انا الغريق فما خوفي من الغرق .. صور حادثه جده 23/2

[So0o0o0my]

السلام عليكم ورحمه الله وبركاته

اهني كل من نجى امس من اللي صاار بسبب الامطار الغزيرة واقولو حمد لله عالسلامة

وانتو قولولي حمد لله عالسلامة لاني دخلت في نفق الملك عبد الله رايح على بيتي مخلص اختبار هيماتولوجي وزي العسل الاختبار الحمد لله متجه على البحر

وطبعا النفق كالعاده غرق بس انا رحت في بدايه الغرق والحمد لله اني قدرت اطلع وكثير سيارات وقفت

كان الله بعوونهم اانا وانا ماشي في النفق على سرعة 10 جالس ادعي واقول يارب اطلع ساالم بس

والحمد لله طلعت وكويس اني حركت من الجامعة 12 يمكن لو شوية اتأخرت كان مالحقت اطلع من

النفق وكان احتجزت زي مااحتجز الجميع ولد عمي مادخل البيت الا الساعة 3 الفجر انا جالس تحت

في الجو البارد وهوا دوبو جاي ولا مشي على رجلو

الله يكون بعون اللي ساكن في مخطط ام الخير او حي النسيم ورجال الامن والدفاع المدني ماقصرو والله الين الساعة 3 الفجر وهما يشيلو في الناس وحتى يشيلو بنات المدارس بالهلووكبتر

ويشيلو الي ساكنين في مخطط ام الخير كمان

ياناس والله حرام سنة كامله على ذكرى السيل الي جا المفروض بدال مايسوو كباري وانفاق زي وجيهم المفرووض يعملو تصريف في جده كلها خلي الناس تزدحم ولا انها تموووت قال يبغو يعملو كباري لفك الازدحام
اول شي حلو ازمه التصريف ياعالم

لاحياة لمن تنادي ...

قفله:

تحياتي لملك الانسانية الملك عبد الله والله يكون بعوونك ياللي جواك احساس وياللي بتخاف على الناس وياللي بتحس بغيرك لو حتى ماحس غيرك وعلى وقووفك مع الشعب وتوفير جيمع الاحتياجات وااعانه المتضررين

دمت لنا

تحياتي هيثم (F)


اتركم مع الصور:



















دا قريب من بيتي

[حلا الحلوه]

الكارثة بتتكرر للمره الثانيه ولا حياة لمن تنادي

اسفه ع الدخله الغلط بس وربي اشوف صور امس مني مصدقه افكرها صور السنه الي فاتت

مني قادره استوعب


حمد لله على سلامتك يا دكتور

[So0o0o0my]

الله يسعدك ويسلمك دخلتك حلوة زي اسمك

بس والله اللي يصير شي مااحد يقدر يتحملو من جد بدال الكباري اول شي سوو تصريف زي الناس من جد خلي الناس توقع في زحمه ولا انها تموت


ربي يسعدك

دمتي لمن تحبي (f)

[hamada so0okkar zeyada]

والله منجد الحمد لله على سلامتك.....
النفق دا خلاص شؤم وقت المطرة لا تفكر تعدي منوووو....
والحمد لله اني حركت بدري انا كمان وقت المطرررة الأليمة على 11 الحمد لله
والمطرة اللي جات كميتها اكتر من السنة اللي فاتت <<<على فكرة يعني .......
واحتمال كمان تنزل أمطار في الأيام الجية الله يستر ....

[Amal.S.A]

الله ينتقم من كل ظالــم ..
مرة الحال ماينسكت عنه ..
أختي من 7 الصباح لـ 8 الليل محتجزة في مدرسة أستاذة فيها .. وولدها عندنا لسه عمره 3 شهور يعني كل هذا الوقت أمه غايبة عنه .!!
محد يفهمه غيرها وانا لسه ماعندي خبرة والولد يبكــي ..حراام قطع لي قلبـــي ..

وأختــي الثانية في دار الحكمة ليــن 10 الليل .. وخرجت عشان بيتنا قريب نوعا ما ..لكن باقي البنات باتوا هناك لما اليوم ..
وشوفوا المهزلة اللي صارت .. وأختي مصورتها ..
تخيلوا جات هليكوبتر وفرحوا البنات وينطنطوا من الفرح إلا بكل وقاحة يقولوا هذه مو لكم هذه لوحدة special !!!!!!!

وطلعت لمـين .. لأميرة ..ودخلوا البنات جوت المبنى عشان لايشوفوها ويعرفوها ..عارفين يمكن يقضوا ع الهليكوبتر بكبرها من القهر والظلم ..
لين متى يفرقوا ..يعني ايش أميرة ..؟يعني هيّ بشر بس ..؟! ولا هيّ بس اللي أهلها يخافوا عليها ..!!

والله ماأسامحهم على كل دمعة نزلت على خد أمي من خوفها على بناتها ..ولا على قلقها وخوفها وتوترها الله لايسامحهم ..

وعلى حكاية اصرارهم انه فيه اختبارات ..
ولد أخويا في كندا جاتهم عاصفة ثلجية ..من قبلها بـ 3 أيام قالوا مافي دوام لا مدراس ولا كليات ولا غيره ..
واحنا .. في عز المعمعة والناس تختبر وناس غيرهم في الطريق جايين يقولوا خلاص مافي !!

قريبتي كانت في الجامعة .. وهيّ مسجلة هنا وحكت ايش صار لها .. حسبي الله على كل المسؤولين عن هذه المهزلة ..

مقهورررررررة والله جـــــــــــدا .. تخيلت بس لو اني هناك .. واحنا اختباراتنا من 11 لـ 1 يعني وقت نزول المطر حنكون دوبنا بدأنا اختبار !!
يالله الحمدلله اللي ماعشت الموقف هذا ولا كنت تعقدت من كل حاجة قدني كارهة جدة والسعودية بكبرها >لا أحد يعلم

والحمدلله على سلامتك soomy

[weddah]

الحمدلله على سلامتك هيثم وسلامتنا كلنا

انا كمان كان عندي اختبار في المستشفى ومره اتبهدلنا جلسنا في المستشفى الين الساعه 5 وصارت تجي حالات طواارئ والسقف يطيح وفيه اداور اتكهربت وحالتنا صعبة مافي مكان نروحه

اخر شي اخدوني على السكن جلست هناك الين 12 الليل وكنت حانام هناك
بس اهلي جوني بصعوبة ما خلوني
لان بيتنا بالنسيم جا السيل عليهم والوضع بطال هناك
واخوي للآن ما رجع البيت

الله لا يعيده من يوم ويحفظنا وحسبي الله على اللي كانوا السبب

[Amal.S.A]

يااالطييييييف ياود !!
الحمدلله على سلامتكم ..
ولا دحين عذرهم انو معدل الامطار كان كبير جدا ..(عذر أقبح من ذنب)
طيب !! ترى احنا مو أول دولة تجيها أمطار ترى ..؟
استراليا جاتهم فيضانات عشان كذا انعدمت الدنيا عندهم ..مو أمطار لـ 3 ساعات .. والله بيضحكوا علينا ..

[weddah]

الله يسلمك يا امل
على قوولك عذر اقبح من ذنب
السنة اللي فاتت مشينالهم هي بس دحين خلاص المفروض يتعلموا ويفهموا
لكن الوضع اسوأ للاسف
لا حياة لمن ينادي

[M!sS chocolate]

آآآآآآآآآآآآآآآآآآآآآآآآآآآآآآآه ياأمووله من قلبي أقووووووووووووولها
عشت الموقف في المستفشى لحظه بلحظه مارجعت الا الساعه 11ونص الليل
وتمام اني رجعت في بنات ناموا في المستشفى ...
صراحه لو اجي اشبه لكم الموقف كانه فيلم رعععععب
الجراوند ظلااااااام مقفلين اللمبات عشان مايسير التماس مافي الا نور الأصانصير
ومجمعين كل الأولاد في الجراوند والبنات في الدور الراابع يوه يوه
كأننا في يوم القيااامه الامه كلها طفشااانه وخاايفه اللي يغمى عليها واللي تبكي واللي اهلها
خايفين ويبغون يجووها ...

والكلااااام يطووووووووووول
من جد يوم مارح أنسااه طول عمري
وصراحه السكيوريتي حق المستشفى ماقصروا من جد من جد ماقصرووا الله
يعطيهم ألف مليووون عااافيه ..

[So0o0o0my]

المشاركة الأصلية كتبت بواسطة weddah الحمدلله على سلامتك هيثم وسلامتنا كلنا انا كمان كان عندي اختبار في المستشفى ومره اتبهدلنا جلسنا في المستشفى الين الساعه 5 وصارت تجي حالات طواارئ والسقف يطيح وفيه اداور اتكهربت وحالتنا صعبة مافي مكان نروحه اخر شي اخدوني على السكن جلست هناك الين 12 الليل وكنت حانام هناك بس اهلي جوني بصعوبة ما خلوني لان بيتنا بالنسيم جا السيل عليهم والوضع بطال هناك واخوي للآن ما رجع البيت الله لا يعيده من يوم ويحفظنا وحسبي الله على اللي كانوا السبب

الله يسلمك

وحمد لله على سلامتك (f)

ان شاء الله يرجع اخوكي بالسلامة

واشوفك دايما سعيده