انا ايش اعمل كل الامال اتحطمت

[JOojoO:D]

تعالوا معايا نشوف انا ايش سار فيا ....
طالبة في السنة التحضيرية خطة ب في فرع الشرفية ... حلم حياتها تدخل طب ... و تبا تسمع كلمة انتي دكتورة ولا دكتورة في مريـــــض محتاجك .. يعني اختصارا ابا ادخل طب ..

الدوري الاول : الدرجات طينة مطينة بس ستين نيلة ..
الكمياء 14 كانت حتجيني جلطة بعد الكرف 14

الاحياء هاهاهاااا 19 قلك قلك فرحت بيها انا و وجهي ... احسن من غيرها

نجي لي حبيب الكل الاحصاء يا سيدي يا سيدي انكرفت كرف و تعبت على كتابي ترجمة و اسئلة و
حل نماذج و ادبس في الكتاب قدام كل درس الاجوبة حقت نهاية الباب و الكتاب انسرق زي الســـــــــــــلام عليكم المهم يوم الاختبار كنت تعبانة و مانمت قبلها مني فاكرة ليه بس اني ما نمت فيوم الاختبار اختكم في اللله نامت فوق الكتاااااااااااااااااااب ااااااااااااااه يا ربي و صحيت و انا بابين ما زاكرتها و دخلت و جبت بي معونة ربنا 15 :(

نجي للدوري التاني :
من بعد الاجازة حقت الحج و انا ازاكر كل شي و اول بي اول و اتعب و انكرف كرف الناس الطيبين
و جات الاختبارات و ما انام كويس و ازاكر و مرررررره تعبت بي صراحة الرحمن و جبت مدرسة احصاء و تاخد على الساعة 250 و انا انكرف و مزاااااكرة حلوووووة نجي للنتايج ..

الكميا لسا ما اخدتها .... بس انا ما اظن انها حتطلع عدلة بس الحمدلله على كل حال

الاحياااء الي بس ازاككر في جبت 16 حلوييييييييييييييييييين

الاحصاااء بعد المدرسة و تعب اهلي معايا و مصاريف و تعب جبت ((((((((12))))))))

وانهرت في الجامعة من حرقت قلبي على الي بيسير فيا لاني بتعب و بكرف و في الاخير ليش
ما اعرف احل مني فاهمة هوا انا البقرة ولا ايش مني عارفة والله
و جلست ابكي انا بني ادمة ماعمري بكيت قدام احد اليوم بكيت في الجامعة على حرقت قلبي بس

ممكن اعرف انا لو ابا ادخل طب في عبدالعزيز ايش اعمل دا حلم حياتي .. انا عارفة انوا انا على حافة الرسوب بس املي في ((( ربنـــــــــــــــــــــــــا ))) كبيييييير وانشاءاالله اعدي بس لو حعدي حعدي بس 75 في كل مادة ماعدا الانجليزي اكيييد يعني معا اني المستوى الرابع p: بس برضوا حاسة انوا دا محا يرفعني ولاشي محا يرفع المعدل كتير مرره حرفع بس مو مرره

المهم : انا ايش اعمل ياجماعة حاسة نفسي كل احلامي بتموت بي هدوء و انا بنازع تعبت والله تعبت و انا ازاكر و اتحبط بالدرجة الي تطلع واللله تعبت سايرة بس ادعي يا رب ما ابا شي ابا بس ادخل طب وربي تعبت والله العظيم تعبت كل احلامي بتموت قدامي و انا جالسة اتفرج الميزانية حقت عيلاتي ما بتسمح اني ادخل جامعة خاصة و المنح ماهي كاملة جزئية ايش اعمل يعني اقطع نفسي و دا الترم الاول لسا في ترم تاني قدامي
الله يخليكوم قولولي ايش اعمل ابيع ترمس ولا اقشر بصل و ابكي واتجنن حاسة والله اني بنازع الموت الي هوا اني ما ادخل طب ورب الايمان تعبت واتعزبت و كل شي فيا مات ساعدونــــــــــــي ارجوكوم مني عارفة ايش اعمل ..؟

[Rojah]

والله مني عارفة ايش اقولك الله يسهلها يارب بس صدقيني في مشكلة حاولي لما تحلي تفهمي المطلوب في السؤال
وصراحة ما ادري لو نسبتك تهيئ تدخلي طب ولا لا سمعت انهم قالوا لو معدلات البنات كلهم طايحة راح ينزلوا نسبة الرسوب ان شاء الله يارب تتيسرلك لسا في بونس وباقي ترم تاني الله يعيننا يارب

[JOojoO:D]

انا عارفة انها ما تدخل طب بس منجد انا تعبانة ايش اعمل دا حلم عمري و شكرا عشانك رديتي عليا

[Majed7]

الله يكتب لك اللي فيه الخير .. بصراحه ماني عارف وش أقولك
إن شاء الله يكون فيه حلـ يرضيكيـ
الله يوفقك يا رب ^_^

[Majed7]

+
إنتيـ تعانين مثلي مع الاخ ريد بول ههههه .. هذا الفريند السهران معاي يوميا

[JOojoO:D]

من جد والله المساعد الوحيد في السنة التحضيرية

[..SusHi..]

شوفي انا بقولك عن تجربتي والي منجد مابا احد يسوي زيها


انا كنت العام ادرس في عزوز طبعا كنت ياأدخل طب يااجلس في البيت معلللليش طب وبس


الدوري الاول في الفيزيا جبت 19 بكييت واتحطمت وزعلت وخلاص مابا ادرس محا تدخلني طب وسحبت من الجامعة حتى ماحاولت اني اشد حيلي خخخخخخ


ورجعت السنة دي قلت خلاص بدخل جامعة اهلية منحة ومتحمسة للهرجة بس مازبطت بعدين فكرت في جامعات برا جدة ومازبطت برضو


بعد هادا كلو اكتشفت انو يمكن انا ماانفع للطب يمكن ربي مو كاتبلي الطب كاتبلي شي احسن من الطب


وسرت افكر من دي الناحية والحمدلله دحين راضية بأي شي مهما كان صدقيني انا كنت زيك ياطب يا ولاشي وكنت ازعل لمن احد يقولي فكري في غير الطب بس دحين من نفسي سرت اقول طب مييييييين p:


انا مابقولك كدا عشان تيأسي او شي لا ابدا يعني انتي حاولي بالي تقدري عليه وازا ربي ماكتب قولي الحمدلله ^_^


ماتعرفي فين الخير لكي ودحين اقول لو كملت وماسحبت كان احسنلي بس برضو الحمدلله على كل حال


عشان كدا لاتزعلي نفسك وادعي ربنا انو يكتبلك الخير ومرا لاتيأسي شدي حيلك وتفائلي ومو مشكلة حاولي تقكري في تخصصات تانية ^_^


الله يوفقك ويكتبلك الي في الخير يارب ^_^

[عـآزفـ الكيـبورد ـة]

حبيبتي ,,

يمكن كلامي يكون قاسي نوعآ ما ,,

لكن شوفي كلما ضاقت فرجت ,, وربنا ما بيضيع أحد ,, وربنا بيحبنا كلنا ,,

بيفتح أبواب نتجاهلها بحكم ما نريدها مع ان يمكن فيها الخير ’,

ويغلق ابواب نتقطع ونبغاها بس ربنا ما اراد لانه يحبنا وهو العالم وحده بضعفنا وقوتنا ,,

لو كان فيها خير حبيبتي كان تسهلت لك ,,

الله العالم وحده بضعفنا وقوتنا فين ,, انتي حاولي تكتشفي نفسك مرة تانية ,,

وركزي بنقاط قوتك فين ,, واستخيري وربنا ما بيضيع احد ,,

بالتوفيق قلبي ,,

[JOojoO:D]

يعنــــــــــــــــــــي مافي طب صح :(
انا قلبي كان حاسس بس برضوا املي في ربي كبير و لو مادخلت خيرة بس منجد انا ابا ادخل طب
عارفة درجاتي نيلة منيلة بي ستين نيلة بس منجد دا حلم حياتي كلها
يا جماعة انا ما ابا غيروا من الدنيا حررام يروح كدا في الهوا حرام

[وليد الشريف]

عجز اللسان عن التعبير في الحقيقه انا من الناس اللي في البيت وعند الشباب
ينادوني دكتور وليد
على شان كذاااا اتمنى مااااحطمهم وادخل الطب لاكن مااادري كيف في جامعة الملك عبدالعزيز بصراحه مصعبينها بشكل غريب لاكن ماااقول الا حسبي الله ونعم الوكيل الناس اللي قبل السنه التحضيريه عايشين حياتهم واحنى لسى باااول المشوار وكرهنا الجامعه لاكن عند الله كل خير وطالما انو في سحااااب اكيد حينزل مطرررر