وووخلصت الاختبارات d=

[butterfly)~]

الحمدولله خلصنا اختبارات

ومبرووووووووكيشن لناا حسيت الثلاث اسابيع مشيت بشووووويش بس اهم شي انها مشيت :")

يلا بما اننا ارتحنا ونزلت معظم درجاتنا وشوفنا الاستاذات واسئلتهم خلينا نهرج عنهم شويتين من وجهة نظرنا

انا حبدأ (( انا دا السميستر اخذت كل مواد التخصص الثمنيا وحهرج عن استاذاتي والمواد

مادة مدخل عام في التربية .. اخذتها مع د.عالية الخياط
ماحبيت المادة كانت حفظ xحفظ بس الله يسعدها دكتورتنا كانت تجنن في التعامل والشرح واسالتها شويتين دقيقه وما تعطي بونس بس الحمدولله ماشلت هم الماده كثير

نظام التعليم مع د.مها خوقير
برضو دي الماده حفظ بس مرررره سهلتها لنا واختباراتها مرره حلوه وفيها بونس بكميه معقوله والحلو في دي الدكتوره انها مننظمه مرره وحقاانيه ومررنه في نفس الوقت ((اذا قلنالها حذفي تحذف

مقدمة في التربية الخاصة كنت مع د.هبه الهريمي
دي الدكتورة يسسسعدها ربي دووونيا واااخره ليت كل دكاترتنا زيها اخلاق واسلوب وشرح ونشاطها بسيط واساله حلوه ومرونه وبونس ووووكل شي مرررره حبيت دي الماده من جد ما ادري كيف اتشكرها

تعديل سلوك اخذتها مع د.سميرة ابكر
ااااه تعبتنا معاها في كل شي في الدوري والانشطة والدرجات وحتى شرحها ماكان يعجبني والله يهديها كل شويتين لها كلمة ابد الى اليوم ماثبتت ع كلمة وحده بس الحمدولله في النهاية فرحتنا ((طبعا اليوم ماخرجت من غرفتها الين ما اعطتني الدرجه الكاملة في النشاط والدوري الله يهديها ماتصحح كويس بس دام تساهلت ورضيت اننا نناقشها يسعدها ربي

اضطرابات تواصل مع د. سمر جرادات
ابد مااحبيت الماده وصح اسالتها فيها فراغات ومدري ايش بس الحلو فيها تراعي وتتساهل مرره في التصحيح وكويس منها اعطتنا عروض ولا كان حوست مع الكتاب الووع

النشاط المدرسي مع د.خيرية بنجر
الماده سهلة وحلوه ومع خيرية احلوووت اكثر اختباراتها سهلة والكمية اللي نذاكرها قليله وحلوه وعندها بونس يعني مرره شي

الحاسب في التعلم مع ايمان الشريف
دي الاستاذه ابد ما تنحب اخلاقها تجاااارية لابعد الحدود بس يلا اسالتها وشرحها وانشطتها مررره حللوووه

تقنيات التعليم.. مع د.مي النجمي
شرحها حلو وانشطتها برضو حلوه واختباراتها الدوريه سهلة بس النهائي ااابد مااعجبني ومدري البونسات اللي كانت حاطتلنا هيا وين طارت درجاتنا معاها مرره لا وكمان نقصتنا في الانشطه وماراعت فيها ((مو زي ما اتوقعنا ..وراعت كم بنت والبقية لا بس يلا الحمدولله ع كل شي

[حربية]

الـــــــحــــــــمــــــــد لله ،، وأخييييييييييييرا ،،




إذا أبغى أهرج عن الدكتورات فاللي راح أقولها كلمتين :


تــــووووووووووووووووبـــة >> آخذ مع سميرة أبــكــر & مـنـى الـــفــضــلــي




عقبال ما تنزل الدرجة سميرة خلاص تعبت و قرفت

[حربية]

مع ألـــف ســلامـــة ... أشــوفــكــم ع الــتـــرم الــثـــانـــي إن شـــااااء الله ،،


بـــالــتــوفـيــق ^^

[طموح أنثى ..]

نظام التعليم مع د.مها خوقير
مررررررررررررررررررررررررا ظلمتني نقصتني درجات بالهبل ومو راضية تعدل الدرجة لياا <<غلطتي لمن قلتي حقااااانيه وصرآحة انصدمت منهآ صدمة كبيررة

مقدمة في التربية الخاصة د.رائدة
شرحهآ تمآم بس المحاضرة مملة واختباراتها جدااااااااا صعبة تجيب أشياء مو بالكتاب

تعديل سلوك اخذتها مع د.بثينة
الكتاب 12 باب ما شرحت غير البابين الاولى او ال 3 الابواب الاولى والباقي من شرح البنات وأسئلتهآ مو سهلة دقييقة جدااااا وتحب شيء اسمو علماء


اضطرابات تواصل مع د. سمر جرادات
الله يسعدهآآآآآآآآآآ يارررب ،، صراحة المادة ممتعة معاها واسئلتها حلوة بس هيا تحب الفراغات كثيررر ان شاء الله لو نزلتلي معاها أي مادة باخذها

النشاط المدرسي مع د.ابتسام البنيان
صرآحة مصعبة المادة مع ان المادة جدا سهله واسئلتها مقاااااالية وتحب التعليلات وتجيب اسئله عالفهم بس النهائي كان سهل نوعاً ما لكن الدوريات جبنا العيد



الحاسب في التعلم مع ايمان الشريف
المادة حلوة بس اسئلتها نوعاً ما دقيقة لكن بشكل عام كوويسه


تقنيات التعليم.. مع أ.هند خليفة
الله يسعدهآآ المآدة حلوة وشرحهآ حلوو واسئلتها سهلة


ثقافة اسلامية.. أ.فاطمة
الله يسعدهآ اسئلتهآ حلوة وسهلللللة ومسهله المادة بس مدري ليش جبت العيد فيها


وبالنهاية اقول تووووبة اخذ مع أ.رائدة & د.بثينة & مهآ & د.ابتسام

[butterfly)~]

المشاركة الأصلية كتبت بواسطة حربية الـــــــحــــــــمــــــــد لله ،، وأخييييييييييييرا ،، إذا أبغى أهرج عن الدكتورات فاللي راح أقولها كلمتين : تــــووووووووووووووووبـــة >> آخذ مع سميرة أبــكــر & مـنـى الـــفــضــلــي عقبال ما تنزل الدرجة سميرة خلاص تعبت و قرفت

يب يب حتى انا توووبه اخذ مع سميرة لاني بجد تعبت نفسيا معاها بس الحمدولله ع كل شي

وع فكره اليوم حتنزل درجاتنا في التعديل هي صححتها خلاص وشفتها تهندس ع الاودس وانا خارجه

ويلا ان شاء الله تفرحي ونفررح بدرجاتنا

[butterfly)~]

طموووح

احس كل استاذاتك ماتوفقتي فيهم وماناسبوكي كويس انك عديتي

مها خوقير برضو سمعت في بنات نقصو في مادتها كثير اكثر من مايتوقعوا بس ما كنت ادري انكم رحتو

لها ومارضيت تعدل شي ((طيب هي شافت وراجعت اوراقكم ولا لا ؟؟ وليش ماروحتي لمشرفة القسم ؟؟

ولمن قولت حقانية لانو من جد شفتها في كدا موقف وكمان درجتي اللي اعطتني اياها استحقها معني قلت

امكن ها تراعي من هنا او هنا

[طموح أنثى ..]

تخيلووووو نقصتني 15 درجة حقت النشاط ..!!!!

انا رسلتلها مرفق غلط وهيا ما نبهتني لدا الشي ورسلتلي تم وصول الايميل مع الشكر

ولمن شفت درجتي بالنهائي انصدمت 79 المفروض اخذ 94 شايفه الفرق !!!!!!!!من a ل c

رحتلها وكلمتها بالبداية وافقت وقالت بس النظام قفل من عندي روحي لدكتوره امنه او عالية وانا متاكده محى يرضو يفتحوه 100%

دكتوره عالية قالت اعتقد انو قفل من عندي وجلست تحاول وتحاول مو راضي قالت خلاص رروحي لدكتوره امنه

رحت لدكتوره امنه قالتلي الغلط عليكي وبعدين اللي قلك دي المعلومة غلط انا مو من عندي افتح النظام واذا تبغي تعدليها لازم تجيبي نموذج تعديل درجة من دكتوره مها وبعدين اروح الشؤون وبعدين العمادة وبعدين مدري فين الهرجه طويله

ولمن رحت لدكتورة مها قالتلي دحين تبغيني اعدلك 15 درجة !!!!!!!!!!!!! طيب هيا مو من اول قالتلي مستعده اعدلها وقالتلي متاكده انو هما وافقو يعدلوها كيف وافقو ؟؟؟ قلتلها ايوا وافقو قالتلي انا مستعده بس ارفعك درجه وحده تسيري 80 لانو حرام اعدلك والبنات الباقيين الا اذا البنات كلهم عدلتلهم درجاتهم فما راح اعدلك غير درجه وحده

وبعدين راحت لدكتوره عالية وجلست تكلمها وبعدين خرجتلي دكتوره مها قالتلي انتي ماقلتيلها السالفه كويس وتصررررررررررخ عليا قلتلها الا قلتلها السالفه كلها !!

قلتلها مو انتي قلتيلي مستعدله تعدليلي الدرجه لو انهم وافقو يفتحو النظام وتقولي لا تقوووولي اني انا قلت كدا ولا اشتكي لدكتوره امنه على ايميلاتك انها هنا انصدمت منها كيف تقول كدا !! بتهددني

الايميل اللي رسلتو ماسبيتها فيه ولا شتمتها انا كتبتلها انا متاكده اني رسلتلك هوا الايميل وصورت ردها وحطيتو بالمرفق وكتبتلها دآ الدليل انو رسلتو لكي وكتبتلها اذا تبغيني اوريكي هوا افتح ايميلي وتشوفيه
>> عارفه اني غلطت لمن كتبت كدا بس مع صدمة الدرجة

بعد مارسلتو اكتشفت اني انا غلطانه لمن فتحت المرفق لقيتو حق مادة ثانيه ورسلتلها ايميل وتاسفتلها ورحت مكتبها وتاسفت منها وهيا قالتلي خلاص اعدلها لو وافقو يفتحو النظام بعدين غيرت رايها

المهم بعدين دكتوره عاليه قالتلي ليش ما تكلمتي من بدري قلتلها لانها مانزلت الدرجات الا قبل يومين المفروض تنزل باعمال السنه >> انا جابوت ع سؤال دكتوره عالية وهيا عصبت مني دكتوره مها تقولي دا شغلي ماتدخلي هوا اللي بقى انتي تعلميني شغلي وتصرخ مدري ايش تقول

قامت قالتلي انتي ماقلتيلها السالفه صح
قلت لدكتوره عاليه مو انا قلتلك انها مستعده تعدل درجاتي ودكتوره عالية هزت راسها
قامت دكتوره مها قالت انتي ماقلتيلها انو الغلط عليكي
اول شي دكتوره عاليه عارفه انو الغلط عليا
ثاني شي سواء قلتلها الغلط عليا او ماقلتلها هذا ما دخلو بالموضوع دام انو دكتوره مها قالت حعدلك الدرجه

اصلا هيا من البدايه ماتبغا تغيرها ليا بس تبغا تممرمطني

وجلست تصرخ ومدري ايش قلتلها كلمتين وخرجت

هآذي السالفه كلها بس حسبي الله ونعم الوكيل

لو انها من البدايه قالت مابغا اعدلها ماكان زعلت قد ما زعلت دحين لانها وعدتني بالبدايه

ومع أني رسلتلها قبل اسبوع الاختبارات دكتوره ممكن اشوف درجتي النشاط ماردت على ايميلي
لو اني مو مهتمه ماكان رسلتلها كدا

[l0o0la]

المشاركة الأصلية كتبت بواسطة butterfly)~ انا زيك نزلت نفس موادك :) مادة مدخل عام في التربية .. اخذتها مع د.عالية الخياط ماحبيت المادة كانت حفظ xحفظ بس الله يسعدها دكتورتنا كانت تجنن في التعامل والشرح واسالتها شويتين دقيقه وما تعطي بونس بس الحمدولله ماشلت هم الماده كثير (اول مرة اشوف دكتوره تشرح بضمير وهي تعبااانه زيها ربي يشفيها ويخليها لاحبابها ) نظام التعليم مع د.مها خوقير برضو دي الماده حفظ بس مرررره سهلتها لنا واختباراتها مرره حلوه وفيها بونس بكميه معقوله والحلو في دي الدكتوره انها مننظمه مرره وحقاانيه ومررنه في نفس الوقت ((اذا قلنالها حذفي تحذف ( حسبي الله ونعم الوكيل ) مقدمة في التربية الخاصة كنت مع د.هبه الهريمي دي الدكتورة يسسسعدها ربي دووونيا واااخره ليت كل دكاترتنا زيها اخلاق واسلوب وشرح ونشاطها بسيط واساله حلوه ومرونه وبونس ووووكل شي مرررره حبيت دي الماده من جد ما ادري كيف اتشكرها ( الله يسعدها هذي الدكتوره والله الماده من ادسم المواد بس سهلتها علينا ومو زي بعض الاساتذه حذفوا من الماده العلمية نفسها لااا اعطتنا الابواب كلها بس بس حذفت الاشياء اللي ماتهمنا وفهمتنا في التخصص كله واعطتنا تجارب من واقعها مااقدر اقول الا الله يسعدها في الدارين ) تعديل سلوك اخذتها مع د.سميرة ابكر ااااه تعبتنا معاها في كل شي في الدوري والانشطة والدرجات وحتى شرحها ماكان يعجبني والله يهديها كل شويتين لها كلمة ابد الى اليوم ماثبتت ع كلمة وحده بس الحمدولله في النهاية فرحتنا ((طبعا اليوم ماخرجت من غرفتها الين ما اعطتني الدرجه الكاملة في النشاط والدوري الله يهديها ماتصحح كويس بس دام تساهلت ورضيت اننا نناقشها يسعدها ربي ( حسبيييييي الله عليها ونعم الوكيل توووبه اخذ معها مره ثانيه ونصيحتي للباقين لاتاخذوا معها والله تقعدوا في حاله نفسيه سيئه من بايه السمستر لما نهايته والله لما اخرها اليوم بس الحمدلله ع كل حال قدر ربي مانعترض عليه ) اضطرابات تواصل مع د. رشا االمغذوي استاذه ولا اروع والله مااحسن من هبه الا هيا ربي يسعدها والله لو ماهي هيا بعد الله ماكنا فهمنا الماده وتعرفوا الماده مرا دسمه واحلى شي انك تخرجي من عندها فااااهمه ربي يسعدها في الدارين ) النشاط المدرسي مع د.خيرية بنجر الماده سهلة وحلوه ومع خيرية احلوووت اكثر اختباراتها سهلة والكمية اللي نذاكرها قليله وحلوه وعندها بونس يعني مرره شي ( دكتوره رائعه بسيطه حقانيه مسهله الماده ربي يسعدها في الدارين ) الحاسب في التعلم مع ايمان الشريف دي الاستاذه ابد ما تنحب اخلاقها تجاااارية لابعد الحدود بس يلا اسالتها وشرحها وانشطتها مررره حللوووه ( رائعه اكثر شي ينرفزها الكلام في المحاضره و عدم الالتزام بالمواعيد غير كذا فهي جيده ) تقنيات التعليم.. مع د.مي النجمي شرحها حلو وانشطتها برضو حلوه واختباراتها الدوريه سهلة بس النهائي ااابد مااعجبني ومدري البونسات اللي كانت حاطتلنا هيا وين طارت درجاتنا معاها مرره لا وكمان نقصتنا في الانشطه وماراعت فيها ((مو زي ما اتوقعنا ..وراعت كم بنت والبقية لا بس يلا الحمدولله ع كل شي

( صراحه عشت معاها حاله نفسيه صعبه من البدايه لانها قعدت ساكته لما بدأ الترم يخلص فأختبرتنا دوري اول ودوري ثاني وطلبت منا كل الانشطه وو في وقت صراحه مرا غلط :(
بس الحمدلله كانت جداً متساهله في الدرجات وصدق من قال انها تعطي درجات جزاها الله خير )


والحمدلله كماينبغي لجلال وجهه وعظيم سلطانه انتهى الترم الاول بخيره وشره والله يباركلنا في اجازتنا :))

[AIM]

الآن إذا انسلب حق سهرت الليل والنهار عشانو
ومصعبينها عليا من كل جهه , وين أروح ؟ لمين أروح عشان يرجع لي ( حقي ) ..؟؟
نقصت درجات كثثثيره في مادة كنت متأكده اني بجيب فيها a+
ارسلت للدكتورة على ايميلها ماردت , مريت ع مكتبها مرات كثيرة ما لقيتها
, اليوم مريت ع مكتب الدكتورة آمنه بفهمها الهرجه ما لقيتها
قولوا لي وين أروح ؟؟؟ أنا بكرا بحاول أروح وأمري لله وحسبي ونعم الوكيل وكففففى !!!!
أروح عند مين بكرا إذا ما لقيت الدكتورة آمنه ؟؟؟

[BooooM]

المشاركة الأصلية كتبت بواسطة aim الآن إذا انسلب حق سهرت الليل والنهار عشانو ومصعبينها عليا من كل جهه , وين أروح ؟ لمين أروح عشان يرجع لي ( حقي ) ..؟؟ نقصت درجات كثثثيره في مادة كنت متأكده اني بجيب فيها a+ ارسلت للدكتورة على ايميلها ماردت , مريت ع مكتبها مرات كثيرة ما لقيتها , اليوم مريت ع مكتب الدكتورة آمنه بفهمها الهرجه ما لقيتها قولوا لي وين أروح ؟؟؟ أنا بكرا بحاول أروح وأمري لله وحسبي ونعم الوكيل وكففففى !!!! أروح عند مين بكرا إذا ما لقيت الدكتورة آمنه ؟؟؟

الله يعوضك خير ياااارب
والله حقك مايضيع ان شاء الله
واذا ماخدتيه في الدنيا بتاخديه في الاخره
برايي اذا مالقيتي دكتوره امنه روحي لأستاذه ثريه كم مشكله رحنالها وحلتلنا هيا الله يسعدها واذا ماقدرت تحلها بتوصلها لدكتوره امنه