رأيكم يهمنا:تقييمكم لدكاترة ودكتورات قسم نظم المعلومات الإدارية(طلاب\طالبات)

[بنت ناس وقلبي ألماس]

السلام عليكم ورحمة الله وبركاته...

الحمد لله انتهى هذا السمستر على خير ويارب الكل يكون راضي عن أدائه ودرجاته..

نجي للمهم يا ليت أي طالب\طالبة جربوا أي دكتور\دكتورة للمواد الخاصة بقسم نظم المعلومات الإدارية يفيدوننا عن تجاربهم وتقييمهم لهم...

وبالتوفيق للجميع..

[امبراطور الشبكه]

كل العالم والدنيا عسل وطيبين وحلوين ....

باستثناء شخص واحد ... اسمه ابراهيم صالح كتووعه ... اااااااه ياذا الادمي اااه .... لو بيدي لو بيدي كان (xxxxxxxxxxxxxxxxxxx) ,,, مستفز ويرفع الضغط و....... وتعبنا في المشروع حقه .. اقسم بالله لو انه مشروع يوقف عليه الاقتصاد العالمي وتدعمه وكالة الفضاء ناسا ماكان يجلس يدقق فيه ويمتحن اهلنا كذا ...

قلبي الصغير لايتحمل ياكتوعه ..


ع العموم بما انه مافي الا هوه يدرس مادة تحليل وتصميم نظم .. فراح اقلك ان الدكتور مره عسل وطيب ولاتشيلي هم < رفعة معنويات ههههه < بعد ايش !!



واحلى تعظيم سلام للدكتور باسهل طيب ومحترم واسألته سهله الى حد الان بس يدقق شوي في البروجكيت ....

[shooshaa]

بعدي عن الجميح لانه بكل بساطة قاعد يدرس غصبن عنه

ماهو مهتم بالمادة العلمية و الطلاب و تحسي مو داري عن شي

ويطلب طلبات كثير و بعد ماتسوينها مافي اي ردت فعل

بروجكت 20 درجة ومتعب وطويل و اخر شي حتى موعد تسليم ماحط
ارسلناه وقت ماعملنا البرزنتيشن ... بس هل قرائو هل شافو هل اهتم والله اعلم

درجات الاختبار فيها ظلمممم كبير . يعني اسالة من التست نفسها جابها فا احنا عارفين غلطانين في ايش و ايش حلينا صح

لاكن لاسف اغلب الشعبة 10 و 13 من 20 لية ؟؟ محد داري
و كمان من قبل مااخذ المادة سمعت انو يحط درجات من راسه .. والله يستر من الدرجات في النهائي
وكمان في الاختبار النهائي جاب اسالة من الجزئية الي محذوفة من الشبتر

[My World]

يعني مافي غير كتووعه يدرس تحليل وتصميم:(

بالنسبة لماده قواعد بيانات انتبهوا يا بنات إذا شفتوا الأستاذة ما تشرح كويس روحوا وغيروهاا
حمد لله دعيت هذا لماده علا خير كانت سيئة من ناحيه الأستاذة اللي تدرسها

كنت أخذها مع سخاء المناصيرvery bad bad bad bad

[D-A\L/O ☆]

منجد ابعدو عن سخاء اسوء دكتوره شفتها ماصدقت اخلص من دي الماده احسها نفسيه

[ҳҲҳŔỜŔỜҳҲҳ]

^^

مافي غير د.سخاء ماسكه الشعبتين

ياليت تكتبو هيا سيئة من اي ناحية ؟!!!

وكيف نقدر نغيرها !!!! مع انو احس صعب الموضوع شي

[YaSSeR 001]

تجربتي تحليل وتصميم النظم عند هشام كتوعه كان حقار وكل شي وما يعطي درجات ويدينا ملخصات بالعربي ويقولك ذاكروا الاختبار بالانجليزي بس اختباراته كانت نفس القديمه بالتمااااااااام بس اللهم بالانجليزي والنهائي خلاه عربي ( تقييم عام 60% كويس )


تجاره الكترونيه عند خالد الجميح نصيحه بعدوا عنه دكتور مو داري عن الماده وما يعرف شي وهملي لدرجه الاختبار النهائي جانا متاخر ساعه كامله وطبعا تزهلها يديك درجات اصلا اتوقع يصرف درجات من مخه حتى لو حليت ( تقييم عام 30% كويس ومره كريم معاه )


نظم اداره قواعد بيانات متقدمه عند مصطفى شربيني هممم كويس الدكتور وكل شي اختباراته طوووويله ومدري حاس انه ما كان مررره يعرف يشرح بس مافي غيره هههه ( تقييم عام 70% كويس )

تقريبا الدكاتره كانوا مو مرررره قد كدا

[D-A\L/O ☆]

نصيحه لا تاخذي الماده مع سخاء خذي ماده ثانيه وخذي القواعد الترم الي بعدو

[My World]

المشاركة الأصلية كتبت بواسطة ҳҲҳŔỜŔỜҳҲҳ ^^ مافي غير د.سخاء ماسكه الشعبتين ياليت تكتبو هيا سيئة من اي ناحية ؟!!! وكيف نقدر نغيرها !!!! مع انو احس صعب الموضوع شي

اهنن اهنن ،،،، نصيحه مني لا تأخذي معاها روحوا وطالبوا أنهم يغيروها لكم

كنا تشحذ درجات وما تشرح كويس وتتهرب من الأسئلة
ومبين عليها أن في احد يلقنها ويقولها شرح مؤ متمكنه من الماده لو متمكنه البنات يفهموا منها
غير كذا الأخلاق صفر
والساعات ألمكتبيه بمواعيد
والدرجات النهائي تحطيم ً
الله يعينكم عليها بس لا تطيحون بيدها

[Kapitano]

عندي مادة من قسم النظم اسمها تجارة الكترونية
نزلتها عند الجميح , سألت عن الصايغ ما لقيت احد يمدحه للأسف