شباب متي يبدأ تسجيل المواد و الحذف و الاضافه بعد اجازة العيد 1430

[الناشر76]

السلام عليكم
انا مستجد في الدراسات العليا قسم هندسة حاسبات ويجب ان اخذ هذه المواد التكميليه
ee311,ee361,ee331,ee461
شباب هل ممكن اسجل عن طريق النت علماً انه لم يسبق لي التسجيل عن طريق النت سابقاً
ومتي يبدأ اضافة وحذف المواد وهل ينزل لي جدول اوتوماتيكياً ام يجب ان اضيف المواد بنفسي

[lotysweet]

اهلين
والله انا بعد ما اعرف اسجل موادي عن طريق النت
وياريت احد يقولنا على طريقة التسجيل
انا على مواد تكميلية مع اني بدرس ماجستير نفس تخصصي بالباكالوريوس بس لاني من كلية ثانية غير عن جامعة الملك عبدالعزيز
و لما رحت اسوي اوراقي وقبلوني نهائيا سالت متى تسجيل المواد وقالت لي الموظفة انه التسجيل بعد العيد بيوم 14 /10 /1430 هـ

[م.عمر]

العام الماضي كان التسجيل للمواد التكميلية بورق
تاخذ الورق حق الاضافة من قسمك او من الدراسات العليا مبنى 81 (للرجال) وتشوف المجموعات اللي تناسبك من odus تسجلها وتوقع من القسم وتسلمها لوكالة العمادة اللي في نفس كليتك
المشكلة المجموعات ماكانت تبان كلها ولازم تشوف واحد بكاليريوس نفس تخصصك توضح معاه كل المجموعات وتحدد المجموعه اللي يعجبك وقتها والدكتور اللي يدرس المادة (لايهمك لو كانت المجموعه مليانه او مقفله لانهم يفتحوها لك بما انك ماجستير تاخذ تكميلي)
اذا ماتعرف احد تروح مبنى 81 حق الدراسات العليا اول ماتدخل تروح يمين ثم يسار ثم يسار في يمين بتلاقي مكتب على اليسار في واحد هناك يقدر يطلعلك كل المواد
لانه لو رحت الكلية حقتك بتلاقيها زحمة موت من طلاب البكاليريوس والسكرتير ماحيطالع في وجهك من الزحمة
الاسبوع الاول لك في الاضافة والحذف
لو تاخرت عن الاسبوع الاول ممكن يتفسلف عليك العميد زي مااتفلسف علي

[الناشر76]

المشاركة الأصلية كتبت بواسطة م.عمر العام الماضي كان التسجيل للمواد التكميلية بورق تاخذ الورق حق الاضافة من قسمك او من الدراسات العليا مبنى 81 (للرجال) وتشوف المجموعات اللي تناسبك من odus تسجلها وتوقع من القسم وتسلمها لوكالة العمادة اللي في نفس كليتك المشكلة المجموعات ماكانت تبان كلها ولازم تشوف واحد بكاليريوس نفس تخصصك توضح معاه كل المجموعات وتحدد المجموعه اللي يعجبك وقتها والدكتور اللي يدرس المادة (لايهمك لو كانت المجموعه مليانه او مقفله لانهم يفتحوها لك بما انك ماجستير تاخذ تكميلي) اذا ماتعرف احد تروح مبنى 81 حق الدراسات العليا اول ماتدخل تروح يمين ثم يسار ثم يسار في يمين بتلاقي مكتب على اليسار في واحد هناك يقدر يطلعلك كل المواد لانه لو رحت الكلية حقتك بتلاقيها زحمة موت من طلاب البكاليريوس والسكرتير ماحيطالع في وجهك من الزحمة الاسبوع الاول لك في الاضافة والحذف لو تاخرت عن الاسبوع الاول ممكن يتفسلف عليك العميد زي مااتفلسف علي

جزاك الله خير

ولكن متي يبدأ التسجيل و الحذف و الاضافه

[م.عمر]

ياراجل يعني مايبغالها ذكاء
وشوف السطر قبل الاخير اللي كتبته
الاسبوع الاول لك في الاضافة والحذف
يعني يوم 14 مع بداية الدراسة
بعض الدكاترة والله يداوم من اليوم الاول وبعضهم اول اسبوعين ماتشوفوا
يعني اول ماتضيف المادة وتسجل في الكمبيوتر وتشوفها في نظام odus تحضر محاضراتك خلاص
بس زي ماقلتلك مواد التكميلي ماتظهر كل مجموعاتها ياتشوفلك واحد بكاليريوس يوريك كل المجموعات وتختار اللي موعدها يناسبك او تروح القسم تخلي السكريتير يطبعلك المجموعات ومواعيدها عشان تختار

[ابوحاتم 2005]

جزاك الله خير ماقصرت يام عمر
بس انا لما دخلت على الشعب في الأودس
وختارت رمز موادي التكميليه chem
ماطلعت ولا وحده من موادي في جدول 2010 الفصل الأول
مع أني لقيت بعضها في جداول 2009 الترم الأول والثاني
مادري ليش
ومافيه الى شعبة وحده

ياليت احد يفهمنا لانه جديد علية تسجيل المواد

[م.عمر]

انا افهمك الوضع
اول شي 2009 المجموعات اللي تظهر معاك من التكميلي هذه المجموعات اللي فتحها طلاب ماجستير واضافوها
يعني طالب الماجستير دحين لما يضيف مادة تكميلي ياخذ رقم الشعبة ويضيف المادة مايضيفوا اسمه في نفس الشعبه
لكن يفتحوا له شعبة منفصلة في نفس الوقت وحتلاقي اسمك في كشف منفصل مع الدكتور عشان كده لما تضيف تكميلي مايهمك لو كانت المجموعه مليانه او فاضية فهمت
عشان كده دحين مثلا لمواد التكميلي لاادارة الاعمال (قسمي) مثلا مادة مبادئ ادارة 101 هذه مجموعاتها مرره كثير
لكن كانت تظهر معايا مجموعة ba-bc-bd-bf-bg بس
طيب فين راحت مجموعة bb-be وباقي المجموعات؟
في النهاية اروح الاقي اصلا في مجموعات كثييير ماظهرت معايا ومواعيد ثانية ودكاترة مختلفين لكن المجموعات اللي ظهرت معايا هذه اللي فتحوها طلاب الماجستير اللي اضافوا المواد
عشان كده بقلك روح قسمك وخلي السكرتير يطبعلك كل المجموعات للمواد التكميلي واختار اللي يعجبك موعدها ودكتورها
طبعا التكميلي ينضاف بورق ماحتلاقيه في odus تاخذ الورق من وكالة العمادة للدراسات العليا في الكلية حقتكم وتوقع من امين القسم او رئيس القسم وتحطها في وكالة العمادة
الله يعنيك تاخذ مواد وتجيب معدل ولا تدخل في المعدل قهر

[الهنوفه]

ياجماعة الخييييير كيف عرفتو موادكم التكميليه ؟؟؟
انا سجلت ماستر اقتصاد متخرجه بكالوريوس ادارة اعمال دوليه كيف اعرف عليا مواد تكميليه والا لأ ؟؟ ولو علي ايش المواد ؟؟

[م.عمر]

هذه المواد التكميلية لماجستير الاقتصاد 8 مواد
http://economics.kau.edu.sa/content....www.kau.edu.sa
طبعا مو شرط تاخذي ال8 مواد حسب مالقسم يحدد
لازم تراجعي القسم عشان تحدد لك الدكتورة ايش تدرسي وايش ماتدرسي

[الهنوفه]

الرابط مارضي يفتح يمكن عشان دخلت الموقع من الجوال عموما الله يعطيك العافيه وجزاك الله خيييير ..
ماعليك أمر بس لو تقولي من فين اقدر اشوفها عن طريق موقع الجامعه اكون ممنووونه