سؤال اخر <<يليل ازعجت الناس

[المتعه]

ياجماعه رحت قريت عن تخصص المختبرات ....وحسيت احساس مو كويس<<امووت علىا التعبير ...مافهمت صراحه يقولون ان في تخصص المختبرات تخصصات <<يعني كيف ...فيه علم دم وفيه ادارة مختبرات ومختبرات اكلينيكيه .....<<متلخبط .....وبما اني هناااا يعني لو تكرمتو وقلتو لي وش احسن تخصص في الكليه وش اسهل شيء وأريح عمل .....ومشكورين مقدماً

[LPRocks]

بعد ماتخصصي في قسم المختبرات في اقسام كثيرة راح تشوفيها في القسم وراح تدريبي عليها كلها بدون استثنى من اهمها :

الكيمياء الحيوية - علم امراض الدم - علم الأحياء الدقيقة - علم الأنسجة - بنك الدم - الجينات ...الخ

وبعدين في الجامعات في نظامين للدراسات المختبرات :

الأول/ طب المختبرات"medical laboratory " مدة دراسته خمس سنين ويدرس في جامعة ام القرى واعتقد جامعة طيبة نظامه انو يركز عالجانب البحثي وليس على جانب العمل فالمستشفيات واجراء التحاليل والاخر والخ - ويدرس فيه مواد التحليل الجنائي وفحص السموم ..

الثاني / علوم المختبرات الإكلينيكية "clinical laboratory science "مدة الدراسة نفسها خمس سنوات وهو الي يدرس في جامعتنا وجامعة الملك سعود وطبعا يركز على الجوانب الإكلينيكية والعمل بالمستشفى والتحاليل الطبية المختلفة ..

وفي جميع دول العالم الجانب البحثي يعتبر اعلى واقوى واكثر اهمية من الإكلينيكي لانه البحوث اساس الاختراعات ولكن فالسعوديه فان البرنامج الإكلينيكي افضل لان الجانب البحثي ضعيف وربما يكون غير موجود أصلا لذلك برنامج جامعه الملك عبدالعزيز يعتبر اقوى وأكثر طلبا...

[المتعه]

مشكووور ويعطيك العافيه.......ياخي والله ولد <<شك في عمره .....ماقصرت يالغالي بس الكليه احسن تخصص فيها المختبرات ولا كيف؟؟

[LPRocks]

التخصص الي يعجبك روحه كلها مطلوبة بس تخصص المختبرات هوا الأكثر تفرعاً حتى لو خلصت عندك فرصة تروح الأمنية في قسم التشخيص الجنائي .. وقس على ذلك التخصصات الكثيرة الي ممكن تقدر تكمل فيها ماجستير ..

[سحـــر]

اسهل شيء وا ريح شيء..
ذكرتني بنفسي انا وصاحبتي..
كنا في الثانوي نبحث عن اسهل تخصص...
وهي دخلت تقنية معلومات...
انا كانت امنيتي ادخل علوم طبية..معاها
والاغلب اني راح ادخل مختبرات...
اختي تخصصها مختبرات..وانا انسانة ابي احكي كثير...>>الاخت طفشانة...
المختبرات...في بعض المستشفيات او المستوصفات الصغيرة
اكون مررة مجال عمله ضيق...
يادوب كم حاجة ضرورية من التحاليل الاساسية...كــ تحليل الدم..وهذا شيء ما يستغني عنه مستشفى يستقبل طوارئ ...
اما في المستشفيات الكبيرة وهو الا راح تتدرب فيه...
راح تمرروا على كل الاقسام...
عندكم قسم للسموم والمخدرات والاشياءات الا مثل كذا..وهو في الغالب تتقن استخدام الجهاز
وفي قسم الى بنك الدم..تعمل تحاليل و تعمل تخزين للدم ...
وفي قسم تتعاملوا مع المشيمية مرره كانت اختي تحبه..

وفي النهاية...انت انسان لازم تتعب وتجتهد..
اختار قسم قريب الى قلبك..حتى ما اكون العطاء في مجالك محدود..
تمنياتي لك بالتوفيق..

[JuStice]

.

هلا بك أخي المتعه >> اسم غريب شوي خخ !

طبعًا مافي شي اسمه تخصص سهل ومريح وبالذات في البداية لازم يكون فيه شوية صعوبة ..

إلبي روكس وسحر ما شاء الله أعطوك المفيد عن المختبرات مع ملاحظة إن دراستها كيمياء X كيمياء يعني لو ما تحب الكيمياء لا تورط نفسك بهالتخصص !

وخذها من قاصرها مثلي وخش تخصص تاني ..

كلمة حق تنقال إن أفضل تخصص من ناحية الدراسة والناحية المستقبلية سواء أكاديمية أو ممارسة طبية بالمستشفيات هو تخصص الأشعة اللي دراسته فيزياء وبعيد عن الكيمياء ووجع راسها !

بالنسبة لنظام تخصص الأشعة فحسب ما سمعت إنك تدرس كل الأنواع والأقسام في البداية وتتخصص في السنة الرابعة

في أحد الأقسام التالية ( x-ray , أشعة مقطعية , طب نووي , رنين مغناطيسي , .... )

والدراسة في الأشعة ممتعة جدًا بنظري مع إن كثيرين يخافوا من الأشعة

موفق إن شاء الله

.

[المتعه]

يعطيكم العافيه ......ونا بأذن الله مغير الاسم <<كثرت الانتقادات ......ويعطيكم الصحه والعافيه وماقصرتوا

[قصة غروب]

الشبااااب ماقصروووا وكفوا ووفوا.
اما من ناااحية ايش افضل تخصص
فكل واااحد من حقه يمدح تخصصه ويحببه للنااااس الثاانيين وهذا من ابسط حقوووقه ولكن مو على حسااب التخصصات الثااانيه.
وبالنسبه لتخصصي وما اقلل من شان اي تخصص اخر لاننا كلنا نعتبر فريق عمل واحد واي خلل في اي تخصص يؤدي الى خلل في الفريق الطبي الكاامل.
وبالنسبه للمختبرات لو ما اقوووول اي شئ غير انه تقريبا التخصص الوحيد اللي تقدر تكمل فيه دراسات عليا في السعوديه يكفي.
واخيرا ياخي انت اهم شئ تدخل التخصص اللي انت تبغاه ورغبتك فيه وبرضوا قبل كذا لا تنسى الاستخااااره واتمنى لك التوفيق.
تحياتي