ماذا سأكون في المستقبل؟؟ارشدوني

[Hwa22]

السلام عليكم ..
ياناااس انا طالبه تو تسكنت بكليه العلوم وان شاء الله بدخل احياء،،
وحسب علمي فيه علم حيوان،نبات،احياءدقيقه
استفساري هو ..ماهي افضل قسم من الاقسام الثلاثه المذكوره
ولو دخلت قسم منها ايش راح اتوظف؟؟؟؟؟؟
مستقبلا فرضا دخلت احياء دقيقه ايش بتوظف اتخرج ايش ؟؟؟
ارجوكم انا محتاره جدا اخاف مافي مستقبل
الله يعافيكم ويوفقكم ارجو الررررررد
لكم دعواتي $$

[ذكرى الاحلام]

‏ ياقلبي أنا زيك محتاره وقررت أدخل أحياء ‏
واتخصص هندسه وراثيه لاني احب الوراثه ودراستها ‏
مع إني كان نفسي في كلية تانيه بس حجرب نفسي في الاحياء لو ما مشى حالي يمكن احول ‏
والتخصصات الي اتوقع انها حلوه كيمياء حيوي وأحياء ‏
بس هذا من رأيي وكل واحد وميوله
وبالنسبه لمجالات العمل ‏
تدريس او مختبرات احياء ‏
وتدريس و مختبرات و مستشفيات وشركات ارامكو وسابك كيمياء ‏
بس تري مو متأكدة وياليت احد عنده خبره في دا الشي يفيدك
وبالنسبه لتخصص احياء دقيقه ما أعرف شي عنه بس ‏
ابحثي وشوفي
الله يوفقك دنيا واخره وينور دربك ‏
تحيااااتي ‏
...........
Up
up
لعيوووووونك ‏
وإن شاء الله يفيدك غيري

[Hwa22]

الله يوفقك يارب بس انتي بالفيصليه؟؟

[lofa]

وعليكم السلام
انا اتخرجت من ترم , تخصصي احياء دقيقة .
القسم حلو والمناهج حلوة والدكاترة مررررة مرنين , المعامل حلوة وسهلة , يعني مرة حتنبسطي ان شاء الله وانتي بتدرسي ولكن مالوووووو وظايف . لما جينا انا وصاحباتي اللي كتير منهم احياء دقيقة وكتير منهم كيمياء حيوية نقدم ف مختبرات المستشفيات قالولنا ماصرنا ناخد علوم . الاولوية لطلاب التقنية . ولما جينا نقدم للتدريس ف المدارس الحكومية قالولنا بنات الكلية اولى من بنات الجامعة للتدريس .
سمعنا انو في حالات زي مثلا لو اخدتي الدبلوم التربوي سنة بعد البكالريوس ممكن تنقبلي ف التدريس ف المدارس الحكومية . ودا على فكرة تاخدية على حسابك . وممكن لو تبغي تشتغلي ف المستشفيات تتدربي لمده سنة اسمها سنة الهية تحت اشراف الهيئة وتدفعيلهم مبلغ كل شهر اتصور انو 700 ريال لمدة سنة . مع انو في كتر قالو حيقدمو على الهيئة بس انا ما قدمت حسيت انو برضو حأدرب لمده سنة وادفع مبلغ كبير وبرضو مو اكيد انو يقبلوني بعد ما اخلص ويقولولي العلوم ما ناخدهم .
واحد يقربلي قدم اوراقي ف مستشفى حكومي قالولو لو دخلت البنت ادارة و اقتصاد كان قبلناها ولقينالها اكتر من وظيفة عندنا اما علوم ما صرنا ناخد الا ممكن لو تبغى تسحب دم . (ارامكو وسابك لما دخلت ادور ف التوظيف حقها , مو طالبين احياء او كيمياء حيوي . ولكن طالبين كيمياء ) فلو تبغي تشتغلي ف ارامكو او سابك نصيحتي لكي بلاشي المايكرو او الكيميا الحيوي وجربي الكيمياء لانو مطلوب من الشركتين دي كمان اتوقع الفيزياء بس مو متأكده منها بس متأكده من الكيمياء . عموما الله يسهلك ويكتبلك اللي فية الخير . ما ابغى احبطك . انا قلتلك انا انبسطت ف القسم حلو والدراسة حلوة بس وظايفو محدوده جدا . ف استخيري كم مرة قبل ما تقرري والله يوفقك .

[Hwa22]

جزاك الله خير

[دافئ الإحساس]

المشاركة الأصلية كتبت بواسطة lofa وعليكم السلام انا اتخرجت من ترم , تخصصي احياء دقيقة . القسم حلو والمناهج حلوة والدكاترة مررررة مرنين , المعامل حلوة وسهلة , يعني مرة حتنبسطي ان شاء الله وانتي بتدرسي ولكن مالوووووو وظايف . لما جينا انا وصاحباتي اللي كتير منهم احياء دقيقة وكتير منهم كيمياء حيوية نقدم ف مختبرات المستشفيات قالولنا ماصرنا ناخد علوم . الاولوية لطلاب التقنية . ولما جينا نقدم للتدريس ف المدارس الحكومية قالولنا بنات الكلية اولى من بنات الجامعة للتدريس . سمعنا انو في حالات زي مثلا لو اخدتي الدبلوم التربوي سنة بعد البكالريوس ممكن تنقبلي ف التدريس ف المدارس الحكومية . ودا على فكرة تاخدية على حسابك . وممكن لو تبغي تشتغلي ف المستشفيات تتدربي لمده سنة اسمها سنة الهية تحت اشراف الهيئة وتدفعيلهم مبلغ كل شهر اتصور انو 700 ريال لمدة سنة . مع انو في كتر قالو حيقدمو على الهيئة بس انا ما قدمت حسيت انو برضو حأدرب لمده سنة وادفع مبلغ كبير وبرضو مو اكيد انو يقبلوني بعد ما اخلص ويقولولي العلوم ما ناخدهم . واحد يقربلي قدم اوراقي ف مستشفى حكومي قالولو لو دخلت البنت ادارة و اقتصاد كان قبلناها ولقينالها اكتر من وظيفة عندنا اما علوم ما صرنا ناخد الا ممكن لو تبغى تسحب دم . (ارامكو وسابك لما دخلت ادور ف التوظيف حقها , مو طالبين احياء او كيمياء حيوي . ولكن طالبين كيمياء ) فلو تبغي تشتغلي ف ارامكو او سابك نصيحتي لكي بلاشي المايكرو او الكيميا الحيوي وجربي الكيمياء لانو مطلوب من الشركتين دي كمان اتوقع الفيزياء بس مو متأكده منها بس متأكده من الكيمياء . عموما الله يسهلك ويكتبلك اللي فية الخير . ما ابغى احبطك . انا قلتلك انا انبسطت ف القسم حلو والدراسة حلوة بس وظايفو محدوده جدا . ف استخيري كم مرة قبل ما تقرري والله يوفقك .

بالنسبة للكيميا الحيوي

انا معاكي انو مو مكتوب كيميا حيوية في ارامكو

لكن ترا ارامكو طالبين طلاب متخرجين من قسم البايوك

وجانا واحد مدير من هناك وادانا محاضرة

وقالنا اننا مطلوبين هناك في ارامكو

وهوا نفسوووو المديير دا اتخرج من نفس دي الجامعة

ومن قسم البايوك

ورجعت لدكتور اللي قال للمدير دا يعطينا دي المحاضرة

انو مو مكتوب قسمنا في موقع ارامكو وبس مكتوب

كيميا !!!!!!!!!!!!

قالي انتا فاكر اش اللي قالو المدير اللي من ارامكو؟؟


قلتلو فاكر اننا مطلوبين قالي خليك ع كلام المدير وبس

وكلمت المدير اش حنشتغل هناك

قالي في المختبرات هناك

وقالي انو اي شركة في مختبرات نحنا مطلوبين فيها

يعني حتى لو سابك كمان

اما عن قسم المايكرو صراحة ماعندي فكرة ازا مطلوبين في

الشركة دي ولا لا

بالتوفيق

[دافئ الإحساس]

المشاركة الأصلية كتبت بواسطة hwa22 السلام عليكم .. ياناااس انا طالبه تو تسكنت بكليه العلوم وان شاء الله بدخل احياء،، وحسب علمي فيه علم حيوان،نبات،احياءدقيقه استفساري هو ..ماهي افضل قسم من الاقسام الثلاثه المذكوره ولو دخلت قسم منها ايش راح اتوظف؟؟؟؟؟؟ مستقبلا فرضا دخلت احياء دقيقه ايش بتوظف اتخرج ايش ؟؟؟ ارجوكم انا محتاره جدا اخاف مافي مستقبل الله يعافيكم ويوفقكم ارجو الررررررد لكم دعواتي $$

اختي

صحيح انو الكيميا الحيوية والمايكرو مالهم وظايف

في القطاع الحكومي

لكن ازا كملتي الماستر صدقيني وبازن الله

حتلاقي وظايف وبالتاكيد إن شاء الله

بالتوفيق

[lofa]

والله اتمنى انو كلامك يطلع صحيح لانو حرام بيتخرجو بنات واولاد بالهبل من الكيمياء حيوي ومساكين عاملين حسابهم انو يلاقو وظايف عدلة بعد ما يتخرجو . ف ان شاء الله انو ارامكو وسابك ياخدو كم مجال من العلوم غير الكيمياء .
والله يوفق الجميع

[دافئ الإحساس]

امين يارب

ويكون افضل لو تكملو دراستكم لو اقلها بس الماستر

لنها بتوفر للواحد وظايف اضمن إن شاء الله

بالتوفيق

[~..candy..~]

المشاركة الأصلية كتبت بواسطة hwa22 السلام عليكم .. ياناااس انا طالبه تو تسكنت بكليه العلوم وان شاء الله بدخل احياء،، وحسب علمي فيه علم حيوان،نبات،احياءدقيقه استفساري هو ..ماهي افضل قسم من الاقسام الثلاثه المذكوره ولو دخلت قسم منها ايش راح اتوظف؟؟؟؟؟؟ مستقبلا فرضا دخلت احياء دقيقه ايش بتوظف اتخرج ايش ؟؟؟ ارجوكم انا محتاره جدا اخاف مافي مستقبل الله يعافيكم ويوفقكم ارجو الررررررد لكم دعواتي $$

وعليكم السلام ورحمة الله وبركاته
في اربعه اقسام قسم جديد اللي هوا التقنية الحيويه وهو قسم مرغووب
اذا تخصصتي احياء دقيقه غير التدريس تشتغلي في مختبرات الابحاث
الله يوفقك