خايفه وفرحانه!!

[J-14]

مرحبا اخواني اخواتي الاطباء
ماراح اهذر كثير لكن اش قصه دورة المصطلحات الطبيه ؟؟وهل هي ضروووريه لاني مو من جده!!
وما اقدر اجي!!وشكرا

[يارب بكره أحلى]

ان شاء الله دوم الفرحه يا قمر .’

المصطلحات الطبيه منتي ملزمه بيها

ممكن تفتحي كذا موقع وتقرأي وتبدأي تاخدي المهاره وان شاء الله الله يسهلنا (:

او تشتري كتاب معروف وسهل وتقرأي بحفظ وفهم .

حسب ما فهمت انها تعتمد على الحفظ وكله يمشي تمام ان شاء الله << قاعده تفتي ..,’

بس افضل عشين تحطك باول الطريق ..زي ما يقول د.مزاج


بالتوفيق وسوري على الفلسفه

[J-14]

شكرا حتاتي وانا مرة متحمسه

[shosho0o]

طيب بناات رحتوا سجلتوا ولا لا ؟؟ لأني ماجاني المسج بخصوص الدورة

[J-14]

ولا انا ماجاني مسج لكن صقيقتي طب عشان كذا اسأل <<انا عني ني من جده فما أقدر اسجل<<وراح اقرا بعض الكتب

[Kaira]

أنا كمان ماسجلت في الدورة ..
يمكن الدورة تخص البشري أكتر من الأسنان لأنو لغة الأسنان غييييير تماما عن البشري
حتى لو انو احنا حندرس في تاني أكتر المواد بشري لكن شي بسيط مو بتعمق ..
وأتوقع نفس الي كنا نآخدو في الأحياء في التحضيري >> طبعا إلي يخص الانسان ^^"
وبالتوفيق للجميع

[NaSeM]

ولا أنا ماسجلت :)
مافيا صراحة ^_^

ان شاء الله حنتعود أيام الدراسة .. وحتتسهل ان شاء الله

[Dr~NanoOok]

مين قال المصطلحات الطبية ما حتنفع غير للبشري بس ! "^^
بالعكس.. حنستخدمها مررره كتير في دراستنا.. وفي حياتنا كمان !

وكتير من الكلمات اللي بنستخدمها بحياتنا.. أصلها لاتيني.. واللاتينية مشتق منها المصطلحات الطبية
وإلى الان أنا برجع إلى كتابي.. وبقرأ فيه

والدفعات اللي قبل نظام السنة التحضيرية
بسنة أولى ولكل التخصصات كنا ناخد مادة المصطلحات الطبية كمادة أساسية
وكل التخصصات بيدرسوا نفس الشي

’

وبالنسبة لأهمية انك تاخديها أو انك تاخدي فكرة عنها
فأنا أشوفها مرره مهمة

لأنه بمنهج الأسنان.. مافي مادة خاصة بالمصطلحات الطبية
السنة اللي فاتت ما أعطوا سنة ثانية هذه المادة ليهم
لكن احنا اجتهدنا من عندنا.. وعملنا ملزمة بأهم الكلمات اللي حتستخدموها

وكلمنا إدارة الكلية انهم يعطوكم هي في أول أسبوع من الدراسة
يصير تتعرفوا عليها ويسهل عليكم الموضوع

لأن الدكاترة أول لما يجوا يدرسوا المواد.. ما حيشرحولكم معاني المصطلحات كلها
فلازم تتطلعوا عليها

يعني مثلا..
لما تجي الدكتورة تشرح شي في القلب
ما حتقول heart
لا.. حتقولها بالمصطلح الطبي لها وهو: cardio

,

وتراها مرررره ممتعة وانا مررره أحبها

وعن نفسي.. قبل ما أدخل الجامعة
اخدت دورة للمصطلحات الطبية مع النادي العلمي السعودي
وكانت قممممة الصراحة.. وكانت شاملة للمواد وكل شي ندرسه مو بس للمصطلحات

و فرصة حلوة كمان إني اتعرفت على بنات كتير بالجامعة وبمختلف الأقسام
من البشري و الأسنان و التقنية الطبية والتمريض

فبدأت السنة الجديدة وانا عندي معارف كتير هنا وهنا ^^
مرره شعور حلوو

فأنصحكم تروحوا الدورات هذه اذا تقدروا
أو اقرؤا الكتب المبسطة عن الموضوع

ادخلوا موضوعي اللي كتبته بالقسم
وحتلاقوه في توقيعي.. وحيفيدكم.. وذكرت فيه كم كتاب وحاجات مفيدة

[Kaira]

طيب بس شكلو قفل التسجيل خلاص
لأنو قالو آخر موعد اليوم

[Glamor Mada]

Kaira تقدري تسجلي يوم السبت بس قبل ما تبدا الدورة .. بس لازم تجي بدري يعني على الساعه 8 او قبل .. وتسجلي اسمك ويصير علطول تدخلي مع قروبك