ياصيادله المستقبل ردوا

[sniper-1100]

السلام عليكم

كيفكم جميعا

لكل من رد علي الله يحقق كل امانيه قولوا امين

انا طالب تحضيري قادم بقوه

س1/ابغى اعرف من فين تذاكروا؟؟؟ وابغى تدلوني من فين اجيب

الملخصات ؟ وماهي افضل الملخصات مترجم ولالا ؟ وهل جميع الدكاتره يعني لنفس

الماده هل يعتمدون على ملخص واحد ولا مختلفه

اهم سؤال اللي بالاحمر توسعوا في الرد فيه لاني ابي اذاكر في الصيفيه مواد الترم الاول .. ولا تتغير الملخصات بعدين؟؟

س2/اتخرج صيدلي ولا صيدلي اول؟

س3/الترم الاول من الساعه كم الى كم تداوموا؟والترم الثاني ؟وكلموني عن حياتكم اليوميه؟

س4/هل البنات والاولاد يدرسوا مع بعض ؟وهل دكاترتهم نساء ولارجال؟

س؟هل فيه دراسه في الصيف؟وهل هي اجباريه ؟ ولا اختياريه بالتالي تنقص سنوات الدراسه؟
مشــــــكــــورين

[drug]

السلام عليكم

وعليكم السلام و رحمة الله و بركاته

كيفكم جميعا

الحمدلله بخير :)

لكل من رد علي الله يحقق كل امانيه قولوا امين

أمييييييييييييين

انا طالب تحضيري قادم بقوه س1/ابغى اعرف من فين تذاكروا؟؟؟

على حسب ما تقولنا الدكتوره أحياناً من ملخصات و أحياناً من كتب على حسب الماده

وابغى تدلوني من فين اجيب الملخصات ؟

الملخصات عادةً نفس الدكاتره يعطونا هيا ما نجيبها من برا

وماهي افضل الملخصات مترجم ولالا ؟

أساساً عمرو ما مر عليا ملخص مترجم
و أنا أنصح إنو حتى لو في يوم لقيت ملخص مترجم لا تهتم فيه لأنك أولاً و أخيراً لازم تعرف كل المصطلحات بالإنجلش فلا تعود نفسك إن لازم يكون في ترجمه و مع الأيام حتتعود

وهل جميع الدكاتره يعني لنفس الماده هل يعتمدون على ملخص واحد ولا مختلفه

في معلومه ما أدري تعرفها و لالا
لكن الصيدله شعبه وحده بس يعني الكل في نفس الكلاس فيكون دكتور واحد هوا إلي يدرس كل الدفعه
و إذا تقصد الماده الوحده إلي يدرسها كم دكتور كل دكتور يدرس جزئيه فما عندي علم
بس أتوقع إن الملخصات عباره عن تجميع من عدة مراجع لكن طبعاً تكون الملخصات موحده لأن الإختبار موحد بين البنات و الأولاد

اهم سؤال اللي بالاحمر توسعوا في الرد فيه لاني ابي اذاكر في الصيفيه مواد الترم الاول .. ولا تتغير الملخصات بعدين؟؟

بالنسبه لتتغير و لالا ممكن تتغير أشياء بسيطه لكن بشكل عام هيا نفسها لأنها أساسيات و لازم نعرفها

س2/اتخرج صيدلي ولا صيدلي اول؟

على حد علمي صيدلي أول

س3/الترم الاول من الساعه كم الى كم تداوموا؟والترم الثاني ؟وكلموني عن حياتكم اليوميه؟

بحكم إن نفس المواد ندرسها في الترمين فالدوام واحد
كل يوم من 8 لكن ينتهي الدوام على حسب مره 3 مره 4 مره 5
و أحياناً يعتمد على شطارتك يعني يكون لاب لو اشتغلت و خلصت تخرج بدري و لو ما خلصت حتطول

الحياه اليوميه وسط الأسبوع عادةً اليوم يكون ضايع بين دوام و نوم و مذاكره و كدا

س4/هل البنات والاولاد يدرسوا مع بعض ؟وهل دكاترتهم نساء ولارجال؟

لا ما ندرس مع بعض و الدكاتره للأولاد رجال و للبنات حريم بس في السنوات الجايه حيدرسونا رجال بعض المواد

س؟هل فيه دراسه في الصيف؟وهل هي اجباريه ؟ ولا اختياريه بالتالي تنقص سنوات الدراسه؟

الصيف مافي دراسه لمواد الصيدله بس للمواد العامه إلي هيا ثقافه و عربي ممكن تأخدها صيفي لو حابب تخفف على نفسك و طبعاً اختياري
لكن مستقبلاً في صيفين تتدرب فيهم لمدة شهر

مشــــــكــــورين

العفو بالتوفيق ^ــ^

[sniper-1100]

حرام عليكم انا ماحد فاهمني

انا ابغى اذاكر في الاجازه خصوصا اني ابغى ادخل محضر عشان ارتاح


بعدين لوفيه احد يسوي فيني خير ويديني اوراقه حق الترم الاول



او على الاقل تقولولي ايش هيا المواد ومن فين اقدر احصلها

تكــــــــــــــــــفون الله يوفق اللي يديني اوراقه

[drug]

يا أخويا إنتا ليش كذا مره متوتر ترى الوضع مو مخيف لدي الدرجه :)

على العموم ممكن تشتري هدي الكتابين

Pharmaceutical Calculation
هدا الكتاب حتدرسه الترم الأول
حتلاقي شرح و نهاية كل تشابتر في مسائل حاول تحلها و تلاقي الحل الصح بعد المسائل و اسلوبه بسيط و بسهوله حتفهمه
بس طالع في المسائل إلي أعدادها فرديه يعني 1 و 3 و 5 و ... إلخ
طبعاً مو كل الشباتر معانا بس والله مو فاكره إيش إلي داخل بس أكيد الشباتر الأولى كلها معانا

fundamental of systematic anatomy<<<< على ما أعتقد كدا صح
هدا كتاب التشريح حتأخده على ترمين ممكن تذاكر منه كمان

بالتوفيق ^ــ^

[ميعاد]

لا تستعجل على رزقك , يمديك في السنه الجايه تذاكر المواد مو يعني ضغط انو ماافي وقت لا..

[sniper-1100]

ياهووووه

انا عارف بعدين فيه وقت

بس الله يخليكم انا ابغى اذاكر من بدري

عشان ادخل مرتاح واجيب الدرجه الكامله

يعني بحول الله وقوته انا نجم كلية الصيدله القادم

اللي يقدر يسلفني لايبخل عليا وانا ادعيله في الحرم

[sniper-1100]

ماحد رد ؟؟؟؟؟

[pharm.d .s]

ياولد الناس لا تستعجل على رزقك جايك الكرف