أرجوكم أرجوكم احتاج نصيحه

[Dr . B E B O]

صرخي مع صاحباتك
ف الملاهي و لا قولي انك
شفتي وزغة و لا فار و لا اي شي
مااا رح تحسي شكلك ابله ><!!

[Dr . B E B O]

ايوا ايوا صح نسيت
شخمطي بقوة و قطعي الصفحة
من قوة الضغط ع القلم و لا المرسام
فعليااااا ترتاااحي

[noonz]

-

استهدي بالله ياقلبي =)
أنا دايما كنت أقرا مشاركاتك هنا ، ومعجبة بشخصيتك جدًا
واضح أنك متأثرة ب حالة الوفاة مرة ، وأنا زيك
قبل أكتر من 10 سنين اتوفى شخص عزيز عليا مرة وإلى يومك وأنا أفتكر تفاصيل الوفاه
كل ماتجي على بالي أحاول أشغل نفسي بأي حاجة عشان ما أفتكر
والحمدلله على كل حال ،
دايما نضعف بس الأهم أننا ننتصر على ضعفنا
أنتِ مؤمنة بالله ، اتقربي من ربنا أكتر ، صدقيني هوا قادر يريحّك لأنو عارف أنتِ من أيش تعبانة ، حبيبتي صدقيني كل ما اشتدّت الأحوال عليكِ كوني واثقة بأنو الفرج قريب =)
بالنسبة لـ قريبتك : الله يرحمها ويجعل مثواها الجنة
حاولي تتصدقي عنها خصوصًا أن رمضان جاي عا الأبواب
دا الشيء ح يريحك ويريحها بإذن الله
دحين قومي صلي لك ركعتين وادعي ربنا , وأنا واثقة أنه مارح يرد يد عبدته صفرا =)
دعواتي لك

[ζ ـــږۉف الـتـ’ـمـيـــزْ]

موضوعك بسيط ياعسل

انتي محتاجه شئ واحد بس..

الـــوقـــت ..

الانسانه اللي فقدتها غاليه عليك وهذا باين من الحاله اللي انتي فيها ..
الوقت كفيل بان يخفف الموضوع عنك ..

كمان انتي حالياً فاضيه والشيطان يوسوس لك
اشغلي نفسك ولاتفكري بهذا الموضوع
والدليل انك وقت الاختبارات ماكنتي كذا ..
الحمد لله دوامنا في الترم الاول طويل وهذا شئ بيساعدك ان شاء الله ..

كل ماجاء الموضوع في بالك فكري بشئ ثاني
فكري كيف حتبداء السنه .. كيف المواد
روحي اقري عنها ..
وسوي الاشياء اللي تحبها اقري روايات اتفرجي افلام حاولي ماتجلسي لوحدك كثير
شوفي غيرك وقولي الحمد لله ..

ياويلك تحولي من الطب
لان هذا مو حل .. وانتي اصلاً ماعندك مشكله كبيره عشان تضيعي مستقبلك والتخصص اللي تحلمي فيه ..
وتذكري الانسانه اللي ماتت لو كانت عايشة مابترضى عليك تسوينها


في الاخير استعيني بربك قبل كل شئ
وتصدقي بنيه ربي يخفف عنك

[Abdullah Al-juhani]

أهلين د. باسد

ما قصروا الأخوات معاكِ
وأزيد على كلامهم أتمسكي بصلاة الليل حترتاحي كثير
ودائماً رددي على لسانك " ربي اشرح لي صدري ويسر لي أمري " نتائجها جبارة

الله يكون في عونك

[عبدالله2012]

ممكن ماااعندي شي اقووله
او اخفف عليك
لكن اللي اعررفه انك انساانه قوويه
وبتعدينهااا انشاااااااااء الله
وزي ماا قااالت اختي حرووف التميز
الوقت كفيل باانه يعاالج جروحنااا و المناااا
وتر موو شي سهل تشوووف احد يمووت قدااامك فماا بالك بانه قرريب
صدقيني شييي طبيعي
واكيد مااا بنساااك من لدعاااوي
يمكن اناااااااا اكثرر واحد حاااسس بالي فيك *_*
وزي ماا قلت لك الووقت كفيل انه ينسيك كلللللل شي

[Dr.Passed]

مى جده : يا عمري الله لايوريكي مكروه في حبيب تاني...فعلا شي صعب يا قلبي ...الله يرحمها و يغفرلها يارب

بيبو: انتي مره ماقصرتي...بس والله صعب عارفه كيف بالزات يعني عارفه أتا كنت اهتم فيها كتير واساعدها في اخر أيامها الله يرحمها...صعب والله ( انا احس اني دوبي اكتشف اني من النوع الي يتأثر بعدين عارفه...انا كان موقفي قوي والله وقتها مره قوي) امكن عشان كده...بالنسبة للصريخ دي حاجربها ماحطنش نصيحتك اضحكتني ولازم اجربها ...بس يبالي افكر في طريقه ما انتهي بيها في الطايف ولا حاجه عارفه كيف...
ممكن في طرق فكرت فيها
ممكن ارفع صوت التلفزون ( وبابا مافي طبعا) بس ارفع صوت التلفزيون عشان ما ألاقي الجيران عندنا و بسم الله ابدأ
او دحين رايحين غدا جماعي في فندق ممكن اطلع عند الغرف طابق من الطوابق و امسك باب المصعد عشان ارجع ادخل بسرعه وانزل تحت ومحم يشوفني...ممكن اصرخ في اي طابق و اشرد تحت بسرعه ؛) واخد معايا اخويا الصغير يقلدني تلاقي مسكين طفشان ..حينبسط كتير مسكين خلي يصرخ شويه

؛)
نووووووونز : يا حبيبتي امكنه شي طبيعي فينا؟ الله يرحم جميع موتانا يا عمري...الله لايورينا مكروه في حبيب تاني يارب...معاكي حق والله في كل الي قلتي و أكيد ان شالله..الله يسعدك كلك زوق

حروف: الله يسعدك...انا اقلكم انا امكن دوبي اكتشف نفسي..من النوع الي ينصدم ومايتفاعل الا بعدين انا ايام العزى ما كنت كده...الله يعين بس ...لا ان شالله ما احول أبدا الحمد لله انا الشي الي كنت احتاجه في حياتي الطب واشكر الله مليون مره عليه....وعلى قولك امكن احتاج وقت كمان عشان انسى و اتخطى الموضوع

د عبدالله الجهني: معاك حق انا بإذن الله قريبه من ربي ...شكرًا لك

دعبدالله 2012
معاك حق جزاك الله خير


الله لايوريكم مكره في حبيب يا جماعه جزاكم الله خير