أفضل الدكآترة ..!!

[Eng.Sho0omy]

احم احم
سلامو عليكم << اول مشاركة ليا

صبآح / مسآء الخير

كيف حالكم يا صوحابي المهندسين ؟؟ عسآكم بخير ؟؟ كيف رمضان معاكم ؟؟ ان شا الله كلو تمام ؟؟

ما أطول عليكم

بس انا طآلب مستجد فـ كلية الهندسة ووآجهت مشكلتين فـ تسجيل الجدول اللي هيا المواد والدكآترة


مشكلة المواد يمكن انها انحلت ،، بحكم اني قريت كثير فـ موضوعاتكم ومشاركاتكم يا أخواني المهندسين ،، ولقيت مكتوب انو الواحد يمشي على الخطة اللي منزلتها الجامعة فـ موقعها احسن
وانا ان شا الله قررت امشي عليها ،، بس لو كآن عندكم اي اقتراح ثاني باللهي عليكم افيدونا


وأما عن مشكلة الدكآترة ،، فزي مآنتو عارفين نحنا مستجدين وما نعرف اي شي عن الدكاترة ،، وانا محتار اسجل عند مين ولا مين ،، أكيد كل الدكآترة فيهم الخير والبركة ولهم مكانتهم فـ الجامعة ،، بس برضو فـ شي اسمو دكتور ممتاااز كل الطلاب يمدحوه وينصحو بيه ..

وهوا هادا الشي اللي ابااه ،، بالله عليكم والله يرضى عليكم ابغا من اي باش مهندس له خبرة فـ الدكاتره يفيديني ،، أبغا اشوف الكل يشارك ويقلي نصيحتو واقتراحو << نحنا أصحآب فـ كلية وحدة ويمكن نتقابل فـ بعض المواد وان شا الله من هادا المبدآ نتعاون كلنا مع بعض

ما أكثر عليكم
زي ما قلتلكم ابغا كل باش مهندس يعطيني اسم الدكتور او المهندس او حتى الاستاذ المناسب
وهادي طبعن المواد المقترحة فـ التسجيل

arab101 مهارات لغوية 1
ee201 برمجة حسابية مهيكلية
ie200 مهارات الاتصال التقني
math202 تفاضل وتكامل 2
meng102 رسم هندسي
phys281 معمل فيزياء عامة


أنتظركم بفآآرغ الصبر ,, ويآآ لييت تردولي سرييييع قبل ما ينتهي الحذف والاضافة لاهنتو

معليش أحس نفسي كترت فـ الكلام (كلامي كتير >،< ) بس عاد اتحملوني انا طالب مستجد واشوف فيكم الخير :$

أخوكم / هشام فلمبان