طريقة الدراسة

[السيتزن]

السلام عليكم
سمعت ان طريقة الدراسة مختلفة في تصاميم البيئة
يعني كل طالب له مكتب ويشتغل فيه
ياليت توروني صور او تشرحون لي

[السيتزن]

غريبه مافي رد !!

[general200]

صحيح طريقة الدراسة في كليتنا تختلف عن جميع الكليات الاخرى

المشاركة الأصلية كتبت بواسطة م.دافووور الكلية مقسمة الى (( استديوهات )) ايش هوا الاستديو .. ؟!؟ الاستديو عبارة عن قاعة كبيرة لـمتوسط 24 طالب من 4 مستويات مختلفة الترتيب 6 طلاب سنة اولى عمارة (مستوى 200 ) 6 طلاب سنة ثانية عمارة (مستوى 300 ) 6 طلاب سنة ثالثة عمارة (مستوى 400 ) 6 طلاب تخرج(مستوى 500) طبعا المكان مخصص لهم ... ويختلف تنظيم وترتيب الاستديوهات من استديو لاخر على حسب الطلاب اللي فيه طبعا الاستديو مكان تعليمي بالدرجة الاولى ولكن لا يخلو من وسائل الترفيه المختلفة (( تلفزيون والعاب مختلفة ووو )) بالاضافة الى وجود انترنت (( سرييييييع حق الجامعة )) واماكن نوم كمان تعرف لانو احنا مو زي الكليات التانية محاضرتك وتوكل .. فالاستديو دا يعتبر بيتك .. مفاتيحه مقتصرة فقط على طلاب الاستديو ودكاترتهم فقط .

[احمد ربيعة]

يب مختلفة 24 ساعة الكلية مفتوحة

[Haro]

المشاركة الأصلية كتبت بواسطة احمد ربيعة يب مختلفة 24 ساعة الكلية مفتوحة

نبغي معلومات عن السنه التحضيري في الكليه ؟؟

[Koke-07]

المشاركة الأصلية كتبت بواسطة Haro نبغي معلومات عن السنه التحضيري في الكليه ؟؟

السنة التحضيرية او السنة العامة بالكلية بتاخذ فيها مواد أساسية لبعض التخصصات.
مثلا:
- مادة Ar190 مادة تتعلم فيها طريقة الرسم المعماري باستخدات أدوات معينة وهي مادة تنزل بالترم الأول فقط ومن 4 ساعات.
- مادة Ar191 بتعتمد على ثقافتك في التصميم والابتكار ، مادة كلها تسوي مجسمات وانت تبتكر التصميم حسب الموضوع ، مادة بتنزل بالترم الثاني ومن اربع ساعات .
- مادة Ar210 مادة الرسم الحر جداً ممتعة وحتتعلم أساسيات الرسم وبتستخدم المرسام فقط، المادة من ساعتين.
*جميع المواد السابق ذكرها تندرج تحت قسم العمارة AR.

- مادة La121 بتعرفك على أقسام الكلية وتفاصيل كل تخصص مادة بسيطة وبمتناول الجميع وهي من ساعتين.
- مادة La141 بتتكلم بشكل عام عن تخصص عمارة البيئة من جميع الجوانب وفيها مشروع يتطلب منك تذهب لتحلل منطقة معينة بالمملكة مع مجموعة من الطلاب والتحليل يكون عن المناخ والطقس والتلوث والنباتات وغيرها من ثلاث ساعات .
* وهذي المادتين تندرج تحت قسم عمارة البيئة LA

- مادة Urb130 تطور البيئة المبنية ، وفيها مشروع مع مجموعة من الطلاب لتقييم موقع اثري كقصر السقاف بمكة المكرمة ، وقنطرة الشرائع بمكة المكرمة والمطلوب تصوير الموقع وتقييمه من جميع الجوانب المعماريه. وهي من ثلاث ساعات.
- مادة Urb211 الحاسوب لتصاميم البيئة ، بتتعلم فيها البرامج المستخدمة للتصميم بالحاسب مثل برنامج الاوتوكاد والريفيت وغيرها مادة جيدة وبتتطلب مشروع نهائي مع عدة طلبه وهي من ساعتين.
* وهذي المادتين من قسم التخطيط URB

ويوجد مواد اخرى اختيارية .
أي شي تبونه أنا حاضر ، وحاب أنوه على موقع الكلية في الفيس بوك لتعرفوا وتستفسروا عن كل ما تريدوا
صفحة باسم: نادي كلية تصاميم البيئة
https://m.facebook.com/#!/groups/110...ser=1603975295
و صفحة باسم: إدارة الشؤون التعليمية بكلية تصاميم البيئة.
بالتوفيق للجميع :)

[Haro]

شكرا جزيلا

بس كان عندي سؤال طريقة الدراسه رح تكون جروبات ؟!

[ROBOT]

المشاركة الأصلية كتبت بواسطة haro شكرا جزيلا بس كان عندي سؤال طريقة الدراسه رح تكون جروبات ؟!

شوف اخوي الكلية كلها تتعمل على التكامل بين الطلاب ... اغلب المواد اللي فيها مشاريع تتطلب قروبات ... يعني من المفترض لك انك تكون علاقاتك كثيرة مع مرور الوقت ...لان في االنهاية الناس المنعزلين راح يتعبو معانا في الكلية .بالتوفيق اخوي

[العبود]

المشاركة الأصلية كتبت بواسطة robot شوف اخوي الكلية كلها تتعمل على التكامل بين الطلاب ... اغلب المواد اللي فيها مشاريع تتطلب قروبات ... يعني من المفترض لك انك تكون علاقاتك كثيرة مع مرور الوقت ...لان في االنهاية الناس المنعزلين راح يتعبو معانا في الكلية .بالتوفيق اخوي

سؤالين لو سمحت ..
هل السنة الاولى فيها استديوهات ؟؟
المشاريع في السنة الاولى مدى صعوبتها كيف ؟؟

وشكرا لك

[ROBOT]

المشاركة الأصلية كتبت بواسطة العبود سؤالين لو سمحت .. هل السنة الاولى فيها استديوهات ؟؟ لا ... لا يوجد استديوهات للمستجدين المشاريع في السنة الاولى مدى صعوبتها كيف ؟؟ المشاريع في السنة الاولى هي كالتالي اعداد لوحة واحة على الاقل لكل من مادة ar190 -ar191 - ar 210 كل محاضرة ..وفي الغالب يكون في مشروع نهائي مكون من عدة لوحات مشروع او بالاصح مجموعة تقارير تتطلب احيانا الذهاب لمناطق تاريخية واثرية في مكة في مادةة urp130 مشروع دراسة بيئية لمادة la 141 في النهاية كلها سهلة بس تحتاج شوية من وقتك وشوية ترتيب وتنظيم وتوافق مع القروبات لكل مادة وشكرا لك

بالتوفييق :)