طلاب شمال جدة أفيدونا.....!!

[M.Radoy]

السلام عليكم
ابدخل بالموضوع على طول بس اهم شي اقل جواب او حل
1-الحين الجدول ماراح ينزلنا على الاوديس ولا نستلمه بداية السنه ووكيف تكون عملية الحذف والإضافه تكون عادي ولا ما فيه لان العدد قليل !
2-الدوام راح يكون طول السنه هناك ولا نضرب مشاوير للجامعه ولا للعماده
3-العماده متى نروحلها عشان نعدل البطاقه الجامعيه وهل فيه مكافاة امتياز ولا
4-الطريق اهم شي مو ملغم بالكميرات ولا كيف نظام ساهر!!
5-والمباني حقت الطب تمام ولا مهربده (كحيانه)
6-المقابله الشخصيه هل تكون بالشمال ولا الرئيسي
7-آآآآآآآآآآآآآآآسف على الإطالة

[فتى تثليث]

المشاركة الأصلية كتبت بواسطة m.radoy السلام عليكم وعليكم السلام ابدخل بالموضوع على طول بس اهم شي اقل جواب او حل اتفضل.. 1-الحين الجدول ماراح ينزلنا على الاوديس ولا نستلمه بداية السنه ووكيف تكون عملية الحذف والإضافه تكون عادي ولا ما فيه لان العدد قليل ! اولا جداول الكليات الصحية ما تنزل على الاودس رح تستلموها من الكلية اول يوم ..وبالنسبة للحذف والاضافة ..الكليات الصحية ما فيها حذف وإضافة الا للثقافة والعربي فقط.. 2-الدوام راح يكون طول السنه هناك ولا نضرب مشاوير للجامعه ولا للعماده اممم...ايوه الدوام طول السنة هناك يمكن تجوا الجنوب فقط عشان متحف الباثو.. 3-العماده متى نروحلها عشان نعدل البطاقه الجامعيه وهل فيه مكافاة امتياز ولا رح لها اي وقت متى ما شفت نفسك فاضي...بالنسبة لمكافأة الامتياز لازم تروح للعمادة اللي بالجنوب.. 4-الطريق اهم شي مو ملغم بالكميرات ولا كيف نظام ساهر!! لا ساهر ولا هم يحزنون.. 5-والمباني حقت الطب تمام ولا مهربده (كحيانه) شف المباني ما لها سنة يعني اكييد جديدة..والمعامل ما لها نص ترم يعني لا تخاف كله جديد في جديد.. 6-المقابله الشخصيه هل تكون بالشمال ولا الرئيسي والله ما عندي اي معلومة عنها..على سنتنا كان ما فيه.. 7-آآآآآآآآآآآآآآآسف على الإطالة

اتمنى اكون افدتك..واي استفسار اخوك بالخدمة باللي اقدر عليه..

[M.Radoy]

شكرا ووبارك الله فيك ومعليش تعبتك معي

[فتى تثليث]

المشاركة الأصلية كتبت بواسطة m.radoy شكرا ووبارك الله فيك ومعليش تعبتك معي

العفو والله ما سويت شئ....

[Dr.Katib]

ياريت طلاب شمال جده نتعارف والله احس مافي احد كلو من جنوب جده مافيه مواضيع عن الشمال

[فخر النماص]

طوووووط

نقطة نظام بالنسبة لساهر له مكانين وانت رايح الجامعه الاول عند كبري بريمان والثاني بعد قاعه فرح بشوي يوقف بعض الاحيان والفترة الاخيرة من الترم الثاني لغموا الطريق سري لا صباح و لا ظهر وانواع التقفيط الله .........

واذا ما عندك رخصة روح طلع من الحين لانه يوميا يقابلك تفتيش وانت رايح وانت جاي لا تلحق واحد من الشباب تعرف على العسكر كلهم من كثر ما يوقفونه >>> ما اقصد احد يا ياسر

اما بالنسبة للاستفسارات الثانية سلمان كفى ووفى

[فخر النماص]

المشاركة الأصلية كتبت بواسطة Dr.Katib ياريت طلاب شمال جده نتعارف والله احس مافي احد كلو من جنوب جده مافيه مواضيع عن الشمال

الشغلة نسبة وتناسب عددكم في الشمال حوالي 30 والجنوب 160 فطبيعي تلاقي تواجد طلاب الشمال قليل

زيك انت هذي اول مشاركة لك

عموما فكرتك جميلة وياليت تحاولون توصلون صفحة الكلية على الفيس لاكبر عدد من طلاب دفعتكم وهذا الرابط

http://m.facebook.com/?w2m&_rdr#!/kau.med.nj?refid=0

[فتى تثليث]

بالنسبة للتفتيش خلاص شالوه بالمرة 50 كيلو ورى..

[أبو أحمد الالمعي]

المشاركة الأصلية كتبت بواسطة dr.katib ياريت طلاب شمال جده نتعارف والله احس مافي احد كلو من جنوب جده مافيه مواضيع عن الشمال

والله كلام صحيح..يا ليت يكون هناك في تعارف وتواصل بس لا تخاف ان شاء الله مع بداية السنة ومع الأيام نكون اخوة..واحب اشكر صراحة الداعمين لنا فخر النماص وفتى تثليث والليدر ياسر واسأل الله لهم التوفيق..انا اسمي سلطان الالمعي واتشرف ان اتواصل مع اي من طلاب الشماال..وتقبلوا تحياتي..

[M.Radoy]

يا مرحبا ألف يعني عددنا 30 لازم يكون في ليدر وولجنه علميه زي الجنوب

لاني كل ما اطلع على الجنوب القاهم منظمين ووحركات وشكلنا ما لنا رب هههههه ^___^