هل درجاتي تؤهلني لكلية الطب ؟!

[yasser1]

االسلام عليكم ورحمة الله وبركاته ..

أخواني الأعزاء بحمد الله خلصنا الترم الأول بكل ما يحمل من خير وما أصاب من شر ..

انا انتهيت من خطة أ ولله الحمد .. لكن درجتي في الفيزياء سيئة نوعاً ما ..


هذي درجات جميع المواد .. وهل بالأمكان اني ادخل كلية الطب اذا شديت حيلي الترم الثاني ..

Eli 103 : 93
math : 82
physics : 75
cpit : 96

باقي مهارات الاتصال وانقلش ليفل ثري وان شاء الله كلها الاثنين فوق 90 ..

الترم الجاي باقيلي ثلاث مواد إحصاء وكيمياء وأحياء ..

كم يبغالي اجيب اقل شي فيها عشان اترشح لكلية الطب ..

وطلاب الطب ما رأيكم في الدرجات !!


جزاكم الله خيراً .. وشكراً

[محمد الداود]

وعليكم السلام ورحمة الله ..
شوف يا د ياسر ، بعطيك الخلاصة ..
الحين باقيلك كيمياء وأحياء و level4 ، إضافةً للإحصاء
هذي حاول ما تنقص فيها ولا درجة ، خصوصاً الثلاث مواد الأولى !!!
وبإذن الله بتنقبل في الفرع الرئيسي ، درجاتك تعتبر جيدة جددداً
ما أخفيك جبت C+ في level4 ، لكن عوضتها بتوفيق الله في المواد الثانية
والحين بفضل ربي في الفرع الرئيسي.

ولاتنس عندك فرع شمال جدة وفرع رابغ
يعني بإذن الله ١٠٠٪ داخل الكلية ..
بس سوي اللي قلتلك عليه فوق ..

دمت بتوفيق♥ ..

[Dr.Ammar]

د.محمد الداود .. يمين بالله انك انت الطَـالِبْ و الطَـبِـيـبٌ القُــدْوة َـ

ما شاء الله عليك .. شخصية فريدة من نوعها ..الله يوفقك وييسر امرك ..

والملتقى غداً في كلية الطب يارب

[maryam.n]

د . محمد الداود .. من جد مافي زيه ما شاء الله ! الله يوفقك وين ما وليت وجهك بجد تساعد التحضيري و غير التحضيري وو و قلبك مفتوح للكل .. الله يقويك .

[yasser1]

أشكرك جزيل الشكر د.محمد الداود ..
اجابة كافية ووافية ..
وجزااك الله ألف خير .. والله يوفقك في دراستك .. وبإذن الله نراك أفضل طبيب قريباً ..

دعواتك ..

[M.Ammar]

د. محمد الداود..
كفيت ووفيت الله يعطيـّكـ.ِ ـأإلف عـأإفيهـ.ِ ...بس معليش يا طلاب التحضيري هاليومين حايسين بالاختبارات -_-"
وـأإعذروونـأإ ـأإن قصرنـأإ في مسااعدتكمـ.ِ..
لكن الله يوفقكـ.ِ يا د.حمتـو على تضحيتك بووقتك ..والله ـأإنكـ.ِ دكتوور بحق وحقيق :)..

[M!SS Lara]

دكتور محمد الداوود مره مره مررررررررررررررره شكرا ع ردك منجد تفائلنا :)
الله يوفقك يارب وتصير طبيب ومعيد بكلية الطب ومعروف ع مستوى المملكة يارب ..


وأخي صاحب الموضوع .. شوف موضوعي الي نزلته عن خطة ألف :)

بالتوفيييق لنا جميعا :)

[محمد الداود]

لو تعلمون مني ما أعلم ، لما كنت أستحق حرفاً واحداً
اللهم إني أسالك صلاح النفس ظاهرها وباطنها

لكم وااااافر وأعمق الشكر على حسن ظنكم بي♥ ..

[ماجد المقبل]

مافي شي مستحيل ثق بالله ودرجاتك مهي سيئة لكن لازم تشد بالكيمياء والاحياء خصوصا وعرف انو احنا الاولاد لنا 3 فروع واي شي ثاني امر

[abdullah21]

up up