سؤال عن طريقة أسئلة القبول لماجستير احصاء(عنوان مخالف تم تعديله)

[دلوعه غير]

ايوا انا سمعت الي راقبت علينا تقوول انو انو الكل يجي

بس السكرتاريه حق القسم تقول لسا مو باين،، يمكن بس الي يعدوا التحريري يدخلوا الشفوي

يمكن هما لسا مو عارفين ....!!!

وانا لسا مو عااارفه شي جالسه استنى

[دلوعه غير]

شكلنا كلنا حندخل المقابلة الشخصيه
وحاطين في الموقع انو المقابلة يومي الثلاثاء والاربعاء
من الساعه 11

يعني الا ما امداها ثلوث تروح ربوع....

بس الي يعرف شي يا ريت يفيدنا

[ام عمر]

انا اتصلت عليهم وقالت لي السكرتيرة كلنا نجي المقابلة الشخصية وقالت لي انه مو اختبار هي فقط مقابلة واذا كانت حتسأل الدكتورة فإنها حتسأل عن أسئلة عامة فقط

بس الصراحة ماادري معقول مقابلة شخصية فقط؟ طيب يعني ايه المقابلة اذا مافيها اختبار وهل يعني هذا انه كلنا باذن الله مقبولات ؟ كلها اسئلة محيرتني ماني لاعارفة لها جواب بس الله يوفقنا وننقبل يارب .

[دلوعه غير]

هيا قالت انو لسا ما صححوا التحريري

عشان كدا كلنا حندخل المقابله..

يااااارب ننقبل على خير

[Dana88]

قولولنا يابنات كيف كانت اسئلة الامتحان لو فاكرين منها شئ او ايش الموضوعات اللي جات فيها الاسئله
عشان نستفيد منكم وناخذ فكرة لو قدمنا ان شاء الله السنة الجاية

وكيف المقابلة ايش سألولكم

بالتوفيق لكم جميعا :)

[ام عمر]

الأسئلة تختلف من واحدة الى أخرى يعني في يسألوهم اسئلة عامة (يعني شخصية) وحاجات بسيطة مرة في الإحصاء

يعني مثلاً التوزيع هذا في إيش يستخدم يعني حاجات بسيطة بإذن الله لاتشيلي هم توكلي على الله وربي يعينك يارب.

[Dana88]

مرحبا ام عمر
شكرا لك والله يوفقك ان شاء الله

طب فاكرة اسئلة التحريري ؟؟

[ام عمر]

السؤال الأول جابوا اختياري

والسؤال الثاني جابولنا دالة عزوم وقالوا لنا نكتب الدالة لها والتوقع والتباين ودالة الإمكان الأكبر

والسؤال الثالث اعطونا دالة وطلبوا مناتوزيع مشترك وطلبوا انه نجيب لها دالة الكثافة الهامشية ونجيب العزم الرائي لها

وفي السؤال الرابع أعطونا الدالة التراكمية لتوزيع مشترك وطلبوا منا الدالة المشتركة لهم وكمان معامل الإرتباط

والسؤال الخامس والأخير كان فراغات عن خصائص الدوال ودرجات الحرية لبعض الدوال

يارب اكون افدتك وربنا يكرمنا جميعاً يارب

[أم بنــدر]

طيب يابنات الي اختبرت ياليت تكتبوا لنا الاسئلة لو كنتوا فاكرين عشان ممكن نستفيد منها لو فكرنا نقدم

[ويبقى]

السلام عليكم الي راحو للمقابلة وين كانت بقسم الاحصاء و مين الي قابلهم انا مادريت بالمقابله ينفع اروح السبت ولامااروح