مكتب التسجيل لدورة ال cpr

[عاشقة التحدي]

السلام عليكم ورحمة الله وبركاته
بكرا بإذن الله بروح المستشفى الجامعي واسأل عن دورة ال cpr انتو قلتو انها في المستشفى الجامعي الدور السادس لكن سؤالي في اي مكتب اروح اسأل؟؟واذا ابغا اسأل عن المكتب هذا ايش اقولهم؟؟
"فين مكان التسجيل لدورة ال cpr" وحيعرفوا ؟؟طيب ال cpr اختصار لايش؟؟وايش معناها بالعربي؟؟
هذا كلو عشان ما اتوهق وانا اسأل

[aloneil]

وعليكم السلام ورحمة الله وبركاته

cpr اختصار لــ Cardiopulmonary resuscitation ومعناها باعربي الإنعاش القلبي الرئوي

وطبعاً المكتب في الدور السادس وفي واحد من طلاب الدفعة الماضية قالي إنو في مكتب مكتوب عليه cpr وأصلاً إذا سألت أي أحد من الدور السادس راح يقولك فين المكتب دا هناك في المكتب في ممرضة فلبينية أظن على حسب ذاكرتي قلي إسمها نانا هيا المسؤولة عن التسجيل في الدورة هذه إنتي قوليلها إنك تبي تسجلي في دورة cpr ومتى راح يكون في دورات .

[Dr.Ruaa Omar Shidoka]

حبيبتي لا تتعبي نفسك وتروحي. انا اليوم رحتلهم وقالتلي ف رمضان مافي تسجيل. وبعد رمضان حتكون الدورة للموظفين. وقالتلي ارجعلهم ف سبتمبر :).

هدا اللي قالتلي هوا.

[Dr.Ruaa Omar Shidoka]

بس حلو لو تتاكدي بنفسك :)

[عاشقة التحدي]

اييوا حبيبتي رحت لهم امس بعد ما سجلت في الدورة وقالت ليا انو مافي حاليا وانو على قولك اقرب شي سبتمبر يعني هيا قالت انو في سبتمبر ممكن يكون في دورات للطلاب