نداء إلى الطالبات (الزوجات والأمهات)

[أم سما]

السلام عليكم ورحمة الله وبركاته ..
كيفكم بنات؟
وكيفكم مع المذاكرة؟؟

طبعا من العنوان اتمنى من كل طالبة متزوجة وعندها أطفال تدخل ،، وتعطينا طريقتها مع المذاكرة وكيف تجمع بين الاهتمام بزوجها واطفالها وبيتها ومع مذاكرة المواد ،، خاصة انه خلاص مافي وقت ,,

انا عندي بنتين الله يحفظهم 4سنين وسنة،،
الغالب اني اذاكر عصر او الصباح (لأنهم اما نايمين او عند جدتهم) ، ومسويتلي جدول للمذاكرة وملصقته على باب غرفة النوم
عشان انا رايحة جاية قدام عيني الجدول ،،
الحمدلله كنت ماشية عليه كويس بس امس المفروض اخلص العربي كله بس قريت نصه ،، واليوم ان شاء الله رأي عام ..

طبعا انا اقرأ بفهم ما احفظ ،، بما أن الاسئلة موضوعية، واغلب مذاكرتي من الشرائح ماعدا العربي والثقافة...



يالله عطونا طريقتكم وتجاربكم ونفيد بعض ,, وربي يوفق الجميع يا رب ونحقق أعلى الدرجات في الدنيا والآخرة...

[Great sister]

انا مثلك بالضبط لما ينامو اخر الليل اقوم اذاكر بس اشد حيلي مرره يعني احاول انجز لانو من جد مافي وقت وبالعافية تلاقي وقت .. بس لازم اكون مريحه قبلها انام شوية عشان اقدر استوعب لانو البيت والاطفال يهدوو الحيل الله المستعان ربي يوفقنا يارب لاننا بنكافح وانا ماعندي احد احطهم عنده تخيلي حتى وقت الاختبار يستنوني بالسيارة
ما اضمن ولا شغالة بالدنيا ...

بالتوفيق للجميع

[nana14]

موضوع حلو تسلمي حبيبتي

ماشاء الله تبارك الله الله يفظلكم عيالكم ويخليهم لكم

والله انا اتمنى ربي يرزقني بالذريه الصالحه

بس الحمدلله على كل شئ لسا ربي مااراد

واهو دحين انا ماشاء الله تخرج بس لسا ماعندي عيال

اما بالنسبه للمذاكره
اذاكر لما يكون زوجي نايم او في دوامه

[أم سما]

المشاركة الأصلية كتبت بواسطة great sister انا مثلك بالضبط لما ينامو اخر الليل اقوم اذاكر بس اشد حيلي مرره يعني احاول انجز لانو من جد مافي وقت وبالعافية تلاقي وقت .. بس لازم اكون مريحه قبلها انام شوية عشان اقدر استوعب لانو البيت والاطفال يهدوو الحيل الله المستعان ربي يوفقنا يارب لاننا بنكافح وانا ماعندي احد احطهم عنده تخيلي حتى وقت الاختبار يستنوني بالسيارة ما اضمن ولا شغالة بالدنيا ... بالتوفيق للجميع

الله يكون في عونك ،انا مثلك ما اضمن الشغالات ، بس الحمدلله هذي السنة بخليهم عند حماتي
انا في خارج جدة وكل اختبار انزل جدة ، عاد ربي يعيينا ويوفقنا ..

موضوع حلو تسلمي حبيبتي ماشاء الله تبارك الله الله يفظلكم عيالكم ويخليهم لكم والله انا اتمنى ربي يرزقني بالذريه الصالحه بس الحمدلله على كل شئ لسا ربي مااراد واهو دحين انا ماشاء الله تخرج بس لسا ماعندي عيال اما بالنسبه للمذاكره اذاكر لما يكون زوجي نايم او في دوامه

الله يسلمك حبيبتي وربي يرزقك الذرية الصالحة السليمة ،،
واعرفي ان ما تأخر حملك إلا وفيه خير لك ولزوجك
واكثر من الاستغفار وربي يوفقك ..
واستمتعي في حياتك ،، ولا تفكرين في الاطفال كثير
اشغلي نفسك دائما ،، واذا قريب منكم تحفيظ سجلي فيه وربي ان القرآن بركة وخير..
اعذريني كثرت كلام عليك بس ما اشوف بنات المنتدى إلا زي أختي,,,

[nana14]

اكيد حبيبتي كل شئ من الله خير

عادي حبيبتي ماكثرتي كلام ولاشئ
صحيح كلامك معاكي حق في كل اللي قلتيه

بس اهم شئ الوحده تكون راضيه بقضاء الله
وماتعترض

وفعلا كلنا في المنتدى دا اخوات واكثر ان شاء الله

[زوجة أبو حمودي]

يووووه يابنات دقيتو عالوتر الحساس طيب أيش رايكم أذا قلت لكم أنا أم ل3 أطفال 8سنوات و4سنوات والثالثة 10 أشهر وفوق هذا كلة موظفة أداوم من الساعة 6ونص وأكرف ألين الساعة 1 ونص الظهر وأرجع أذاكر للي بالمدرسة
واليوم أول يوم أجازة من دوامي ويوم السبت عندي علم نفس أجتماعي ولين ألحين مافتحتة
أشرايكم في الهنا الي انا فية

[nana14]

الله يكون في عونك حبيبتي

والله يسهل عليكي

[Great sister]

بجد الله يكون في عونك يا قلبي بس لابد عندك شغالة عشان الصغير
ربي يسهل علينا

[أم سما]

اكيد حبيبتي كل شئ من الله خير عادي حبيبتي ماكثرتي كلام ولاشئ صحيح كلامك معاكي حق في كل اللي قلتيه بس اهم شئ الوحده تكون راضيه بقضاء الله وماتعترض وفعلا كلنا في المنتدى دا اخوات واكثر ان شاء الله

فعلا لما الواحد يرضى بالمكتوب يرتاح،،وما يشيل هم لشيء

[أم سما]

يووووه يابنات دقيتو عالوتر الحساس طيب أيش رايكم أذا قلت لكم أنا أم ل3 أطفال 8سنوات و4سنوات والثالثة 10 أشهر وفوق هذا كلة موظفة أداوم من الساعة 6ونص وأكرف ألين الساعة 1 ونص الظهر وأرجع أذاكر للي بالمدرسة واليوم أول يوم أجازة من دوامي ويوم السبت عندي علم نفس أجتماعي ولين ألحين مافتحتة أشرايكم في الهنا الي انا فية

الله يكون في عونك حبيبتي ،، وخلي الكتاب في يدك دائما وامنعي نفسك من الزيارات والروحات (هي اللي تضيع وقتنا)
وربي يسرلك أمرك وييسر لك كل صعب