بحوث العمليات وبكل شفافيه (سهله وادخل شوف)

[Rasheed]

بارك الله فيك

[متخرج]

اخواني الاعزاء انا درست عند مدرس بالرياض وتدريسه تقول طالب تعلم الماده وقام يشرح وهذا اللي خلاني اتاكد ان الماده سهله ،،،،، والمدرس اللي درسني لم يكن فاهم للماده كثير والملخص من جنبها ومع هذا جبت 80 وصدقوني كل مادرسني درس اقول الحين هذا من المواد السهله قال لا هذا اصعب شئ اللي هو السمبلكس والله مافيه من الصعوبه شئ الا ان خطواته كثيره يعني مثل واحد يبي يسافر لمكه ياخذ عمره اكيد يبي يختار الوقت المناسب ويحجز طياره وياخذ احرامه وفي الطياره يحرم واذا وصل جده يتجه بليموزين للحرم ،،، يعني مجرد خطوات تحفظها وتمشي تصدقون كل مادرسني المدرس موضوع قلت بالله هذي بحوث العمليات اللي خوفونا منها ،،،ماده جب لك فيها مدرس وحل معه وبتذكر كلامي ،،، اصلا المدرس انهبل مني من كثر ما اقول بالله هذا السمبلكس اللي يقولون اصعب شئ ،،، شدو حيلكم ولا تجيب مدرس وانت متخوف من الماده جب المدرس وانت واثق انها سهله وقاعد تنتظره يفهمك بكل اريحيه ،،، عش حياتك واعرف انها سهله ،،، كان المدرس كل ماشرح اقول متى تجي الصعوبه في المسأله شوي يقول انتهت الحصه والموضوع هذا ،،، شئ حلو جدا بس الناس بصراحه عيشوني كابوس طول المده لين اخذت الماده وارتحت ،،،، بالتوفيق للجميع واعتذر عن التأخر بالرد لانشغالي والله يوفقكم جميعا،،،،
وانا اختبرتها من اسئلة الادريسي اللي يقولون اصعب اسئله بصراحه كانت اسئله مباشره،،، تحياتي والرجاء الرجوع لاسئلة الترم الماضي لان اسئلة البحوث دائما تجي متشابهه مع تغيير سؤال او سؤالين

اسئلة الترم الماضي،
سؤال في التخصيص
سؤال في السمبلكس
سؤال في شبكة الاعمال بيرت
سؤال في شجرة القرارات

وفي مواضيع سهله مره ماجاء منها اسئله ولا كان جبنا 100 % وهي حالات عدم التأكد وحالات التأكد من اسهل شئ في المنهج وتضمن درجتها لو جت في الاختبار ،،
تحياتي واسف للاطاله بس والله انقهرت من الناس اللي كبروا الماده لين خلوها كابوس وفادني شئ واحد جاي للماده متحمس ومتخوف ومعطيها اكبر من حجمها وبالاخر طلعت اقل من ماتوقعت وكانت ماده ممتعه جدا وبالنسبه لي حبيت الماده هذي جدا ممتعه ،،،

في احد الاشخاص يقول ماراح اجيب مدرس طبعا هذا الشئ راجع لك بس افضل تجيب مدرس يساعدك ويريحك بعض الشئ وعلشان تضمن انك فاهم صح ،،، وتضمن انك تقدر تناقش واهم شئ اهم شئ تتعود على حل المسائل وهذي اهم نقطه في الماده
شدو حيلكم

[متخرج]

مداخله في سؤال في السمبلكس كانت المسأله طويله وطبيعي قاعد اطلع المعطيات منها شوي اتفاجأت بالارقام ،، تخيل لما كنت احل مع المدرس الخصوصي كانت الارقام اربعين ثلاثين ستين ماتعدى ميه وفجأه بالاختبار القى ارقام مية الف وثلاثميه وسبعه وخمسين الف وبصراحه ماكان معي حاسبه واختبصت شوي ولما سالت احد الطلاب النواتج بتطلع كبيره لان فيها ضرب قال ياخوي تجاهل الاصفار كلها وحل يعني مثل الرقم 520000 تعامل معه على انه 52 علشان ماتنخم بس وتقول وش السالفه،،،،،

[فهد العنزان]

المشاركة الأصلية كتبت بواسطة فهد العنزان جزاك الله خير أخي الكريم على ما قدمت من نصح يخص هذه المادة بنسبة للمدرس الذي درسك هذه المادة ياليت أخي الفاضل (تذكر لنا اسمة، ورقم الاتصال به ، واين يسكن وسعر تدرسيه للمادة) لتعم الفائدة لجميع أخووووووووووونك الطلاب موفق خير في حياتك العلمية والعملية ابو فيصل

؟؟؟؟

[متخرج]

ابو فيصل اعتذر منك على التأخير والاجابه على سؤالك
انا درست الماده بالرياض عند مدرس بالبديعه واذا تبي رقمه من عيوني طال عمرك
واخذت الماده بستمية ريال بدون درس المصفوقات لاني ماقد سمعت انه جاء بالاختبار
عيب المدرس ماكان عنده ملخص وجبت ملخص هاني عرب وشرحنا منه وكان في موضوع او موضوعين مثل التخصيص مو موجود في مذكرة هاني عرب لاني انا ادارة عامه والاخ هاني عرب مذكرته لإدارة الاعمال وكان فرق في موضوع او موضوعين بين التخصصين وشكرا،،،
تعودو على حل التمارين ا هم شئ واقولها للمره الميه علشان تتعود على السرعه في الحل لان وقت الاختبار ساعه ونص.
والماده يبي لها من ساعه ونص الى ساعتين على الاقل وقت الاختبار بس نظام الجامعه يقول ساعه ونص يعني بالتوفيق للجميع مقدما،،،،

[متخرج]

0502900304
اسمه لطفي ساكن بالبديعه
بالتوفيق ابو فيصل وطبعا انا ماخذ رقمه من النت واول مادخلت عنده لقيت كمبيوتر دريت انه هو مسوي لنفسه دعايه بالمنتديات
على كل حال هو ليس بطال وشرحه مبسط ولكن عليك ان تحضر معك المنهج واسئله هاني عرب الموجوده بالنت لان هاني عرب منزل مذكرتين وحده شرح ووحده فقط اسئله ،،، تحياتي

[فهد العنزان]

المشاركة الأصلية كتبت بواسطة متخرج 0502900304 اسمه لطفي ساكن بالبديعه بالتوفيق ابو فيصل وطبعا انا ماخذ رقمه من النت واول مادخلت عنده لقيت كمبيوتر دريت انه هو مسوي لنفسه دعايه بالمنتديات على كل حال هو ليس بطال وشرحه مبسط ولكن عليك ان تحضر معك المنهج واسئله هاني عرب الموجوده بالنت لان هاني عرب منزل مذكرتين وحده شرح ووحده فقط اسئله ،،، تحياتي

مشكوووووووووووووووور أخوي وبتوفيق لنا ولك

[][_ غــــــيــــــر _ ][]

الله يعيطيك العافية اخوي متخرج .. عندي أكثر من استفسار ..
بالسنبه للملخص حصلت ملخصات قديمه مكتوبه بخط اليد وتصوير بالماسح الضوئي ..

وملخص هاني عربي خاص بـ بحوث العمليات - ادارة اعمال والمطلوب ملخص لـ طلاب الادارة العامة Pad 351

الا اذا كان لايوجد اختلاف بين المادتين فهذا شيئ آخر ..

وأيضاً الكتاب تغير حسب افادة الاخوة الذين حضروا الدورة بالفصل الماضي ..

تمنياتي لك بالتوفيق في حياتك العلمية والعملية ..

[متخرج]

اخوي غيــــر تحيه طيبه
اول شئ انا توني متخرج الترم هذا اللي فات وماخذ بحوث عمليات ولا تغيير فيها ،،،
انا درست من مذكره هاني عرب ،،،، وهي افضل من اللي بالماسح الضوئي وكلها نفس المواضيع ولكن مذكرة هاني عرب افضل من حيث الشرح والترتيب،،،
ولا يوجد فرق بين بحوث العمليات في ادارة الاعمال والاداره العامه الا في المفردات يعني بعض المواضيع مقرره على الاداره العامه وغير مقرره على ادارة الاعمال والبعض مقرر على ادارة الاعمال وغير مقرر على اداره العامه علشان كذا تلقى ملخص هاني عرب فيه موضوعين ماتلقاها وهي مطلوبه منك في اداره العامه مثل درس التخصيص ودرس المصفوفات وهو غير مهم واقصد المصفوفات ،،،،
وعلشان كذا جب مذكرة هاني عرب واطلب من المدرس الخصوصي يوفر لك المواضيع الناقصه حسب المفردات يعني اطبع المفردات وبتعرف المطلوب
بالتوفيق اخوي

[][_ غــــــيــــــر _ ][]

... الله يعطيك العافية اخوي المتخرج على توضيحك وتفاعلك الطيب ...
.. دمــــــــ ـ ت بـــــــــــــ ـود ..