاءالله تلقي احد يفيد

المشاركة الأصلية كتبت بواسطة esou.zn حاولي بأقصى جهدك تاخذينها مع اميمه لو ماقدرتي عندك رغداء او صباح الغامدي بس صباح دقيقه جدا

المشاركة الأصلية كتبت بواسطة دموع الورد111 انا اليوم رحت وناقشتني جدا كانت رائعه واذا اكنتي متوتره تقولك اهدي واذا لخبطتي بالكلام تقولك اقري من البحث واشرحيلها تسال كمان عن مكان التدريب ع ايش تدربتي وكمان تسال عن فروض البحث واش استنتجتي من الاستبيان وليه اخترتي موضوعك هذا واش التوصيات وربك راح يسهلها ان شا الله