مهارات الاتصال مادة بسيطة .. بس :(

[Rghd]

السلام عليكم ورحمة الله وبركاته
ممكن تستغربوا من اللي حقوله لكن مادة مهارات الاتصال مسببتلي عقدة وحقيقي خايفه مره انها تتزل من معدلي
جبت في الاختبار النظري 29 من 30 قلت ان شاءالله اشد حيلي في النهائي واجيب الدرجة الكاملة وهما يرفعوني درجة
المصيبه هنا ان استاذتنا مرره تقعد على الوحده
يعني في مهارة الالقاء والعرض سويت كويس الحمدلله ما ترددت ورفعت صوتي وضبط نبراته .. وكنت مناكده اني حجيب 5 . لكن انصدمت لمن شفت ان الدرجة 4.8 .. انا وكل قروبي نفس الشيء مع انه في اختلاف في المستوى
وصحباتي في الشعب التانيه سوا عادي وفي منهم ضحكوا واخدوا الدرجة الكاملة
مني عارفة ايش اسوي . حقيقي مضايقة وخايفة على معدلي

[Somaiah Yousef]

وعليكم السلام ورحمة الله وبركاته

من جدك تتكلمين ؟؟

تدرين انا الترم الاول جبت في كل المواد فل مارك :)

وجيت عند الاتصال جبت في النصفي 25

من الصدمة ضحككت .. كنت اقل درجة في الكلاس :)

ترى دا شي طبيعي جدا

وفي النهاية مايأثر على المعدل .. كدا ولا كدا انتي فوق a+

اذا قصدك ع النسبة الموزونة .. مايؤثر بدرجة كبيرة .. النقص ماحيخسفك مرا :)

والدرجات اشوفها كويسة لا تزعلي ع ال0.2

اتعووووووووووودي :)))))

[Thermo]

هو فيه درجة 0.2؟!

[khaledr55]

احمدي ربك انا جايب 22 ):

[Rghd]

فيونكه الله يسعدك شكرا اديتيني امل

[Rghd]

Therome
ماعرف كيف يحسبوها في النهائي بس هادا اللي طلعلي في الاودس

[Rghd]

khaledr55
شد حيلك في النهائي .. بالتوفيق

[SoJust]

درجة ولا درجتين ماتفرق انت مااراح تدخلي النار اذا نقصتي _ تريها دنيا فانية ورايحة لا بتنفعك الفل مارك ولا بينفعك شيئ غير اعمالك الصالحة + هذه تحضيري بتروحين التخصص وبعدين تتمني الدرجات االلي زي كذا
كمان انت سوي اللي عليك وذاكريها زيها زي اي مادة وحاولي تفهميها لان اسأتلهم عبارة عن تعال اختبر عشان تغلط ههههههه مثل اختبارات الحاسب بالضبط حاجة عملي يحطونها نظري ويجبون الاسئلة على مستوى

[Mawaddah15]

نصيحة لإختبار مهارات الإتصال الجاي انتي ماعليكي غير إنك تفهمي كل شي وتفرقي وإن شاءالله حتحلي بفهمك وتجيبي الفل مارك
كمان درجاتك تبارك الله مرة كويسة وبالنسبة للعرض لو انك نقصتي 0.2 دي بالراحة تنجبر إن شاءالله

[osama_ma]

!!!
ماشاءالله عليك اتوقعت من العنوان ان ناقصك 10 درجات على الأقل
أختي هونيها بتهون
مو لذي الدرجة الله يهدينا وإياك