لعيونكم كما وعدتكم الشرح الممل للآلة الحاسبة في حل نموذج نهائي للرياضيات / حياكم

[إحساس ناجح]

مساء الخير على الجميع كما وعدتكم شرح الآلة بالتفصيل الممل راح أبدأ على طول أشرح سؤال سؤال ترى مو مذكر بعضها أنا نزلت نموذج في المرفق وراح أشرحه الآلة اللي راح أشرح منها هي fx991 es plus وهي مو ممنوعة أنا إستخدمتها من الإنتساب العام الماضي إلى هذي السنة في التخصص راح أبدأ السؤال الأول سهل حط الرقم (ـ1) مكان X وإحسبها بالآلة يطلع الناتج فقرةA إنتبه العدد اللي تعوضه حطه في قوس علشان مايلخبطك السؤال الثاني زي مو شايفين إنو فيه تكعيب كعب 3 يطلع 27 وكمان من قوانين الأسس تضرب الأسس اللي في القوس بالأس المرفوع يطلع x مرفوع ب9 والy مرفوع ب6 الفقرة D السؤال الثالث معادلة من الدرجة الثانية دائما المعادلات نقسمها إلى حد أولx وحد ثانيy وحد ثابت ( الرقم ) في الكتاب في تعويض وكلام كثير أختصر عليك الحل بثواني شوف الآلة فوق على اليمين في زر مكتوب فوقه mode إضغط عليه مرة وحدة يطلعك أقسام كثيرة إضغط 5 يطلع لك أربع أقسام إضغط 3 يطلع لك a . b .c هدي الثلاثة هي الحد الأول والثاني والثابت يعني اكتب الرقم اللي قبل x و y والحد الثابت مكان a . b .c بالترتيب اكتب الرقم حق x واضغظ = والباقي مثله انتبه إكس مو مكتوب قبلها شيء هذا يعني تكتب 1 بعد ماتحط كل الأرقام اضغط = يطلع لك x1=5 اضغط يساوي مرة ثانية يطلع لك x2=3 إعكس اشارات ال 5و3 يعني خليها بالسالب يطلع لك الفقرة D ملاحظة حتى لو جاك الرقم الثابت (15) بعد يساوي حطه كمان بشرط مايكون فيه رقم قبله وراعي الإشارات وعلامة السالب موجودة على يسار الآلة في النص بالشكل التاي (-) السؤال السادس الحل فقرة c الشرح مثل اللي فوق السؤال الثامن المفروض الكسور تضمن درجتها لأنها تافهة المهم على يسار الآلة في زر مرسوم عليه مربعين فوق بعض اضغط عليه ينزل لك كسر حط أرقام الكسر الأول بعدها حط إشارة القسمة وبعدها على زر الكسر وحط أرقام الكسر الثاني وإضغط = الحل فقرة b السؤال التاسع اكتب الكسر زي ماهو موجود واضربه ب100 واضغط يساوي الحل فقرة a وأظن في الكتاب في جدول الكسور وكل كسر إيش يمثل بالنسبة المئوية السؤال العاشر اضغط على زر الجذر موجود في وسط الآلة تحته مربع أبيض افتح قوس وحط الرقم بإشارته وقفل القوس واضغط زر التربيع يمين زر الجذر واضغط يساوي الحل فقرة c السؤال الحادي عشرة هذا السؤال يعتمد على القانون الموجود في الكتاب في حال جاك سؤال زي كدا والأس سالب تنزل مابين الأقواس في المقام وتحط واحد في البسط أنصحك ترجع لقانون هذا المثال الحل فقرة a السؤال الثالث عشرة تضرب 2 في 4 والأسس في حالة الضرب تجمع حسب ماهو موضح عندكم بالمنهج يعني تجمع 2و3 يطلع 8أس5 الحل فقرة a السؤال الرابع عشرة سبق وشرحت الكسور السؤال الخامس عشرة السؤال دا يحتاج تركيز أول شيء نطلع الجذر التكعيبي لل8 كيف اضغط زر shift فوق على اليسار بالركن وبعدها إضغط زر الجذر يطلع لك زر الجذر التكعيبي حط 8 وإضغط = يطلع 2 كدا طلعنا أول حل بعدين علشان نطير الجذر نقسم 3 ( الأس اللي فوق الجذر ) على الأسس اللي تحت الجذر يطلع الحل فقرة b السؤال السادس عشرة هذا المثال شكلو كدا يخوف بس راح نحله بالآلة شايفين زر on على اليمين تحتو في زر log مرسوم في مربعين اضغط عليه يطلع لك مربع صغير ومربع بالقوس حط في القوس رقم 81 والمربع الصغير جرب تحط الإختيارات واحد واحد واضغط = اللي يطلع 4 هو الصح الحل فقرة a السؤال السابع عشرة جدا سهل حط الأرقام في جهة والمتغيرات في جهة يعني إنقل 1 عند ال 10 وغير إشارته يعني يكون 10-1=9 هذا الطرف حق الأرقام علشان نطلع الx نقسم الطرفين على معامل x اللي هو 3 الحل فقرة b السؤال العشرين صراحة مو متأكد حط الأرقام في جهة والمتغيرات في جهة واجمع حسب الإشارات وبعدين اقسم على معامل إكس أنا أتوقع فقرة D إرجع للكتاب موجود بطريقة أوضح السؤال الثاني والعشرين خطأ لأنو حط الناتج في ال5 مفتوحة وال1 مغلقة وهي عكس السؤال الثالث والعشرين درس الفرق بين المكعبين إرجع احفظ القانون كتوب بالنص في الكتاب وشوف هو سواها صح ولا لا السؤال الرابع والعشرين كيف هو دمج الجذرين الجذر الصغير الأس تبعه رقم 3 والأس الكبير مو مكتوب وفي الأساس لايكتب هو رقم 2 وتذكرو في حال الضرب نجمع الأسس 3+2=5 أعيد الجذر اللي ماعليه رقم يعني 2 من السؤال 25 إلى 28 إرجع افهم قوانينه في الكتاب السؤال التاسع والعشرين اللي قلت لك هو في السؤال 23 سويه هنا كمان السؤال الثلاثين قانونه موحد بالكتاب السؤال الواحد والثلاثين خطأ لأنو ضرب 3x في القوس كامل الأولى صح الثانية المفروض تطلع 27x مو9x السؤال الثاني والثلاثين أول شيء إفتح الأقواس يعني إذا جيت تحسبها بالآلة لاتكتبها زي ماهي . طلع الناتج اللي في الأقواس يطلع 24 قسمة 4 = 6 وقسمة 6= 1 الناتج صح السؤال الثالث والثالث في رسمة لهذا المثال في الكتاب اطلع عليها وراح تعرف الحل من 34 إلى 40 يعتمد على حفظك للقوانين في الكتاب وشرح دروسها ملاحظة هامة جدا في استخدام الآلة الحاسبة بعد كل سؤال اعمل تصفير للآلة لأنو تتداخل الأوامر ومايعطيك نتيجة صح كيف نعمل تصفير اضغط shift وبعدها رقم تسعة يطلع لك ثلاث أرقام منها 3=all اضغط 3 وبعدها اضغط = مرتين كدا تصفرت الآلة طبق هذا الإستخدام في الآلة على نماذج ثانية علشان تكون سريع في الحل وتكون محترف واحفظ وافهم قوانين الرياضيات في الكتاب والنظري كمان وبإذن الله نصيبك الإمتياز

[motr]
أخوكم
إحساس ناجح
منتسب وللعلم ملتزم
دعواتكم لي بالتوفيق
[/motr]

[شخص ثاني]

الله يعطيك العافيه واكيد راح نستفيد منها جميعا


وانا اول المستفيدين


شكرا احساس

[989898]

منجد استفدت الله يعطيك العافيه
انا من الناس الي نزلوا مواضيع في الاله وانوا ماعرفت استخدمها وانت ماقصرت معانا وكنت عند كلمتك موفق بـأذن الله

[m!Ss.7lawa]

ربي يسلمكـ احساس ناجح ..
بس لو سمحت أبي أسأل ..
الأسئلة اللي انت حآلهآ من وين ؟؟؟
:)

[mo mo8em]

الله يعطيك العافية اخوي

الله يكتب اجرك ويسعدك

[Naif Aljohani]

الله يوفقك ويبارك فيه

مشكور على الشرح

[رشة سكر]

يعطيك ربي الف عافيه وسهل الله عليك امورك وجعله الله في موازين حسناتك
وجزاك الله الجنه
مشكووور

[إحساس ناجح]

المشاركة الأصلية كتبت بواسطة m!ss.7lawa ربي يسلمكـ احساس ناجح .. بس لو سمحت أبي أسأل .. الأسئلة اللي انت حآلهآ من وين ؟؟؟ :)

الأسئلة في المرفق موجودة

[solaaa]

الله يسعد قلبك ويريحك من جد استفدت

بس ياااارب تدخل الآله معانا ومايمنعوها

ادعوا يابنات ....

تقبل شكري وتقديري اخي إحساس ناجح ^_^

[إحساس ناجح]

للأسف إكتشفت إن واحد سرق تعبي ونسب الموضوع له في منتدى آخر