حملت الانجليزي 3 مرات

[Health]

المشاركة الأصلية كتبت بواسطة بدايتي المشكلة منك لانك ماتخصصتي على العموم الانجليزي مو مشكلة تحملينة معاك في التخصص اهم شي اذا نزل التسكين اختاري الكلية والقسم المرغوب وبعدها تقدري متى ما حبيتي تختبري انجليزي السنة الجاية او الي بعده ولا تيأسي واحد من الشباب اختبر انجليزي 7 مرات وفي الاخير تخرج ما شاء الله عليه شدي حيلك واتمنى لك التوفيق

اخوي شلون اتخصص والايقونه مانزلت لي
يعني كل البنات نزلت لهم إيقونة التسكين الا انا
كنت أتابع الاودوس بشكل شبه يومي لكن للأسف ما نزلت لي إيقونة التسكين

بالنسبه لصديقك اللي حمل الماده سبع مرات
الحمدلله طمنتني

[Health]

المشاركة الأصلية كتبت بواسطة أبو سليمان أعانكِ الله الحمد لله على كل حال بما انك اجتزتي مادتين هذا شي طيب الحين راح تتخصصين وسوف تكون الانجليزي مُرحًله من السنة التحضيرية يجب عليك ان تفكري في المستقبل وكيف تخططي لهذه المادة لكي تجتازيها أنا أنصحك بأربع طرق لكي تعديها : 1- خذي هذه المادة في بداية السنة يعني في الفصل الاول !! عشان الفصل الاول عندك وقت كبير للمذاكرة وتقدري تمسكين المذكرة من الان ومعك وقت كبير .. 2- في هذه المادة بالتحديد حاولي انك تعتمدي على الملخصات وليس الكتاب !! وانتبهي يوجد ملخصات كثيرة في هذه المادة وحاولي تبحثين في المنتدى هنا عن ملخصات مترجمة عن القرامر وهو اهم شي في الانجليزي وابتعدي عن الملخصات التي تشتت او غير مفهومة .. وسأحاول ان ابحث لك عن ملخصات .. 3- في الرابط بالاسفل يوجد مواقع لاختبار قدراتك في الانجليزي 101 و102 ركزي عليه . 4- خذي المادة على انك تستفيدي منها وليس على اساس نجاح ورسوب وراح تكون شهيتك مفتوحة أكثر للتعلم والمذاكرة .. عموما بالتوفيق لك نأتي الان للمواقع التي ذكرناها بالاعلى رقــــــــــــــــــــــ(1)ــــــــــــــــــــم رقــــــــــــــــــــــ(2)ــــــــــــــــــــم عندما تكون هناك جملة او كلمة تصعب ترجمتها اكيد الكل يعرف يستخدم الرابط التالي هنــــــــــــا طبعا هذه المواقع مساعدة فقط للطالب ا هنا بالاسفل رابط لـ(500) كلمة شائعة ومستخدمة بشكل واسع في المحادثات اليومية اذا عرفتها عرفت 70% من المحادثات اليومية(يعني تقدرين تفهمين اللي تسمعيه وتقرأيه) قسميها كل يوم عشر كلمات او اكثر مهمه مهمة جدا سواء استفتدتي منها في الدراسة او غير الدراسة لازم تحفظيها على الرابط التالي _______________________________________ هذي روابط مساعدة جمعتها من المنتدى اضغط هنا كمان هنا وفي النهاية اتمنى لك التوفيق والنجاح وإن استفدتي من ردي فلا اطلب غير الدعاء والسلام عليكم ورحمة الله

وعليكم السلام ورحمة الله
مشكور اخوي الله يجزاك الجنه
ان شاءالله راح اطبق كلامك
السموحه تعبتك وياي
الله ييسر لك جميع أمورك

[Health]

المشاركة الأصلية كتبت بواسطة إلهي لاتعذبني زي ماقالوا الاخوان تحملي الانقلش معاك في التخصص ومااتوقع فيه ضرراذا حملتي الماده اكثرمن مره ونصيحه مني حملي الملزمه من المنتدى وذاكري منها كل شيءلان الامتحان ماراح يخرج منها وراح تسهل عليك الماده وباذن الله تعدي فيها والله يوفقك يارب

ان شاءالله .. صراحه ضاق صدري اكثر لأنهم يقولون انا السبب لأني ما تخصصت
المشكله اللي اعرفه على حسب كلام المشرفين ان التخصص عن طريق ايقونه لكن انا مانزلت لي الايقونه
اللهم امين
مشكوره أختي ماقصرتي

[Health]

المشاركة الأصلية كتبت بواسطة المميــــز بعد كم يوم راح يتحدث الاوديس وراح يطلع لك ايقونة التخصص ماعليك الا تضغطي عليها وتطلبين التخصص اللي حابته ولاتهم الماده عادي تروح معاك في التخصص وتوجيهات ابو سليمان جدا ممتازه ولكن نظام الجامعه عند الرسوب في الماده 3 مرات متتاليه طرد ولكن ماعليك من الناحيه هذي لو لا سمح الله جاك طرد تروحين لهم وتطلبين فرصه ويعطونك الامر عادي بالنسبه لي انا ارى انك اذا تخصصتي ومشت امورك لا تضيفين الماده ابدا الا اخر ترم لك في الجامعه وعندها تشدين حيلك فيها واذا لم تنجحي لاقدر الله تروحين لشؤون التعليميه وتسحبين الخطه الدراسيه حقتك واذا شافو انك خريجه ولاعندك الا هالماده عدلو درجاتك وقالو امسكي الباب لانشوفك مره ثانيه بالتوفيق

اممم والله حيرتوني انت تقول بعد 3 مرات طرد وأخوي اللي رد قبلك يقول صديقه حملها 7 مرات

---
مشكور اخوي ماقصرت يعطيك العافيه

[Atho0or]

الله يوفقك اختي ^^

[Health]

المشاركة الأصلية كتبت بواسطة سلطان الدوسي لاتشيلين هم ماده سهله اهم شئ القرامر وكتاب الفلوكابلوري لان اغلب الاسئله منه وتحصلين حله هنا وبالتوفيق .. وزي ماقالوا لك الاخوان تخصصي ونزليه اخر ترم وفالك التوفيق

ان شاءالله
مشكور اخوي ماقصرت

[Health]

المشاركة الأصلية كتبت بواسطة atho0or الله يوفقك اختي ^^

اللهم امين جميعا يارب