رسالة الي الاخ ابوشادن حاصل على f بحث عند الدكتورنبيل مرسي

[D&G]

بصراحه يا كاتب الموضوع
الغالبية العظمى من طلاب الانتساب تسوي بحوثها في المكتبات مقابل مبلغ مادي وفوق هذا ينجحون وبدرجات فوق 80 واكثرها منقول ومكرر لاكثر من طلاب
ياما انك تطبق القانون على الجميع والا انك تغض الطرف عن الجميع اما انك تعامل الطلاب معاملة مختلفة حسب الدكتور وحسب مزاجه وحسب الواسطه هذا ظلم فاضح وواضح ولا يوجد عدل وهذه قسمة ظيزى
عجيب الامر في هذي الجامعه ناس تنقل وتنجح بتفوق وناس تنقل جزء وترسب
ليه هذا الظلم
لو كاتب الموضوع مر بالموقف اللي مر فيه ابو شادن ما جاء يدعي المثاليات
واعرف طالب والله يشهد علي اتصل على مصري وقاله اعمل لي بحث من 15 صفحه تتكلم عن مشكله من المشاكل التي تحدث دائماً في العمل المصري سوى له البحث وارسله بالايميل للطالب واخذه وارسله للدكتور واعطاءه الدكتور 85 درجه على البحث

نريد العدل في هذه الجامعه
يطبق القانون على الجميع وليس ناس عن ناس

تحياتي لكاتب الموضوع

[ابو بدر 2009]

المشاركة الأصلية كتبت بواسطة ابو عبدالهادي المفترض ان الدكتور نبه اخونا ابوشادن قبل مايعتمد البحث ولا يعطيه f اقل شيء يطالبه ببحث جديد الترم الصيفي او الترم القادم ولا ينزل معدله ويحرمه من درجة الشرف , وبعدين انا توني ادري ان البحث لازم يكون منقول كحد اقصى 25 بالميه ، ليش مايعلمونا قبل , حتى مفردات البحث ماذكر فيها اي شي

ابو عبدالهادي معروف صاحب الصلاحيه وراعي الحق اذا ما جامل اسمه راعي حق. خصوصا اذا موقفه قانوني وشرعي. وكلنا عارفين ان البحث مفروض انه من جهد الطالب.

والله اني زعلان على شانك يابو شادن طالب مثلك مجتهد ومستواه التعليمي ممتاز يسوي بنفسه كذا.

لازم تراجعه حتى لو يعطيك 60 بس لا يرسبك ويحرمك التخرج بمرتبة الشرف.

وتكمل فرحة شادن . ان شاء الله يوم السبت ننتظر منك خبر يفرحنا كلنا. وربي يوفقك

[مابي اسم]

مآني معآكم بـ كلامكم ،، كل آلطلآب ينقلون آلبحث جآت عليهـ ،،
وبعدين للحين آلغلط غلط آلدكتور نبيل مو غلط أبوشآدن ،،
لأن آلدكتور آلمفروض لمن شآف آلبحث منقول يتكلم ويقول لأبو شآدن ،،
مآدري أنآ للحين مآ أخذت بحث وتدريب ،، بس أشوف إنهـ آلمفروض يقولهـ ،،
آلبحث وآلتدريب كلهـ نقآش تقريباً ،، يعني لو آلدكتور قآلهـ وخلآهـ يعدل آلبحث وش بيصير ،،
وحتى لو بينقصهـ مآتوصل إنهـ يحملهـ آلمآدهـ ،، على آلأقل كآن قآلهـ وقت آلمنآقشهـ إنهـ آلبحث مو عآجبهـ ،،
وبيعطيهـ فيهـ f لو مآعدلهـ ،، بس كذآ لآ وربي حرآم ،، وبعدين أبوشآدن إعترف إنهـ نقل آلبحث ،،
آلمفروض آلدكتور يتسآهل معهـ شوي دآمهـ إعترف بهآلشي ويسآعدهـ ،، وبعدين كل آلطلآب ينقلون آلبحث جآت على أبوشآدن ،،
وودي أفهم لو قآلهـ هي كلمتين بس لو مآعدلتهـ مآرآح تعديهـ وش بيصير محد بيموت واللهـ ،،
بس وش أقول غير حسبي اللهـ ونعم آلوكيل عليهم من دكآترهـ ،،
وإنت يآعبود وش لهـ منزل هآلموضوع يعني بس شفت أبوشآدن نسي هآلسآلفهـ وإحتفل بتخرجهـ وإنبسط تبي تخرب عليهـ ..؟!
عيب عليكـ واللهـ ،، حب لأخيكـ مآتحب لـ نفسكـ ،، وحط روحكـ بدآلهـ قبل لآتسوي أي شي ،، اللهـ يهديكـ بس ..

[سعودي اول]

يالربع اذكرو الله

الرجال خلص اموره مع الدكتور واعتذرله واعترف بخطاه ولا راح من الدكتور الا مطيب خاطره والامور بينهم زينه ان شاء الله ..

[ابو بدر 2009]

الموضوع هذا لازم ينحذف يا شباب

على شان لا نغث زميلنا ابو شادن ولا احد يغلط على الدكتور

واللي قريب من ابو شادن يوم السبت يكون معه ولا يوقف الا في مكتب الدكتور ويارب نحتفل بتخرج ابو شادن وبمرتبة الشرف كمان.

ارجوا من الاداره حذف الموضوع

[ابراهيم2008]

المشاركة الأصلية كتبت بواسطة عبود الفهلاوي الاخ ابو شادن. بالمعرف yesyes الاخوان كلهم تري الموضوع ماخذ شكل أكبر من حجمة. ابو شادن انت أخطأت انك ناقل بحث بالمسطرة ومعترف للدكتور بالنقل والمصري الي عملك البحث وخلافة. وواجهك الدكتور بذلك. ما يسير ياخوي الان تتكلم عن الدكتور وتقول قتل فرحتي ومدري وشو. تصرف الدكتور نبيل سليم. لايلام من الناحية الاكادمية. انت غلطان وتتحمل نتيجة. واحمد ربك ما عملك مشكلة اكبر. فالان نجي ونقول الدكتور نبيل فية ويخطية وظالم وخلافة. لا يا اخوان لزوم يعرفون الحقيقة. وللمعلومية هذا الكلام من الدكتور نبيل وحنا كلمناة على نتيجة خوينا وزعلان مرة وفي اخوان كلموة وقال راح يقدم ما كتبتة في المنتدي والكذب للعميد يوم السبت. وقلتلة يادكتور سامحة تراة مخطي وخلافة. وارجو من الاخوان عند عمل بحث لا تستسهل وتنقل بل ابذل جهد وكن صادق مع نفسك.

انت يا كاتب الموضوع راعي مشاكل كلنا نعطيها مصريين وانا بذات نفسي معطيه سوداني بذاته وخذيب a
انت ليه تعرض الموضوع بهذه الطريقة في رسالة تقدر ترسلها لرجال او مشرف المنتدى
يعني المشكله عندك بعدين ويش دخلك او بالتحديد (من أنت .... من أنت) أو من أنتم
هذا شي يسمونه لقافه ... وخل الدكتور يشتكي ويش بيطلع به ولا شي رجل مرسبه ويش عاد يبي
الموضوع يحذف وياليت الي كتب الموضوع تنحذف عضويته لانه يدعو للفتنه

ولو اني محل الدكتور اعطيه درجة النجاح على صدقه
اهم شي زميلنا رجل صادق
ولا اذا طاح الجمل كثرة سكاكينة ياصاحب الموضوع

[أبو أسامة الهدلق]

شكرا للجميع ... من الافضل حذف الموضوعين عشان ما تتطور الامور وكل واحد يصلح سيارته

[عبود الفهلاوي]

عجيب يالربع
الان كلمة الحق مهي عاجبة أحد.
هو غلطان وانا ابي اصلح الموضوع مع الدكتور ووعد لو راحلة وعتذر من الممكن يحولها لة ip.
الان تدخلي صاير لقافة. والله انتم عالم لها العجب. الحمد الله

[yesyes]

...
بعد أعوذ بالله من الشيطان الرجيم ..
(( فصبرٌ جميل والله المستعان على ماتصفون ))
...

يا أخ عبود الفهلاوي فضلاَ كلمني الأن على هاتفي .........

[B N D R]

المشاركة الأصلية كتبت بواسطة عبود الفهلاوي هو غلطان وانا ابي اصلح الموضوع مع الدكتور ووعد لو راحلة وعتذر من الممكن يحولها لة ip.

ماراح اتكلم عنك يا صاحب الموضوع !!
لأني مابي أسيء النية أو افتري ظلماً وبهتاناً !!


لكن شر البلية ما يضحك !


الى هذا الحد اصبحت الاحكام والقوانين بتطبيقها تعتمد على المزاجية ؟؟


الى هذا الحد اصبحت الحقوق توهب وتنتزع عبثاً وتسلطاً وطغيانا !!


الدكتور والطالب كلاهما ضمن المنظومة ، لهما من الحقوق مثلما عليهما تحت مظلة القانون والشرع والميثاق ..




اما أن نستغل حلقتنا الأقوى ونطويها حول الرقاب فهذا امتهان حتى للدين والاخلاق والقيم