جــامعة الملك عبدالعزيز بين الجــشع والتـعليم...

[M!Ss AmoOoLa]

اخ الفاضل

انا فاهمة ردك السابق

انت تقول ان الفلوس كلها بتروح في مكآفئات الانتظام ورواتب الموظفين وكذا

هذي المفروض تكون على حسااب الميزانيه

ورسوم الطلبه للدراسه هيا المفروض يعملو فيها مباني وخلافه

واقترح لو تكون جامعة الملك عبد العزيز جامعة اهليه يكون افضل

[rakan]

المشاركة الأصلية كتبت بواسطة غروور اخ الفاضل انا فاهمة ردك السابق انت تقول ان الفلوس كلها بتروح في مكآفئات الانتظام ورواتب الموظفين وكذا هذي المفروض تكون على حسااب الميزانيه ورسوم الطلبه للدراسه هيا المفروض يعملو فيها مباني وخلافه واقترح لو تكون جامعة الملك عبد العزيز جامعة اهليه يكون افضل

برضه مافهمتيني

أنا ذكرت انه بالرغم من المليارات دي .. الجامعة عندها عجز وديون ... والصورة اللي حبيت أنقلها انه احنا مكبرين المبالغ اللي تحصلها الجامعة من الانتساب وهي لاتمثل سوى 2% فقط مقارنة بميزانيتها

يعني بالعربي كدا ... تخيلي انه عندك انك صرفتي 5 مليون ريال ... وكان عندك كمان دين ب 2 مليون ريال ... هل تفرق لو عملتي مشروع كسبك 1000 ريال بس؟

يعني الميزانية اصلا بتغطي تكاليف الرواتب وماشبهها رغم ضخامة الميزانية .. لكن هناك امور أخرى بتصرف عليها الجامعة وهي اللي سببت لها العجز

وحكاية انه فلوس الانتساب بتغطي المكافآت والرواتب ... فهي لاتغطي حتى 0.1 % لأنه زي ماذكرت انه مجموع الفلوس اللي تحصلها الجامعة من الانتساب ... تعتبر مبلغ ضئيل جدا جدا بالنسبة للميزانية

وطبعا زي ماذكرت انه مانقدر نحدد هل الجامعة بالغت في صرف الميزانية في أمور مالها داعي أم لا حتى نرى القوائم المالية

[احمد2008]

اخويrakan
ملايين الانتساب تعتبر فوق مليار الميزانيه
بعدين الميزانيه مفروضه من الحكومه مين يقول ان مكافأة طلاب الانتظام من ملايين الانتساب

[rakan]

المشاركة الأصلية كتبت بواسطة احمد2008 اخويrakan ملايين الانتساب تعتبر فوق مليار الميزانيه بعدين الميزانيه مفروضه من الحكومه مين يقول ان مكافأة طلاب الانتظام من ملايين الانتساب

هلا أخي الكريم أحمد

أولا: حياك الله معنا بالمنتديات

ثانيا: الميزانية مفروضة من الحكومة شي أكيد ... لكن الجامعة في النهاية هي اللي تتصرف بالميزانية ودا شي معروف

كل مؤسسة حكومية تعطى ميزانية مخصصة من الدولة ومن ثم المؤسسة هي التي تتصرف بهذه الأموال لكن طبعا مع وجود نظام مراقبة محاسبية

أما بالنسبة لموضوع فلوس الانتساب .. ياريت تراجع ردودي في الصفحات السابقة .. وستجد اني ذكرت أن المبالغ اللي تتحصلها الجامعة من الانتساب حوالي 34.000.000 ريال ... ولو تقارنها بالميزانية الحالية للجامعة والتي تقدر ب 2 مليار ريال (أي 2.400.000.000) ... فستجد كأنك وضعت قطرة في البحر .. وهذا ناهيك أن الجامعة دائما تنتهي دورتها المالية السنوية بعجز في الميزانية (ومن المفترض ميزانية كهذه انه تعود بفائض)

فإن شاء الله تكون وضحت الصورة إليك .. وياريت تراجع وتقرأ ردودي السابقة بدقة عشان تتثبت من معلوماتي أكثر

وحياك الله

[كلام كليم]

قبل كل شي أتمنى ان مايفهم الجميع ردي إني ادافع عن الجامعة .. يشهد الله إني ان اقول كلمة حق من وجهة نظري

بعد أحترامي لكاتب الموضوع احس ان الموضوع مبالغ فيه شوي

طبعا انا اتفق مع الجميع أن يجب ان تستغل هذه المبالغ في تحسين وترميم مبانيها وتطوير خدماتها لكن اختلف مع من يقول ان الرسوم مرتفعة أنا اعتقدد انها مناسبة


ما أعتقد ان مبلغ 6000 ريال سنويا كثير على انك تحصل على شهادة بكالوريوس خصوصا وإن كثير من الطلاب والطالبات لا يستطيعون ان يحصلون على شهادة البكالوريوس عن طريق الإنتظام أم لوجود ظروف تمنعهم أو لعدم حصولهم على معدل يسمح لهم بقبول الجامعة

بعدين يا أخي الكريم لو نحسبها بورقة وقلم تطلع الـ 6000 ريال اللي ندفعها سنويا على مدار الشهر 500 ريال وأعتقد أنه مو ذاك المبلغ الصعب اللي مانقدر نوفره أنا عارف بيجيني من يقول ان فيها ناس ما تقدر توفر هالمبلغ شهريا لكن برد عليهم أن هؤلاء كم نسبتهم من عدد المتقدمين ورغم هذا كله الجامعة ماقصرت .. طلبت من أي طالب أو طالبة مايقدر يدفع الرسوم ان يثبت لهم هالشي ويدرسونه بالمجان كذلك سمعت ولست متأكدا ان اي طالب او طالبة يحصل على معدل 4 فمافوق يدرس مجانا لكن للأسف غالبيتنا يستخسر أنه يدفع مبلغ بسيط في دراسة أو تدريب ولكن لايستخسر أن يدفع مبلغ كبير في سفر أو الأكل في مطعم أو شراء بعض الكماليات


أنا أعرف كثير من الناس سواء معي في العمل أو خارج العمل رواتبهم عالية ويحملون شهادة الثانوية واقترحت عليهم أن يواصلوا دراستهم بالإنتساب في جامعة الملك عبدالعزيز للحصول على شهادة البكالوريوس لكن رفضوا بحجة أنها غالية مع العلم إن بعضهم يلبس جزمة أعزكم الله بقيمة رسوم ترم بالجامعة لكن هذي ماهي الا حجج واهية منهم

شوفوا كثير من الأجانب يدفع ويبيع كل ماعنده من الأجل أن يحصلون على شهادة لكن أحنا الكثير منا الشهادة آخر طموحه

ورغم ذلك ما اقول الا الله يهون على أخوأننا وأخواتنا الطلاب والطالبات وإن شاء الله تسمع الجامعة ندائتهم وتخفض الرسوم

آسف للإطالة وتقبلوا تحياتي

[اطلق سراب]

انا معآآك
لكن المنتدى مارح يفيدك بشي

[Me to you]

المشاركة الأصلية كتبت بواسطة غروور لان طلاااب مكه وتبوك والمدينه والشمااال ككل كلهم يحبون يدرسون في جامعه جده ممايؤدي عدم قبول طلااب جده بسببهم ماادري يبغونا نروح احنا طلاب جده تبوك هذا شي ثاني

ما أعتقد ان فيها شيء لان لطلاب والطالبات راحوا ابتعاث دول أجنبية وما قالوا شيء الاجانب
نقوم احنا من نفس البلد ونتكلم
سبحان الله
على العموم بالتوفيق لجميع الطلاب و الطالبات سواء انتظام اوانتساب من جدة او من خارجها

[سابح وحل]

فية بديل لمن اراد الجامعة العربية المفتوحة او يتحجج ان هذا مكلف

وللعلم انها نقس الملغ ولكن بالساعة ـ

[BluexBlue]

لو الميزانية المخصصة للجامعة تصرف فعلا كلها للجامعة مو لجيوب احد تاني لكانت الجامعة من اروع الجامعات ( ما افهم في السياسة ترى )

عندنا كلية الحاسبات اشتروا اكثر من 15 شاشة من 40 بوصة وما فوق .. تكلف عالأقل 150 ألف ريال .. وين الفائدة الفعلية المرجوة ؟ لا تقارن ابدا بالمبلغ المصروف ..

ربكم يعين ..

[طموحي عالي]

موضوع رائع جدا انا في السنه التاهيليه ومعدل الثانوي 93 وماقبولين بالجامعه الا تاهيلي واتوقع عشان ارسوم غريبه هذه السنوات صارت بالفلوس السنوات اللي قبلنا يقبلو بالجامعه 85 من يوم فتحو التاهيلي ومايرغبو اقل من 95 ويليت الخدمات ماتوفره مثل الانتظام والانتساب احنا ندفع في كا ترم 8 الاف ريال والانتساب 3 الاف وكل شي متوفر يعدلونا مع الانتظام بمعدل التخصص في القسم المرغوبه وهذه اكبر غلط ومن المفروض يعطو الطالبات حريه في اختيار القسم المرغوب لديهم وليس المرغوب لدى الكليه .. حتى تعامل الامن مع الطالبات سي جدا موعد خروجنا التاهيلي من المحاضرات 5 على بال ماتجي السيارات تكون 5 ونص او 6 اذا تاخرت طالبه يلا اتصلي على سيارتك تجي واذا تاخرتي نسحب البطاقه صار التعامل بالبطايق بصراحه احنا داخلين نتعلم مو داخلين عشان يسحبو بطايقنا والله ولو تشوف التعامل الجامعه تقولو هذولي جهل مادرسو وماتعلمو كيف يتكلمو مع الشخص ان كان اصغر واكبر منه ..
والله اتمنا وزير ولا شخص كبير جدا من التعليم العالي يحضر الجامعه بدون مايعطي احد خبر ويشوف كيف او يحط جواسيس في الجامعه ويشوف كيف تعاملهم وتصرفاتهم وكيف منظر الجامعه ..
حتى صار في تفرقه اللي له وسطه ينجح من دون مايتعب حاله ويدخل الجامعه من دون مايتعب حاله والانتسا وتاهيلي اللي له وسطه يعف من دفع الرسوم وهذا اكبر ظلم للبقيه غيرهم يستلفوا ويحرمو نفسهم من اشياء عشان يوفرو المال عشان يدخل بنته او ولده الجامعه يكمل تعليمه والباقي يجيب نسبه اقل من 85 ويدخلهم بكل سهوله حرااااااااااااااااااااااام عليهم ...