يتزوج عليها .... شي طبيعي؟

[الشطوووره]

هذا المووضوع دايم مهاوشات ومضاربات واختلاف اراء

عشان كذا ما احب اتكلم فيه الا وجهاً لوجه

انا عشت مع كل الاصناااف وشفت كل النماذج حولي

بس احب اقول يعتمد على شخصية الرجال وعدله بين زوجاته و اولاده وسبب زواجه

وعلى هذا الاساس اتكلم واناقش في الموضوع

[.,.نيــــــــــــــــــــران.,.]

المشاركة الأصلية كتبت بواسطة المسلم العربي طرح رائع أخت نيران.. بارك الله فيك.. أرجو من الاخوة والاخوات التقيد بضوابط النقاش الجاد لا حرمنا الله واياكم الفائدة منه..

أهلا المسلم العربي

شرفتني بمرورك :)

المشاركة الأصلية كتبت بواسطة soma al7elwa شوفي حبيبي نيران .. الاهتمام بالذات لأنها حست بالمنافسة .. وإنها تطلع أحسن منها ... ودا شي بديهي وعشان كدا تلاقي في اكتر من حالة الزوج ببساطة يطلق الزوجة التانية عشان زوجته رجعتله زي أول واحسن .. ودي شفتها كزا مرة بنفسي ... ممكن طلقها لأي سبب ثاني مو شرط عشان الاولى صارت أحسن أما بالنسبة انهم صاروا زي الاخوات وزي مش عارف ايش ويدخلوا ويخرجوا مع بعض ومبسوطين .. معليـــــــــــــــــــــش .. بس البيوت اسرار واهم شي البرستيج .. بلاش نكزب على بعض .. انا صحبتي بابتها متزوج اتنين .. قالتلي هي بالحرف .. "صح احنا نتكلم مع بعض ونتقابل وندخل ونخرج سوا .. بس القلوب مليااااانة ..." وكل واحد في احد قريب منو متزوج اكتر من وحدة حيفهم ايش قصدي .. فعلا البيوت أسراآار مااختلفنا سواء كان متزوج وحدة أو متزوج اثنين أما بالنسبة للي يجي يقولك عشان العوانس ترى العوانس مايبغوا مطلق عنده بزورة عشان ياخدوا متزوج وأدخلوا على منتديات العوانس يتمنوا حتى لو ظل رجال.. وبالعكس في حالات طلاق اتزوج مرة ثانية وعاش عيشة هنية والعكس صحيح حرمة مطلقة تتزوج واحد ينسيها زواجها الاول والتعدد يظل له مشروعيته وفي حريم ترضى تكون زوجة ثانية مادام عندك فلوس تتزوج وحدة تانية وتفتح بيت جديد ... ترى تلات ارباع الشباب فالعالم الاسلامي مو قادرين يتزوجوا بسبب الضعف المادي .. زوجوهم ... روح اديلو الفلوس دي وقله روح اتزوج بنت فلان بنت حلال .. وعف اتنين وافتح بيت .. ولما يخلصوا كللللللل الشباب العزابية .. ساعتها فكروا بالتعدد كحل لمشكلة العزوبية ..

اذا كان مقتدر يقدر يتزوج بدل الوحدة 4 وماحد يلومه
أسباب عديدة تدفع الزوج يعدد وهذا حلاله محد يقدر يقول له لا

والشباب مشكلتهم في مطالب الزواج اللي لا في دين ولا في انسانية
استنزاف أموال في أشياء تافهه ومهور غالية وفنادق بذاك الكلام وكماليات مال أمها داعي
ياليت لو الاباء والامهات يرحموهم ونرجع للزمن الاول أيام البساطة وايام كانت المشاكل قليل والبركة في كل مكان

أسعدني مرورك وتعليقك يادكتورة

المشاركة الأصلية كتبت بواسطة أنثى المفاجآت عزيزتي دوم نيرو طرح مميز و موضوع حساس بالنسبه للتغيير اللي يطرآ على المرأة اذا تزوج عليها زوجها و الاهتمام من بعد الاهمال شئ طبيعي لان بطبيعة الانسان مايشعر بقيمة الشخص الا اذا فقده و المفروض على كل انثى ان تهتم ليس خوفا من زواج زوجها بل لنفسها اولا و زوجها ايضا ولا ننسى ان حتى الاسلام و الرسول وصى بأن تتجمل المرآه لزوجها و بالنسبه للتعداد اكيد له فوائد لاكن الشئ اللي مارح اقبل فيه هو الزواج من أجل الزواج فقط اما اذا كان فيه اسباب آخرى مثل الخلفه او المرض لاقدر الله هنا يكون الزواج و التعدد هو الحل المناسب ...

أهلين أنثى المفاجآت

شكرا على تعليقك غاليتي

المشاركة الأصلية كتبت بواسطة مجبور اوادعها رزقكن الله الأزواج الصالحين الغير معددين ولكن الحذر يا معاشر النسوان من قول ان التعدد ظلم او شي زي كذا رد سنع وعلى سنقة عشرة جعلك الله في جنات النعيم ولا اراك الله مكروهاً ورزقك الزوج الصالح المقرش ولا يرى بعدكـ احدا وفتكم بالعافيــــــــة

عسى أن تطرق دعوتك أبواب السماء ، ولك بالمثل ان شاء الله

أسعدتني بتواجدك :)

المشاركة الأصلية كتبت بواسطة فاقدة أبوها لأنه غالباً الزوجة الثانية تتطلق بعد ماتكثر المشاكل, مثلاً جارتنا تزوجت -كزوجة ثانية - وعمرها 17وبعد شهر ونص طلقها بعد مشاكل رهيبة مع عائلة الزوجة الأولى والمتضامنون معهم ! الحين ايش ذنبها المسكينة تحمل لقب مطلقة وهي بهالسن! يعني بصراحة اللي يبغى يعدد يااما يكون على قد المسؤولية ومايظلم معه بنات الناس أو مايعدد من الأساس.

صحيح ..!

سعيدة بتواجدك مرة أخرى

المشاركة الأصلية كتبت بواسطة الشطوووره هذا المووضوع دايم مهاوشات ومضاربات واختلاف اراء عشان كذا ما احب اتكلم فيه الا وجهاً لوجه انا عشت مع كل الاصناااف وشفت كل النماذج حولي بس احب اقول يعتمد على شخصية الرجال وعدله بين زوجاته و اولاده وسبب زواجه وعلى هذا الاساس اتكلم واناقش في الموضوع

صادقة لأنه موضوع حساس شويه خصوصا بالنسبة لنا

وفعلا صح كلامك

يعطيك العافية اسعدني تواجدك