ابي اعرف افضل معهد لتعلم اللغة الانجليزيه في جده

[كريستيانو]

تمنى ان اعرف افضل معهد لتعلم اللغة الانجليزيه في جده يكون المعهد تقييمه ممتاز لذا لا تبخلوا علينا بالمعلومات

تكفون الفزعه


كريستيانو

[شــفــافـــة]

في معهد مره كويس وعالمي
اسمه ووال ستريت
بس ماادري عن القسم الرجالي اذا متوفر ولا لا

[فااارس]

Berlitz

[dr_love]

بالنسبة لي اشوف معهد Els اللي في مركز العبداللطيف جنب مستشفى عرفان افضل معهد للغة الانجليزية درست فيه مستوى قبل لا اطلع امريكا واستفدت منه
غير كده في امريكا يعتبر معهد مرة ممتاز تخلص منه تدخل الجامعة على طول بدون لاتوفل ولا يحزنون

كمان يمدحو معهد بيرلتز بس ماقد جربته

[cOrAbEcA]

شوف كريستيانو...

أنا درست في المجلس البريطاني ( british council )

اللي في حي الرويس مبنى الفارسي...

جلست شهر.. ب 2100 ريال

بصراحة استفدت منه كثير...

وكان معايا في المعهد طلاب قالوا إنهم كانوا في ولل ستريت

وما استفادوا شي..

بصراحة.. أنا دورت في المعاهد كثير..

وسألت ناس كثير والمجلس البريطاني في القمة..

بآخد عندهم دورة إن شاء الله ..

تبدأ يوم 19 شوال..

3 أيام في الأسبوع.. وتنتهي يوم 7 ذي الحجة...

بس التسجيل يوم 10 أو 11 شوال..

بالتوفيق...

سلاااااااااااام

[كريستيانو]

تكفون ياعيال الديره

[dre]

انا دخلت زمااااان نيوهورايزن اللي في التحليه
وبصراحه استفدت منو لانو كلهم اجانب

اتمنى اكون افدتك .. سلام عليكم

[Roofa]

انا انصحك في بيرلتس بس ما اعرف ازا كان في قسم رجال ..

[كريستيانو]

تكفون ياعيال الديره

ابي افرفر عليهم اليوم

[سوار العسل]

أخي الكريم بيرلتز و المعهد البريطاني كلها كويسة بس البريطاني أرخص و الدراسة زي ما قال لك كورابيكا التسجيل بيبدأ الأسبوع الجاي و الدراسة يوم 19 شوال .