تعرفي قيمة نفسك ؟؟!!!! وريني عبايتك و أقولك ^^

[بنت ناس واللقب الماس]

السلام عليكم و رحمة الله و بركاته ..

كيفكم يا حلووات ؟؟

طبعا أنا ما أقصد بقيمة العباية قيمتها المادية بل قيمتها المعنوية ..
ما أعرف للمقدمات اعذرووني ..

موضوعي اليوم هو نقاش موجه لبعض البنات إن شاء الله انهم قلة ..

كلامي لكل بنت اختارت العباية المخصرة و المزينة أيا كانت حجاب لها ..
ممكن دقايق من وقتكـ بس شوية ما أطول هههههه ..

أختي ..
الشيء اللي خلاني أكتب هذا الموضوع هو حرقة قلبي عليكي..

أختي ..
ما أعرف إذا كلامي رح يؤثر فيكي ولا لأ ؟؟ لكن واجبي كأخت يلزم عليّ أتكلم ..

أختي ..
طبعا مع الطلعة الجديدة للعبايات و الموضة الواو و التلاوين و حجم العباية الي ما يناسب صاحبتها ..

حبيت أتناقش معاكي .. و مع كل وحدة اختارت لها عباية تكشف أكثر مما تستر ..

هي مو مناقشة هي أقرب للفضفضة ..

إذا كان الحجاب للستر .. فليش نتزين فيه ..؟؟ بهذي الطريقة حجابك يحتاج لحجاب ..البسي و تزيني ما حد قال لا .. لكن في الحجاب لا ..

ولا اللي تجي تقول عباية للمناسبات و تكون العباية في حد ذاتها فستان .. يا سلااااااااااام ..

اقعدي بالعباية طول المناسبة و ما يحتاج تفصلين في ذا الملابس و الخساير هههه >> شر البلية ما يضحك ..

و الطلعة الجديدة : تشمير أكمام العباية و ذراعك كله طالع .. طبعا الوجه مكشوف و الطرحة حاشية جوتها صحون و بلاوي عشان تتنفخ .. هذا غير الجاكيتات اللي طالعين فيها موضة أيام البرد ..
- مدري يمكن أنا قديمة و فيه موضات جديدة -

الله يصلحك .. قيمتك في حجابك الساتر ..

ختاما ..

ليش اخترتي هذه العباية بالذات ؟؟ عشان يكون مظهرك راقي - زي ما يعتقد البعض - !!؟؟!!

ايش مفهوم الحجاب عندك ..؟؟

تتضايقي لو أحد طالع فيكي و قعد يتمقل فيكي .. ؟؟

تتضايقي لو أحد عاكسك؟؟

برايك .. ايش السبب اللي خلاه يطالع فيكي و يعاكسك؟؟

سؤال أخير .. لو لبستي عباية محتشمة رح ينقص منك شي !! .. لازم تكون العباية فيها فصوص و تلاوين و تكون ضيقة !!!!

همسة :: قبل ماتختاري عبايتك فكري إذا هذي العباية ترضي ربك ولالا ..
و فكري انه فيه ناس تشوفك و فيه رجال ينفتنوا و الذنب كله عليكي ..
أكيد انتي مو نيتك انك تفتنيهم لكن هما ينفتنوا ..

أتمنى تكون وجهة نظري وصلــت ..
و السمــوحــهـ