تخصص دراسات الطفولة

[[:مريــم:]]

بسم الله الرحمن الرحيم

انا خلصت سنه تحضيريه وحطيت رغبتي انجلش بس حطوني علم نفس وانا راح احول

السنه الجايه ان شاء الله دراسات الطفوله بس ابغى أعرف:

1- ماهي النسبه المطلوبه لدخول هذا التخصص لطالبات المسار الاداري لدفعة 09 ؟

2- هل القسم ممتع يعني يفيدني في حياتي ولا كله دش وكلام صعب ؟

3- ايش المواد اللي ادرسها في الترمين في علم النفس وتعادل المواد اللي
لازم ادرسها في ترمين في قسم دراسات الطفوله عشان ما تضيع علي سنه في قسم
علم النفس وانا ما ابغاه ؟

4-ممكن تعطوني خطة القسم لقسم دراسات الطفوله؟
ياليت تساعدوني لاني تحطمت مره بس (وعسى ان تكرهوا وشيئا وهو خير لكم) يللا الحمد لله

[[:مريــم:]]

احد يرد علي خلاص والله تعبت

[cinnabon]

هلا خيتو ان شاء الله ساااكناا في بيتنا تجي ترد عليكي

[ساكنه في بيتنا]

المشاركة الأصلية كتبت بواسطة [:مريــم:] بسم الله الرحمن الرحيم انا خلصت سنه تحضيريه وحطيت رغبتي انجلش بس حطوني علم نفس وانا راح احول السنه الجايه ان شاء الله دراسات الطفوله بس ابغى أعرف: 1- ماهي النسبه المطلوبه لدخول هذا التخصص لطالبات المسار الاداري لدفعة 09 ؟ والله ما عندي خلفيه عن الموضوع بس عموما لايقل عن 3-3,50 2- هل القسم ممتع يعني يفيدني في حياتي ولا كله دش وكلام صعب ؟ ^_^ اكيييييييييييييد ممتع ما فيها اي كلام ,, و يفيدك في حياتك كلللها ويرتقي بأسلوب تعاملك مع الأطفال من حولك ,, يعني حتى لو ما اتوظفتي ,, راح تحسي انو وظيفتك جاهزه ( لأنو الأطفال في كل مكا ) .. يكفي انك تنصحي أم من هنا و يوجهي سلوك طفل من هنا ,, و أهي الدنيا ماشيه :) 3- ايش المواد اللي ادرسها في الترمين في علم النفس وتعادل المواد اللي لازم ادرسها في ترمين في قسم دراسات الطفوله عشان ما تضيع علي سنه في قسم علم النفس وانا ما ابغاه ؟ ما اظن فيه مواد مشتركه بيننا بس ادخلي على خطه علم النفس و ادخلي على خطه الطفوله و قارني بينهم و ان شاء الله ربنا يفرج عليكي :) .. 4-ممكن تعطوني خطة القسم لقسم دراسات الطفوله؟ ليش لا :) دي خطه القسم يا بطه .. http://homeecon.kau.edu.sa/content.a...www.kau.edu.sa ياليت تساعدوني لاني تحطمت مره بس (وعسى ان تكرهوا وشيئا وهو خير لكم) يللا الحمد لله دا اللي اقدر عليه لو عندك اي اسئله تانيه نحن حاضرين ..

بالتوفيق يااارب ..

وكلي امورك لله و لا تيأسي وربنا يفرج من عنده :) ..

[ام-حمودي]

موفقه يارب

[[:مريــم:]]

شكرا لكم الله يسعدكم جميعا

واستنى البقيه

[dodia]

1- ماهي النسبه المطلوبه لدخول هذا التخصص لطالبات المسار الاداري لدفعة 09 ؟
للأسف ما اقدر افيدك




2- هل القسم ممتع يعني يفيدني في حياتي ولا كله دش وكلام صعب ؟
القسم ممتع وتستفيدي منه فين ماكنتي بس يكون بالك طويل وحابه القسم نفسه والأطفال..
والتخصص فيه جزء نظري وجزء عملي، الجزء النظري دش كلام بس ممتع تستفيدي وتجي في القسم العملي تطبقي
تعرفي فيه خصائص نمو الأطفال وتعليمهم وتربيتهم وتوجيه سلوكهم، واعداد برامج للأطفال مثلا في النوادي والمراكز والروضات
وتعرفي الأمراض اللي ممكن يتعرضوا لها وكيف تتصرفي، والأطفال ذوي الاحتياجات الخاصة وكيف تتعاملي معاهم وتساعديهم، وعلى آخر ترم تتدربي في روضة وتطبقي اللي تعلمتيه




3- ايش المواد اللي ادرسها في الترمين في علم النفس وتعادل المواد اللي
لازم ادرسها في ترمين في قسم دراسات الطفوله عشان ما تضيع علي سنه في قسم
علم النفس وانا ما ابغاه ؟
ما اتوقع فيه مواد مشتركه بس شوفي المواد العامة إللي هيا متطلبات الجامعة اذا ما خلصتيها
زي ثقافة اربع مستويات ومهارات لغوية وتحرير كتابي ومهارات اتصال وانجليزي مستويين وحاسب
ومادة انترنت وبحث علمي حسب اللي اعرفه انه متطلب كليه في الاداب وفي الاقتصاد المنزلي
وشوفي المواد الحره كمان اللي بقسم دراسات طفولة وخذيها عشان بعدين اتوقع يحسبوها لك مادة اساسية اخذتيها
ولو اخذتي مادتين من علم النفس ممكن يحسبوها لك مادتين حرة لما تحولي دراسات طفولة
(ما أأكد لك كلامي وتتورطي بعيد الشر يااارب بس حابه اساعدك باللي اعرفه)



4-ممكن تعطوني خطة القسم لقسم دراسات الطفوله؟
ماقصرت اختي ساكنه في بيتهم ادتك خطة القسم

بالتوفيق ياااارب

[[:مريــم:]]

تسلمي dodia

الله يوفقك دنيا و اخره