كيف يعني ((( المادة الحرة ))) تـــــــــرفع المعدل ؟؟ أنا مو مقتنــــــــــعة بتاتا

[.. بيســـان ..]

السلام عليكم ،،

أبغى أفهم الآلية أو ( الطريقة الحسابية ) اللي تقول إنو المادة الحرة ترفع المعدل

لأنو بصراحة أنا مو مقتنعة تماما ..

لو كان ده الكلام صحيح كان الكل أخد مواد حرة أكثر من المطلوب عشان يتخرج

بمعدل ممتاز أو جيد جدا ..

مثال :

لو كان عندي 5 مواد أساسية و نقصت في كل مادة 10 درجات

يعني 90 × 5 = 450 أقسمها عالمجموع العام 500 = 0.9 بالضرب على 100 = 90





من خلال هالجدول تبين لي انو علامتي ( 90 ) يعني ممتاز و نسبتي

بين 4.57 و 5


هنا سؤالي ،،

لو أخدت مادة حرة كيف يرتفع معدلي ؟؟

هل هناك آلية حسابية مختلفة أو كما هي الآلية نفسها ما تتغير ؟؟

بصراحة اتلخبطت و أبغى أحد يكون فاهم

[jagalboy]

كلامك صحيح :)
بس لا تنسي ان اسمه معدل تراكمي يعني تراكم على مر سنوات الدراسة بالجامعه

والقصد من الماده الحرة انها ترفع المعدل انها تكون ماده سهله ومعتمده على الدكتور\ة
والا هيا ماده زي كل المواد يعني مافرقت
أتمنى يكون قصدي وصلك

[شانزليزيه]

بغيت اتفلسف بس شفتك حاطه جدول قلت البنت فاهمه ماينفع الواحد يسوي فاهم

لكن انا اقول لمن يقولولك ماده حره انت تختار من اسهل المواد الحره يعني ماتختار ماده صعبه وبها الطريقه يمكن تفرق

الماده الصعبه ماراح تجي درجه عاليه فيه وبيطيح المعدل بعكس الماده السهله الي انتي طبعا راح تختارها وتسئل عنها لسهولتها وبها الطريقه بترفع المعدل

هذي فلسفتي بها الموضوع

[العلم والعالم]

ترفع معدلكـ يا أختي بسبب زيادة كثرة النقاط ويكون ذلك بزيادة كثرة المواد

يعني لو نفرض آخر فصل يكون متبقى لك 10 ساعات ومعدلكـ 4 ونفرض في حالة الأمتياز تحصلي على معدل تراكمي 4.20 من 5

ولو نفرض أضفتي ست ساعات زيادة أي تصبح 16 ساعة وحصلت على إمتياز في جميع المواد فسوف يرتفع المعدل عن 4:20

إذا ما فهمتي يا أختي قولي أعطيك مثال واضح جدا

[اضاءات]

بعد إذن أختي بيسان ..

أخي العلم والعالم .. ياليت تتفضل بالتوضيح أكثر بمثالك الثاني

[.. بيســـان ..]

المشاركة الأصلية كتبت بواسطة اضاءات بعد إذن أختي بيسان .. أخي العلم والعالم .. ياليت تتفضل بالتوضيح أكثر بمثالك الثاني

أنا مع الأخ إضاءات ..

ياليت تزودنا و تفيدنا أكثر ،،

و بصراحة حكاية النقاط حسيتها مهمة منك .. و انا ما كنت أعرفها

[alkhobar-star]

!!!!!!!

الله يعين

[العلم والعالم]

على بركة الله نبدأ

علوش طالب منتسب بجامعة الملك عبدالعزيز في كلية الأقتصاد والإدارة

بدأ حياة بالجامعة بعربجه وهستره وآخذ الدراسة بالبركه

وعند باله يبي ينجح بدون أي جهد لأنه دافع فلوووووس للجامعة

المهم بدأ في أول فصل بدون أي أهتمام وتنزل له 6 مواد (18 ساعة )

المهم وصلت الإختبارات وأخينا علوش ما جاب لها أي خبر

ويدخل الإختبارات أكلف ما عليه يلبس ملابسه ويروح للجامعة حتى الأقلام يتسلفها من الجيران والحاسبه حقت الجوال وتم منعه من أستخدام الجوال وقعد فيها أخينا بالله علوش

المهم كمل الإختبارات على بركة الله وعلى أقرب رحلة تاكسي يهرب عن جدة

وصل أخينا بالله علوش ديرته وأول ما وصل سلم على أمه وتسأله أمه عن الإختبارات ويقول لها الحمد لله ماشي وهو مع جنبها

طبعا علوش ما فيه حيل ولا هو فاضي يسنتر عند الأودس ليتابع النتائج

أستنجد بزميله خربوش طبعا خربوش هذا أزين حال من علوش وخربوش سابق علوش بسنه في الجامعة

بدأ خربوش يتابع الأودس كل لحظه ينتظر نتائجه ونتائج علوش وعلوش موصي خربوش قال له لاهو كل ما طلعت نتيجة مادة كلمتني ترى ما فيني حيل أنصدم أكثر خل الصدمه مرة واحده فقط لما تطلع جميع المواد الله لا يهينك بلغني
المهم مضى أسبوع على الإختبارات وكل يوم تنزل مادة وبعد إسبوع ونصف طلعت نتائج خربوش تبشر بالخير وبعد إسبوعين طلعت جميع مواد علوش المفهي وكانت الكارثه

راسب مع مرتبه الشرف الأولى في أربع مواد وناجح بمادتين بالدف ( 60 درجة فقط ) يعني على شفا جرف

كلم خربوش علوش وبشرة بالنتيجه اللي مثل وجهه طبعا جلس علوش محزن لمدة يومين (الظاهرما جاب خبر)

وبعد حساب علوش لمعدله التراكمي والفصل توصل للنتيجة 1:333 من 5 يعني ضعيف مع إنذار أول في الفصل علوش خاف في هذه اللحظه وخائف يفصل من الجامعة ويترك خربوش لوحده وصعبه (أصدقاء من زمن الطفوله )

فكر علوش وفكر وبعد عدة إجتماعات مغلقه مع خربوش قرر إنه يبذل بعض الجهد

المهم بدأ الفصل الثاني وكان علوش يطالب بأعفاء من الرسوم وقدم طلب لعمادة خمة المجتمع المهم الموظف من القهر نزل العقال على علوش ويجلده لين عض الأرض ويقوله من زين وجهك أنت ومعدلك يوم تطلب أعفاء (شين وقوي عين )
طلع علوش من مبنى العمادة وهو يناشق و يكلم خربوش ويطلب منه سلف 3000 ريال وبحكم صداقة العمر سلفه خربوش وسدد عنه الرسوم وبعد يومين ينزل جدول علوش وفيه 12 ساعة فقط ويبدأ يطالب يبي ساعات أكثر (بدأ يهتم ) قالو له مش خشتك لو تبي ربع ساعة ما عطيناك

المهم بدأ الفصل على بركة الله
ويبدأ علوش يبذل بصيص من الجهد وتبدأ الإختبارات وعلوش ما فتح ولا مادة ويبدأ أخينا بالله يذاكر ليلة الأختبار

المهم خلص الإختبارات وعلى أقرب رحلة على الباص يهرب عن جدة ( تطور هالمره )

ونفس السيناريو وكل خربوش على النتائج

وبعد إسبوع طلعت النتائج وكانت أحسن من سابقه المظلم وجاب بكل مادة مقبول مرتفع (65 من 100 )
ويطلع معدله التراكمي 1.80 لكن لا زال الأنذار موجود طبعا علوش سوى حفله بهذه المناسبه وعزم كل من عز عليه (يقال له جاب جديد )

والفصل الثالث بدأ علوش بأهتمام أكثر وبدأ يوطوط يبي أعفاء من الرسوم لكن لا زالت يعاني من آثار الجلد السابق

المهم علوش رجع السلف 3000 ريال لخربوش وتسلف منه 3000 ريال ثانيه للفصل الثالث وما قصر خربوش فزع لرفيق دربه وصديق عمره
وبدأ علوش الفصل الثالث بي 12 ساعة لأنه زال تحت خط الفقر وبدأ يهتم أكثر وأكثر وقالت له أمه ترى هذه آخر فرصة لك وبعدها تطرد من الجامعة يعني لازم ترفع معدلك ( أنا مدري وش عرف أمه بالإنذار )

أهتم علوش وبدأ يذاكر قبل الإختبارات بإسبوع ودخل الإختبارات هالمره بنفسيه أحسن وإشترى أقلام من البنقاليه اللي يبيعون عند الجامعة ( طبعا في السابق كل أموره يمشيها بالسلف )

وقدم علوش أداء جيد في الإختبار وخلص الإختبارات وعلى أقر رحلة باص vip يهرب من جدة

الولد كل ماله يتحسن

لكن في الفصل هذا تابع النتائج بنفسه وغير الرقم السري عن خربوش ( أخس يا قليل الخاتمه )

وطلعت نتائجة كلها جيد مرتفع (75 من 100 ) وحصل على معدل 2.28 وفرح علوش بهذا الإنجاز العظيم (رفع الإنذار) وسوى حفله للقبيلة قاطبة سوى خربووش فلم يحضر الحفل بسبب زعله على علوش لأنه علوش غير كلمة السر لل odus عن خربوش وصفق لعلوش كل من حضر الحفل من بعيد ومن قريب

وإنتهت الإجازة بين الفصلين وعلوش لم يكن مسرورا فيها لإنتظاره للفصل الرابع و وصل علوش للمستوى الرابع وبدأ الأهتمام لدى علوش وفيه هذا الفصل وبحكم رفعة للإنذار للفصل الماضي قررت أم علوش أن تكافأ ولدها وقررت أن تسدد الرسوم عنه ولم تكن أم علوش تعرف مقدار الرسوم و لعب عليها علوش وقال لها إن الرسوم 6000 ريال للفصل الواحد ( يبي يزرفها ) المهم دفعت الوالدة الحنونه لعلوش 6000 ريال و دفع علوش 3000 للجامعة
و3000 ريال لخربوش وكان القيد التالي
من حساب / المدينين ( خرفوش ) (3000)

------------------- الى حساب / الصدنوق (3000)

و بذلك برأة ذمة علوش

بدأ العام الدراسي وإجتهد علوش وقرر في هذا الفصل أن يضع جدول للمذاكرة كان مسجل معاه 15 ساعة

وبالفعل نفذ ما قرر وحضر الإختبارات وأختبر وخلص وكان في هذه الفصل علوش مستأجر سيارة من بلده وإرتاح من مطاردة التاكسي والباصات ( تطور لأخ لكن على هذه الحالة يستاهل )

وكاالعادة طلعت النتائج وحصل علوش على جيد جدا مرتفع بجميع المواد ( 85 من 100)

ووصل للمعدل 2:86 ( ما شاء الله ) وصل الى جيد

عمل علوش حفله صغيره لأمه وأبوه وبعض المقربين سوى خربوش اللذي لا زال في زعله

عطل علوش مع المسلمين وقضى الإجازه في ربوع بلاده ( أول مره يتهنأ في الإجازة )

بدأ العام الدراسي الثالث لعلوش وبدأ يلف ويدور عند أمه يبيها تسدد عنه وبالفعل قلبها رحيم سددت عن علوش لكن المره هذه قالت ما عندي غير 5000 ريال قال علوش خير وبركة

سدد علوش وحط 2000 بمخباته ونزل جدوله 18 ساعة ( طماع الولد شكله المره هذي يبي يروح فيها )

علوش كسابقه نظم وقته ورتب جدول للمذاكره وحضر الإختبارات وإختبر وخلص ورجع لأهله

وبعد إسبوع طلعت النتائج وكانت تبشر بالخير كل مادة جاب فيها جيد جدا مرتفع (85 من 100)

ووصل للمعدل 3:26 ( ما شاء الله الولد إنطلق ) وبذلك أنتهى من المستوى الخامس


طبعا النجاح أصبح عادي لعلوش وصار شي روتيني بالنسبة له ولم يعمل أي مفاجأه

بدأ الفصل الثاني من السنة وصار علوش في المستوى السادس و وأصبح يفكر بموضوع جهنمي وهو أن يقدم أعفاء من الرسوم ولا يخبر به أحد لكي يستمر الأمداد من قبل أمه
قدم أعفاء وكانت أوراقة عند نفس الموظف السابق ولما لاحظه الموظف من تغير في مستوى علوش قرر أن يعفيه من الرسوم لما عمل من إنجاز عظيم وبالفعل تم الأعفاء

لكن أم علوش قررت هذه الفصل أن تدفع 3000 لأبنها لأنها خسرانه في الأسهم حاول علوش أن يحصل على نفس الشرهه السابقة لكن وضع أم علوش المالي ما يسمح أخذ 3000 ريال وحطها بجيبه ( الولد معفي من الرسوم )

نزل جدول علوش 18 ساعة وأصبح هم علوش وشغله الشاغل الجامعة ومواده (سبحان مغير الحال )

قربت الإختبارات وعلوش على أتم الأستعداد وإختبر وكان مجهز مقلمه كامله شاريها من دار حافظ ( عقب الشحاذه)

خلص الإختبارات ورجع لأهله على أحد رحلات طيرا ن ناس و قد قدم لجدة على طيران سما


طلعت النتائج وحصل علوش على جيد جدا مرتفع بكل المواد ( 85 من 100 ) الله يستر الولد شكله غرز

المهم طلع معدله 3:5 (قرب الفرج )

طبعا مطلوب من علوش 120 ساعه حتى يسمح يتخرج ( لا تقولون لماذ هذه خطة علوش الإفتراضيه )

الأن علوش خلص ( 6 +12+12+15+18+18) = 81 ساعه مكتسبه

وعلى ذلك يبقى عليه ( 120 - 81 ) = 39 ساعة ( هانت يا علوش )

قرر علوش أن يسجل فصل صيفي ليخفف عن الفصول القادمه (لأن النكبه اللي حصلت في المستوى الأول أثرت عليه )

سجل صيفي بي 9 ساعات وحصل على أمتياز بكل مادة (90 ن 100 ) و وصل معدله الى 3:61 ( الله يتمم عليه )

لا أحد يقول علوش كيف سدد الرسوم؟ ( شكلكم نسيتم إن عنده أعفاء )


تبقى على علوش الآن 30 ساعة على التخرج وبدأ علوش يفكرفي معدل لا يقل عن أربعه من خمسه وبدأ يضرب ويطرح وبعد عدة عمليات من العمليات الحسابيه تبين لعلوش مهما عمل فلن يصل الى أربعة ( تبطي عظم يا علوش )

المهم علوش قال نفرض أني حصلت على أمتياز مرتفع في كل مادة متبقيه وحسبها وطلع له آخر معدل يمكن له هو 3:92 لكن الرجال براسه 4 يبي يرفع راس أمه أبوه

المهم قرر وقال مالي حل غير خربوش حلال المشاكل ( مصلحجي الولد ) كلم خربوش ولا رد عليه ويرسل له مسج لكن نو أنسر

المهم قال لازم نروح له بالبيت راح لمه بالبيت وكان خربوش لا زال في غيظه جلس علوش حب روس وجاهيات وواسطات ليعفو عنه خربوش وطيبة قلب خرفوش عفت عن علوش و المقابل هو أطلاعه على الرقم السري لعلوش ( غالي وطلب رخيص)

شاف خربوش السجل الأكاديمي لعلوش وإنبهر من الإنجاز اللي سواه المفهي علوش عطاه السالفه كامله علوش

المهم قال علوش الفزعه يا رفيق الدرب (توه يعرف قيمة خربوش ) خربوش تكفى أنا لازم أتخرج بمعدل 4من 5

وباقي لي 30 ساعة ولا تكفي لرفع معدلي

حسبها خربوش وقال بسيطه يا علوش

أول شي لازم تجيب ممتاز مرتفع بكل الباقي لك قال علوش سهله اللي طلعت من معدل 1:33 أقدر أجيب ممتاز مرتفع

ثاني حاجه لاز تأخذ ساعات أكثر من المتبقي وأنت باقي لك 30 ساعة ولازم تأخذ 10 ساعات زيادة

علوش قال هنا المشكلة من وين أدبر 10 ساعات الخطة خلصت قال خربوش لا يهمك فيه شي إسمه ساعات إختيارية وحره

علوش أهاااااااااااااااااااا توي أدري ( لا ياشيخ )


بدأت السنه الرابعة لعلوش وحاول أن يزرف من أمه 6000 كالعادة ( الولد معفي من الرسوم لكن ما أخبر أحد )

طبعا في الإجازة أم الدحمي زارت صديقتها أم علوش (وأم الدحمي طالبة متخرجة من الجامعة قديما وعارفه الجامعة وشاربه نظام الجامعة شرب) وبدأت السوالف حتى توصلوا لرسوم الجامعة وأنها 3000 ريال للفصل وكشفت كذبة علوش ( وهي أن الرسوم 6000 ريال ) وقررت أم علوش حرمان علوش من الدعم المادي كعقاب له


جاء علوش كعادته يبي الشرهه لكن أم علوش مجهزه لعلوش المشعاب وهات ضرب وسب يالنصاب واللي فيك ما فيك ( ذكرته بموظف الجامعة )

فك نفسه علوش من أمه وهرب وهو هارب يقول أصلاً عندي أعفاء من الرسوم بلا منتك ( ما يهمنا موضوعه مع أمه )


بدأ المستوى السابع لعلوش بي 18 ساعة وجد وإجتهد وأصبح ما يطلع من البيت ليل نهار يذاكر لازم كل مادة يجيب فيها لا يقل عن 95 من 100
وأصبح علوش يعاني من قلة الوقت فليس هناك وقت للمذاكرة لذلك قرر المره هذه يسافر لجدة على متن الخطوط السعودية لأن سما وناس مالهم أمان

حضر وإختبر بأقلامه التي إشتراها من مكتبة جرير
وبعد إسبوعين طلعت النائج وما شاء الله أقل درجة 95 من 100 وو صل معدله الى 3:82 ( الله أكبر يا علوش )


بدأ الفصل الثاني و وصل علوش للمستوى الثامن والأخير ومتبق له 12ساعة أساسية بالإضافه الى 10 ساعات حر وإختياري وذلك تحقيق طموح علوش

سجل علوش 22 ساعة ( طبعا مسموح له الى 24 ساعة لأنه خريج )

سافر علوش لجدة بالدرجةالأولى وذلك حفاظ على الوقت ولكي يتاح له الفرصه للمذاكرة وهو بالطائرة

أختبر وهو يتجرأع الحزن والألم على فراق الجامعة والدراسة


ووصل لأهله وبعد ظهور النتائج حصل علوش على 95 بكل مادة وبمعدل تراكمي

4:0017 من 5 وهذا ما يصبو إليه علوش

وبذلك تخرج علوش بتقدير جيد جدا وبمعدل تراكمي 4:0017 من 5 وساعات إجمالية مكتسبة 132 ساعة وساعات مسجلة 142 ساعة ( أثار الرسوب )

تمنياتنا لعلوش بالتوفيق في حياته المستقبلية وتمنياتنا لجميع الطلبه بالتوفيق

إن شاء الله يكون المثال واضح

(( جميع العمليات الحاسبية تمت بكل دقة وذلك لإثبات أن الزيادة في الساعات الإضافيه لها تأثير على المعدل ))

شاكر ومقدر لكم

والعذر عى الإطالة وعلى الإسلوب

[شانزليزيه]

والله يايخوك افتر راسي فره

يعني اقدر مثلا اني استغني عن دراسه الساعات الحره؟

ههههههههههههههههههههههه ادري راح تنصدم

والله جد افتر راسي من علوش النصاب

[العلم والعالم]

لالالالا

مو شرط تقدر تستغني عن المواد الحره والإختياريه

و علوش ما إستغني