بنات تدريب الطفوله هلموا ^_^

[ساكنه في بيتنا]

السلام عليكم و رحمه الله و بركاته




كيفكم ؟؟ ان شاء الله تكونوا كلكم بخير ..

من منطلق حب لأخيك ما تحب لنفسك فتحت دا الموضوع

اي وحده طفوليه حلوه عندها ايييي سؤال عن التدريب تتفضل و تسأل و لا تستحي من اي شيييي .. ان شاء الله كل ما افتكر ايش الحاجات المهمه اللي تخلوها في بالكم حاكتبها لكم ..

المايك لكم الآن

[أعذب إحساس]

وعليكم السلام ورحمة الله وبركاته
مشكورة قلبوووو الله يسعدك بس ايش النقاط المهمة اللي كان التركيز عليها واللي ممكن نتلافاها أثناء التدريب ..
وشكرا حبيبتي الله يعطيكي العافية..

[ساكنه في بيتنا]

ممممم اهم شي انك تعملي بكل ما اوتيتي من اخلاص و ضمير .

* تكوني متفائله و تسخري كل اللي اتعلمتيه بنية العمل الجاري .

* تسمعي كلام الاستاذه اللي نازله معاكي في التدريب لو ايش ما قالولك المدرسه .. يعني مثلا لو كنتي حتعملي لوحه الاعلان و جات الابله قالت نحن في المدرسه نعمل كدا .... مو مشكله اسمعيلها و خدي نصايحها بس لو كان الشي ما درسناه ولا قالت عليه الاستاذه اللي نازله في التدريب لا تعمليه ..
( نحن في الحرس كانوا يكتبوا على كل شي في لوحة الاعلان اسمه ) يعني لو بحيره يكتبوا بحيره \ اسماك يكتبوا اسماك ,, زي كدا ,, الشي دا مو لازم ولا هو مهم ,, بس هما ليهم اسبابهم و نحن كمان لينا اسبابنا اننا ما نكتب على لوحة الاعلان .. << كلامي كتير ادري ..

* مممم كمان جهزي كللللللل شي تحتاجيه من بدري ان شاء الله لو طالبه منكم شي تسليمه بعد اسبوع اخلصي منو في يومتها ,, ما تدري بعد اسبوع ايش يشغلك ولا عشان لو كان في اي شي ممكن تتلافيه ولا تضيفيه ولا حتى تغيريه بكبره !! و عشان كمان تستفيدي من الوقت في شي تاني تعمليه بدل ما تضيعيه في الهماله ..

* خلي معاكي داااااايم ورقه وقلم اكتبي كل اللي تحتاجيه و الأشياء اللي لاحظتيها سواء في المدرسه ولا في الأطفال ..

* خلي معاملتك طيبه مع اللي حوالينك عشان ترتاحي و انتي بتشتغلي ..

* من اوووول ما تنزلي معلمة مشاهده خليكي زي المحقق كونان عينك مفتوحه على كلللل شي و حاولي تربطي الحاجات اللي تشوفيها باللي تسمعيها << لمن تلاحظي الأطفال << الشي دا حيساعدك عشان تختاري دراسه الحاله اللي تناسبك و عشان تعرفي الفروقات الفرديه و برضو الشي دا يساعدك لمن تكوني معلمة اساسيه ,, لانو لو ما فهمتي اطفالك اللي حتتعاملي معاهم حيكون التواصل بينكم صعب ..

* قد ما تقدر حاولي تجمعي افكار للفصل و ترتيبه قبل ما تبدأي معلمة اساسيه يعني من اوووول ما تدخلي الفصل عشان يسهل عليكي كللل شي بعدين ..

* حاولي تسألي عن الوحدات اللي حتكوني فيها معلمة عشان تجهزي افكارك و مواضيعك ..

* اطلعي على تخطيط الوحدات في الروضه عشان يكون عندك علم بمواضيعهم ,, اسأليهم لو عندهم تحضير مسبق ممكن يساعدوكي ,, و ممكن لو عندك مووضع تاني للوحده تقترحيه عليهم .


دا اللي في بالي حاليا .. ان شاء الله في جا في بالي شي اضيفه ..

اذا في اي اسئله حياك ^_^

[أعذب إحساس]

مشكوووووووووووورة قلبووو ماقصرتي ,,كفيتي ووفيتي..
الله يسعدك يااارب,,عاد اتحملينااااا لأنه قلق التدريب قلق,لا تخافي لو في سؤال تاني حأسألك

[أعذب إحساس]

خخخخخخخخخخخخخخخخخخخخخخ نسيت أضحك ..!!

[ساكنه في بيتنا]

ههههههههههههههههههههههههه

خدي راحتك ..

ابداااااااااا لا توتري نفسك ..

على فكره عندي ملزمه فيها العاب اصابع و اناشيد و العاب وقصص لو بدك تاخديها تصوريها و ترجعيلي هيا سليمه من غير اي خدوش ..

[ريم17]

شكرااا الله يسعدك على مساعدتك..
انا بدريي لسه عالتدريب.. بس بصراحه شايله همه..
ابغى أسال هو احنا نطبق طول أيام الاسبوع ولا أيام معينة في الاسبوع؟؟

[ساكنه في بيتنا]

:)

مرررررررررررررررررررره لا تشيلي همه ..

التطبيق يكون بس 3 ايام احد اثنين و تلوت ..

[متزوجة!!!!!!!]

كيفك ياحلوة ....مبرووووك التخرج يا(ساكنة في بيتك)هههه سوري جات متاخرة بس دوبي سجلت في المنتدى انا دحين نازلة تدريب هذا الترم اعطينا نصايحك ولاتحرمينا ومررررررة شكرا>>>>>>ايوة افتكرت نازلة معانا أ-نجاة ناصف ماتعرفي كيف حتكون في التدريب واللي تقيمنا د-حنان باقبص.....

[متزوجة!!!!!!!]

المشاركة الأصلية كتبت بواسطة ساكنه في بيتنا :) مرررررررررررررررررررره لا تشيلي همه .. التطبيق يكون بس 3 ايام احد اثنين و تلوت ..

ــــــــــــــــــــــــــــــــــــــــــــــــــ ــــــــــــــــــــــــــــ
ممكن اعرف اي روضة نزلتي فيهاوكيف كان تعاملهم معاكي