خبرهام:أختبار شامل exit testلكل طلاب انتظام الدفعة الجديدة ؟؟؟

[girl.k.s.a]

MohPro + _OCTOBER

فينكم من أوووووول !
كويس الحمدلله أحد قال شي مقنع

--------

وبعدين الكلية مالهم ذنب في اللي حصل وما كآنوا يعرفوا أساساً إنو حيكون في اختبار
اللي صار هوا : إنو لما جينا نبغى الاعتماد قالوا لازم اختبار وجات كليتنا الحلوة ووصلت لنا الخبر وبس
يعني زينا زيهم ما كانوا يعرفوا من قبل =)

---------

من جد الحمدلله إننا كبار وفاهمين ، أجل إيش نقول على الابتدائي المساكين اللي ما يتخرجوا
من سادس إلا باختبار تحصيلي !!!!!!!!!!!!!!!!!!!!!!!!!!!!!!
على الأقل نحنا خلاص عارفين الطريقة لكن هما الضعاف إللي لسا أول مرا يختبروا اختبار كدا
طبعا ما ننسى الرعب اللي عشناه أيام القدرات والتحصيلي خخخخخخخخخخخ

يلآ يا شطورين اللي قالوا ما يبغوا ، يصلوا على النبي ويركزوا في الاختبارات الجاية
لأنو حيجي منها أسئلة

[hmd]

بخصوص الاختبار انا مؤيد له ولكن بشروط
1 - ان يكون بعد الترم الاول من السنة الجاية باسبوعين بالكثير
2 - ان يكون اعادة الاختبار بعد الاختبار الي قبله باسبوع واحد
3 - ان يرفقوا اي شيء يثبت اننا اختبرنا اختبار الاعتماد الاكاديمي
وان خالفو الشروط وبذات اخر شرطين فانا معارض على الاختبار
وشكرا

[Kapitano]

المشاركة الأصلية كتبت بواسطة hmd بخصوص الاختبار انا مؤيد له ولكن بشروط 1 - ان يكون بعد الترم الاول من السنة الجاية باسبوعين بالكثير 2 - ان يكون اعادة الاختبار بعد الاختبار الي قبله باسبوع واحد 3 - ان يرفقوا اي شيء يثبت اننا اختبرنا اختبار الاعتماد الاكاديمي وان خالفو الشروط وبذات اخر شرطين فانا معارض على الاختبار وشكرا

الشرط الثاني حسستني انه اختبار اشارات حق دلة
يا عمي الاسئلة عشان يرتبوها يبغالهم ترم كامل
يعني زي القدرات تقريبا

[adnans]

المشاركة الأصلية كتبت بواسطة بآسكن روبنز يا أخي احياناً احس ان الطلاب من عالم مختلف عن عالم الطالبات عندنا نذاكر الكتب والسلايدات والتست بانك و ملاحظاتنا ومحد يقولنا من فين جاي الاختبار وعندكم ماشاء الله كل شيء مُيسر ليه التفرقة بس لكن يعطيك العافية اعطيتنا خبر و ربنا ييسر لك وتعرف اكثر عن الموضوع وتفيدنا معك .

مو تفرقه ولا شي بصراحه المفروض تبتكروا طريقه تتواصلوا فيها مع الدكاتره كلموا الاداره فالجامعه أنا كلمت دكتور فالكليه قلي يا أبني لو أتكلموا هم خير يعني لازم أنتوا تنسقوا وتكلموا مشرفاتكم أو اداراتكم مدري أصلا وش عندكم بس أبتكروا طريقه تفهموا الاداره فيها بهالشي وراح يتغير وضعكم أن شاء الله ..
فوق ذا كله الدكتور لو الطالب يكتبله ألف صفحه ينقصه ألف درجه وأنتوا كلمتين 18 من عشرين أقل وحده هنا الظلم الحقيقي يا أخت ..
باذن الله دوامي الأحد وأخذ الخبر الأكيد من الكليه بكل تفاصيله .. بالتوفيق لك وللجميع

[4Nan]

ايش فايدة تاخد اعتماد اكاديمي وانت مو بمستوى الاعتماد !!!
خلينا واقعيين...الاغلب حيحفظ ويدخل الاختبار ويحل لكن هل هو فاهم فعلا؟؟؟
احنا مااتاسسنا صح من البداية
انا اقول بدل الاختبار دا يلزمونا كلنا بالتدريب بدون شروط ومقابلات وعقد ...في النهاية التدريب والتطبيق هو اللي حيعلمنا اكتر ويبن اذا احنا فاهمين ولا لا وهو اللي حيفيدنا في المستقبل في شغلنا
تقدم السي في وياخدوك اكبر الشركات عشان شهادتك معتمدة بس وفي النهاية تشتغل عندهم وانت مانت عارف الشغل صح؟؟؟

واخيرا الكل مو بنفس القدرات ... ناس تفلح في شيء وناس تفلح في شيء

[adnans]

المشاركة الأصلية كتبت بواسطة kapitano الشرط الثاني حسستني انه اختبار اشارات حق دلة يا عمي الاسئلة عشان يرتبوها يبغالهم ترم كامل يعني زي القدرات تقريبا

أحححلى شرط الثاني ههههههه .. يا عمي محد حول شروطنا هم شغالين بالبركه أتوكلوا على الله ومن هنا ليومها يحلها ربك ممكن يقولوا ما نتخرج لين يطلع الشعر الأبيض فراسنا أصبروا شوي

[hmd]

المشاركة الأصلية كتبت بواسطة kapitano الشرط الثاني حسستني انه اختبار اشارات حق دلة يا عمي الاسئلة عشان يرتبوها يبغالهم ترم كامل يعني زي القدرات تقريبا

والله اذا راح يتبعو زي طريقة اختبار القدرات فانا معارض على هذا شيء يعني متى يبغونا نتخرج اذا سارت لاسمح الله زي القدرات يعني يبغاالنا من سنة او اكثر علشان نتخرج

[نوونيتا]

المشاركة الأصلية كتبت بواسطة mohpro اذا الأختبار من شروط الأعتماد انا مع الأختبار ونص وبالعكس راح ارفض فكرت انهم يكنسلونه يعني الحين انتم تبون تتخرجون بشهادة اعتماد اكاديمي .. ولا بس همكم التخرج بأي شهادة مش حالك؟؟؟؟ و قمة الغلط انكم تعترضون على هذا الأختبار اذا في طلاب راح يعترضون بالكلية عالأختبار انا واصحابي راح نتجمع ونطاااالب بالأختبار انا ماعندي مانع اعيد الأختبار مرتين الى ثلاث ولكن بالأخير اتخرج ومعايا شهادة اعتماد اكاديمي !!! لأن اذا ماجا لنا الأعتماد .. معناته انه كأن تخرجنا مثل باقي الطلاب اللي درسوا التخصص بالعربي وبالعكس ضيعنا درجات كثير واخذنا مواد زيادة الأعتماااااااااااد ياشباب!!!! حطوها حلقة بأذنكم!!! انتم بموقفكم هذا تعطلون الاعتماد على كامل الدفعة .......... انتبهوا ......... هو صحيح انهم غلطانين وقالوا متأخر .. بس ولوا خلاص هذا من شروط الأعتماد لاتخربون على انفسكم وترا الأعتماد مو بيد الكلية ... الأعتماد من جامعة اجنبية .. وهي اللي تقرر يعني مو جامعة الملك عبدالعزيز اللي بتعطيك الاعتماد ..... واللي مايعرف وش يعني اعتماد اكاديمي ... ياحلوين كل القطاعات الخاصة مثل ارامكوا وبقية الشركات الكبار .. ماتقبل شهادات من تخصصات البزنس والا عليها اعتماد اكاديمي من جامعة معتمدة دولياً!!! واذا ما معك اعتماد .. حدك بالكثير تتوظف بقطاع الأدارة العامة براتب وضيع وشغل ممل غير عن تخصصك تماماً.. يعني .. ولا شركة من هالشركات بتطل بوجهك وكـــــــل هالشركات حالياً تجبر موظفينها القدامى لأخذ دورات او ترسلهم يكملون دراستهم بالخارج .. لمعادلة شهادتهم اللي بالعربي بشهادة جامعة معتمدة دولياً.. وشكراً

كلامك عين العقل ماشاء الله
منجد انا عن نفسي مستعده أسوي أي شي عشان الاعتماد
لأنو بدونو تعبنا ودراستنا ما تسوى شي

[ALEMBRA6OR]

وعليكم السلام ورحمة الله وبركاته

طيب لو أختبرناه تكون الشهادة معتمدة أو و من الشروط التي ينبغي للكلية علملها حتى تحصل على الإعتماد في القريب العاجل كما يقال . وكما هو الحال في البعثات الصيفية للكلية وإحضار كوادر على أعلى مستوى توحيد الاختبارات ..الخ .


أشكرك على التنويه ياعبودي .

[طالب kau]

طيب ياخوان سوال الحين انا مثلا بتخرج الترم هذا والجامعة لسا ماخذت الإعتماد

وبعدها بسنه الجامعة اخذت إعتماد هل شهادة الطالب المتخرج قبل حصول الجامعة على الإعتماد يشملها الإعتماد الأكاديمي