طالب طب جامعة الملك عبد العزيز محتاار في التحويل ارجو الافااده يا اخوااني

[Dr:D7moOon]

السلاام عليكم ورحمه الله وبركااته

اخواني الكراام
انا خلصت السنه التحضريه في جامعه الملك عبدالعزيز الحمد لله واتقبلت طب عاام بس المشكله انه في راابغ


ففكرت انه احول لجاامعه خاصه ابن سنا او البترجي
بس محتاار ايش افضل شهااده وايش افضل من نااحيه الدرااسه وايش افضل واسهل في الدراسه يعني هل الخاصه متسااهلين اكثر او انه اصعب

وهل السنه التحضريه بتحسب ليا طبيعي وببدا ع طول سنه اولى طب؟ام انو في اجرائاات قبلهاا

وفي الاخير اتمنى نصيحه من اخواااني انا محتاار طب او طب اسناان

اخوكمdr.d7moon شاكر لكم اتمنى مايكون مكان الموضووع غلط

[مـــآجد]

هلآ اخوي
كلية ابن سينا مافيها سنة تحضيرية تدخل بخشم الريال ع التخص اللي تبغا
اما البترجي فيها سنة تحضيرية وع حسب معدلك تدخل

لكن نصيحتي لك
لاتسحب من الجامعه وخلك في رابغ سنة وحوول
انا من ناحيتي انقبلت برابغ
برووح ادرس فيها سنة بشد حيلي اذا شفت الوضع ناسبني من ناحية الدراسة ومن ناحية السكن بجلس فيها

[رازن]

اقول احمد ربك يجيك الطب على طبق من ذهب وتقول اب سينا والبترجي وكلنا بالهوا سوا انت جرب واذا عجبت كمل واذا ما اعجبتك برضوا كمل لانه لو تحسبها صح بيطلع طب رابغ افضل من كل النواحي

[Dr.Raid]

[color="blue"]أعتقد[/color] ان التسجيل في ابن سينا والبترجي قفل
لست متأكد ولكني انصحك بأن تبقى في رابغ
وشد حيلك وجب معدل طيب وحول لفرع الجامعة
فكر فيها صح من جميع النواحي

[surgeon]

اخوي شوف انا انصحك

انك تمكل عصفور باليد ولاعشره ع الشجره

وبعدين حتى لودخلت كليه اهليه ترى التحويل بعدين بيصير صعب او شبه مستحيل


وبالاخير اقول لك ((استفتي قلبك وان افتاك الناس))

سرجون

[مايسترو المشاعر]

زي ما قالو الشباب عصفور باليد ولا 10 ع الشجره...

ورابغ حلوه وجوها جو دراسه لا زحمه ولا رجت جده ....درست فيها تحضيري وراح اكمل طب

تقبل مروري ....

[LLLLLLLLLL]

ياخوان هل يوجد سكن في فرع شمال جده خاص بالجامعه

[طالبة تقنية]

[والله العظيم انصحك كما انصح نفسي وبكل أمانة :النصر صبر ساعة وخذ نصيحة اخو انك ولا تفصل زي ما قالوا الشباب
اصبر وشد حيلك السنة الاولى وبعدين حول ولا تشتت عقلك بشي انت ما تدري عنه ولا احد ضامن المستقبل

[مـــآجد]

المشاركة الأصلية كتبت بواسطة طالبة تقنية [والله العظيم انصحك كما انصح نفسي وبكل أمانة :النصر صبر ساعة وخذ نصيحة اخو انك ولا تفصل زي ما قالوا الشباب اصبر وشد حيلك السنة الاولى وبعدين حول ولا تشتت عقلك بشي انت ما تدري عنه ولا احد ضامن المستقبل

ولآ واحد قال له افصل

اقري الردود بعدين اعرفي ويش تكتبين

بالتوفيق للجميع

[A N G E L]

مبرووك اولا :)
ثانيا
ما انصحك صراحة تروح ابن سينا ولا البترجي انت الحمد لله انقبلت في الجامعة لكن فرعها اللي برابغ
ترى احنا فرع الجامعة بجدة واللي برابغ ندرس نفس المنهج بالزبط
يعني اللي يتخرج من هناك .. نفس اللي يتخرج من هنا
اللهم المنشئات لسه ما كملت يعني لسه جديدة عشان
انتا لو تروح تاخدلك طلة يكون احسن :)
موفق ان شاء الله