مكتبة دار الهدى
معهد ام القرى
مساحة اعلانية
 
وصف
الأستاذة وفاءالاستاذة جوهرةالاستاذ علي عبدالعظيمدكتورة الكيمياءالاستاذة صفاء
الأستاذة سارةمدرسالاستاذة بهجةمساحة إعلانية متاحةالاستاذ حسن ابو شريف
الاستاذ ابو محمدالاستاذ اسامة عبدالرحمنالاستاذ وليد حافظ

 

 


العودة   منتديات سكاو > الكليات الجامعية > منتدى كلية الآداب والعلوم الإنسانية > قسم علم النفس
   
   


ملاحظات و مؤشرات في علم النفس ( بالعامية )

قسم علم النفس

إضافة رد
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 06-07-2018, 06:36 PM
الصورة الرمزية علا الزعبي

علا الزعبي علا الزعبي غير متواجد حالياً

جامعي

 
تاريخ التسجيل: Dec 2015
الكلية: كلية الآداب والعلوم الانسانية
التخصص: علم نفس
نوع الدراسة: إنتظام
المستوى: الثامن
البلد: جــــدة
الجنس: أنثى
المشاركات: 11
افتراضي ملاحظات و مؤشرات في علم النفس ( بالعامية )


بسم الله الرحمن الرحيم
و الصلاة والسلام على رسول الله و على آله و صحبه أجمعين

سلام للجميع نقرتين لعرض الصورة في صفحة مستقلة
بعض ملاحظاتي يلي بكتبها بالجامعة و ما برتاح إلا إذا سجلتها بالعامية و بأسلوبينقرتين لعرض الصورة في صفحة مستقلة
مع هيك حبيت غيري يستفيد منها ، أستاذة المادة : إيمان الطباع



المظهر العام :

الفصام : شكلو مكركب ، مو مهتم بشكلو أبدا ، مافي نظافة شخصية
الاكتئاب الشديد : ممكن كمان مافي اهتمام للشكل و ألوان غالبا غامقة
البارانويا : براقب دايما ، عندو فرط انتباه ، بدور عالأشياء الغلط يلي بدها تأذيه
الهستيريا : شكلو ملفت ، اكسسوارات و خواتم كبيرة و ألوان ملفتة
الهوس : شكل ملفت بس بدون تناسق ( عجقة )، الهستيري أكثر تناسق منو
الوسواس : شكلو كتير مرتب ، كل شي بمكانو ، طول الوقت هاد زابط مع هاد و هيك
الطفل : رتابتو مؤشر على رعاية الأم

نشاط حركة زائد : هوس
انخفاض الحركة : اكتئاب



- انتبهي لما تشكّي إنو الشخص معو إكتئاب إسأليه :
هل سبق كانت حالتك كويسة أو سبق و عانيتي منها ؟ هل إجتك فترة حسيت بالعكس ؟ وإنك فرحان و علاقاتك تمام وكذا ؟
لأنو يمكن يكون معو هوس ( ثنائي القطب ) مرة مكتئب مرة رايق
بس جاييكي بحالة إكتئاب لأنو لو رايق أساسا مارح يجي لعند أخصائية نفسية




- لما تسأليه عن الانتحار ركزي معو مو مع الورقة والقلم
- أكتبي بنفس اللهجة تبعو مو بالفصحى
- أكتبي متل ما ذكرها بالضبط
- لا تقطعي حبل أفكارو
- بس يخلص حكي إسأليه ( حسيت لما حكينا عن كذا إنك تأثرت )











حركات الجسم اللاإرادية :

- انتبه إذا الشخص بأشّر ومتفاعل و ودود معي ولا بس ساكت

الودود: غالبا أكثر اجتماعية و أكثر تفاعل بالعلاج
مشبك إيديه : معناها في عائق بيني وبينو
كلما زادت شدية التشبيك لسا مافي تقارب بيناتنا
مكتف إيديه و رجل على رجل : عوائق بيناتنا و كأنو بقول : لا تقربي علي و الزمي حدودك
بقرب علي وهو يحكي : اقرب عليه لأنو معناها رح يحكي شي أكتر خصوصية
إذا بعد كمان أنا بعد بفهم منها إنو بدو مسافة بيني و بينو
يهز برجلو : معصب أكتر من متوتر
قعدة عادية : عادي و منفتح
منسدح : لا مبالي .. غالبا المراهقين ، لو حسن قعدتو معناها كسبت اهتمامو
قظم الأظافر : مشكلة بالثقة بالنفس ، قلق مدفون و متغلغل
حتى وهو مو متوتر باللحظة الحالية مثلا بيحضر مسلسل و مرتاح مع هيك بقظم أظافرو
مسكة الأنف : غالبا دليل كذب
مسكة الأذن : بدو يسكر ادنو ما يسمع كلامك
حطة الإيد عالفم : متردد يجاوبك و لا لأ
التطليعة عالأرض : معناها أنا حكيت شي حساس عندو و خاص ضربت ع وتر خايف يحكيه ، وقتها حسسيه بالعطف أكتر و قولي مثلا : خبرني ، أنا عارفة هالموضوع بدايقك و ...
أي شيب تحكيه بكون سري بيني وبينك و هي مسئوليتي ، رح أساعدك و أعمل جهدي و ...

التواصل مع الفاحص :

انتباهو معي كيف ؟
مشتت و لا مركز ؟

البارانويا : بضل يتحقق مين شايفو و كذا
القلق : شوية تشتت
الاكتئاب أو قلة الثقة بالنفس : مارح يتطلع فيكي طول الوقت بس لما يحتاج


ترابط الكلام و الأفكار :

في ناس بنفس الموضوع ولو غيرتيه بقلك : استني لخلص
عندو جمود أو سيطرة

نبرة الصوت :
منخفضة : اكتئاب / انخفاض الثقة بالنفس
- لما يعلي صوتو علي أعلي صوتي بس ما ترتفع عن درجة صوتو إذا كان معصب

- انتبهي : مشاكل بالنطق ، حالتو المزاجية

- بهمني أعرف الدافع يلي خلاه يجي لعندي


مشاكل بالشهية : اكتئاب / قلق
أفكار غريبة : فصام
مشاكل تركيز و ذاكرة : قلق



- دايما و انتي تسمعي المعلومات حللي مو بس تسجلي
كوني شوي فضولية بما يخدم الحالة تبعك
- ع قد ما جمعت معلومات ع قد ما عرفت شخِص الحالة
شخصي كويس لأنو كل شخص إلو شخصية و أسباب معينة

- كلما كانت مشاكلو كتيرة وهو طفل كانت مراهقتو أصعب ورح يتمرد ع عيلتو بقوة

- الاهتمام و الميول تبع الشخص بساعدني بخطة العلاج يلي بدي حطلو ياها و الأنشطة

- يلي بيتنقل بشغلو ممكن يكون مؤشر إنو شخص سيكوباتي ( مضاد للمجتمع ) أو ماعندو مسئولية

- بدراسة الحالة : تمهيد و بالترتيب ما تبدي فورا بالأشياء الخاصة خلي في ثقة بينك و بينو بالأول

- خدي معلومات عامة بعدين تعمقي ،العمر و الاسم و الأسرة و ..... ( استدراج )

العوامل البيئية المرسبة : يعني إسأليه شو يلي خلاك تحزن ؟
شوفي أشياء إضافية أثرت عليك ؟ برأيك هالشي إلو علاقة و خلاك تتأثر أكتر ؟
ايمتى آخر يوم حسيت فيه بالسعادة ؟ طيب شو يلي اختلف بعدها شو يلي فجر الموضوع

شو يلي فجر الموضوع هي من أهم مفاتيح العلاج إني أعرف السبب الرئيسي

مسار العملية : هل سبق رحت ع أخصائي ؟ شو التطورات تبع حالتك ؟ شو الأسلوب يلي استخدمو المعالج معك ؟ ناسبك ولا لا ؟

مشان أنا ما كرر الخطأ و أعطيه شي ما بناسبو أو طريقة علاج ما عجبتو

من أخلاقيات المهنة :
- ما بحقلي أعمل أي شي بدون إذن الشخص
- ما بحقلي اتصل اسأل أهلو عنو
- طالما ما إجاني محضر أو قرار من المحكمة ( سلمينا ملف فلان و ... ) ما بطلع و لا ورقة و إلأا بقاضيني الشخص

- شوفي الميثاق الأخلاقي السعودي ( أو البلد يلي رح تتوظفي فيه )

- آخر شي أكتبي الملاحظات السلوكية
مثلا توتر لما حكيت بالموضوع الفلاني
وطى صوتو لما حكيت عن كذا

- لما تجاوبي بالتقارير لا تجاوبي كلمات متقطعة
نظيف ، مظهر جيد.... أكتبيها بأسلوبك ن أوصفي شكلو و صفاتو بمقطع كامل
مو ضروري تكتبي كل شي
ابتسم ، عمل هيك ، بس يلي بتشوفيه مهم

- مهم تكتبي يوجد عاهات عندو أو لا







- لما بدأتي ترجحي و تتوقعي : عندو اكتئاب ، يمكن قلق ...
جيبي بعدها أدوات ثانية للتشخيص غير دراسة الحالة مثلا مقاييس و طبقي عليه اختبارات لتتأكدي من توقعاتك

- انتبهي للعمر تبع المقياس لأنو بيفرق الاختبار حسب العمر
للأطفال – للمراهقين – للراشدين .....

- بس لا تخبريهم شو بقيس الاختبار مشان ما ينكروا أو يصيروا يجابوا أجوبة متعمدة قولي هاد بساعدني أعرفك أكتر

- ممكن تضيفي عالنموذج أي شي بتحسيه مهم أو شي ما بتحسيه متماشي مع المجتمع مثلا عمرو 35 ومو متزوج



- اسألي عن :

الأم و الأب و الإخوة كلهم ( إذا عيلة كبيرة أهمهم ) شو تعليمهم

مشاكل الولادة : غالبا بتأثر على القدرات العقلية أو التركيز

ممكن لو دخل عالحاضنة يكون مدلل و اهتمام زائد من الأهل

هل أصبت بأي أمراض وكان الها تأثير عليك ؟ ( شي مهم مو مرض عادي و عابر )

المستوى الاقتصادي :( برأيو هو مو بالراتب و الماديات تبع عيلتو )
هل تم إشباع احتياجاتو أو لا

علاقة أسرتو : أستدل هل في دعم نفسي إلو ولا لا

تعرض لعنف جسدي ؟
بعدها إسألي عنف نفسي ؟
عنف جنسي ؟
عنف انفعالي ( إهانة ، تهزيء ، حرمان من الحب )

لا تسأليهم دفعة وحدة



الوراثة :
مثلا في وراثة بالعيلة مرض السرطان
أستدل إنو عندو قلق من هالشي

متوهمي المرض : كلامهم دايما
الدكتور الأول ما بيفهم
الدكتزر الثاني ما بيفهم
.....

القلق إلو مبرر متلا صابو حادث أو غيرو
توهم المرض مافي شي جدي و حتى لو حس بوجع

- لا تبدي بالعلاج النفسي قبل ما تنحل المشكلة عند الطبيب مثلا مشاكل غدة وكذا




- لا تقولي للطفل أنا ما بحبك
قولي هاد الشي غلط لا تعملو
لااا تعممي و تقوليلو إنت الغلط
مشان ما يحط براسو إنو هو حدا غلط
لازم الحب الغير مشروط : أنا دايما بحبك بس يلي عملتو غلط
مو لازم يعمل شي مشان تحبيه و إذا ما عمل تكرهيه




إعداد الطالبة : عُلَا الزُعِبي (:

 


توقيع علا الزعبي  

🌸 اللهم صل و سلم على نبينا محمد و على آله و صحبه أجمعين 🌸

 

رد مع اقتباس

 

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 

 


الساعة الآن 11:14 PM


Powered by vBulletin® Version 3.8.9 Beta 3
Copyright ©2000 - 2018, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2018