مشواري يبدأ من هنا ولدي إستفسارات

[control]

السلام عليكم ورحمة الله بركاته

تقبل الله منا ومنكم الصيام والقيام وجعلنا الله ممن أدرك قيام ليلة القدر إيمانا وإحتسابا وجعلنا فيه من
عتقاؤه من النار اللهم آمين......

أخواني وأخواتي أعضاء هذا المنتدى المبارك إن شاء الله أفيدكم بأني أحد منسوبي وزارة الصحة
(فني تمريض) سجلت في الجامعة وتم قبولي ولله الحمد والمنة بنظام التعليم عن بعد.....

وتعرفون أول سنة تحضيري والآن أنا ( متريض) يعني مانيب مستعجل بس بعد السنة التحضيرية
يالله في العافية يجي التسكين أو التخصيص أنا وما أخفي عليكم ودي والله بهالقسم ( تخصص إنجليزي)وأموت في شيء أسمه أنقلش بصراحة بس ودي أحد يقدر يفيدني هل هذا التخصص يفيدني في مجال عملي بعد التخرج ؟؟؟؟
أو حتى لو بترك عملي هذا ممكن يفيدني أفضل في أي مجال آخر يعني مثلا لو أخذت شهادة التخرج
حقت الجامعة بعد 4 سنوات إن شاء الله وإلتحقت بمجال آخر كالتعليم مثلا هل أبدأ من المستويات الأولى كمعلم جديد لأن راتب المعلم الجديد يكون أقل من راتبي الأن فكيف بعد 4 سنوات؟؟؟

آمل الإفادة منكم أحبتي لأني بصراحة محتار وودي أكمل دراستي وأعذروني على الإطالة....

أخوكم

الفقير إلى ربه

control

[Saleh571]

وعليكم السلام ورحمة الله وبركااااته
( راتب المعلم الجديد أقل من راتبك ) والحل من وجهة نظري ,,,,
انت مستواك تمام في اللغة الانجليزية و تموت في شئ إسمه إنقلش وما عندك مشكلة من ناحية الرسوم وما شاء الله تبارك الرحمن ,, وطموحك عالي جدا , فالحل هو إنك تشد حيلك في دراستك وتواصل بعد البكالوريوس للماجستير ومن ثم الدكتوراه إن أمكن ,, كذا راح يغطي على راتبك في وزارة الصحة (فني تمريض ) وترى التخصص للغة الانجليزية لازم تجيب درجات عالية في نجم 101 ونجم 102 ,, وبالتوفيق .

[JASSAR]

وعليك السلام control

ما فكرت في كلية الاقتصاد والادارة؟
ادارة التنظيم والتطوير الاداري - ادارة خدمات صحية ومستشفيات - ادارة عامة
ادارة الاعمال الدولية - ادارة الموارد البشرية

[يارب تحقق احلامنا]

الاخ controlالسلام عليكم عجبنى كلامك وطموحك ولا اخفيك اننى زميلك فى المهنة انت ممرض وانا (paramedic)(متخصص طوارئ باحتراف)برامدك- بس انا على وزارة الدفاع وانحرمنا من الكادر الجديد الله لا يوفق من وقف ضدنا فية وانت ياغالى راتبك تقريبا اعلى من راتب المعلم او يساوية لان تعديلكم اصبح كبير جدا اذا انت تتقن الانجليزي فهو ممتاز بس حبيت اوضح ان تخصص ادارة مستشفيات الغى السنة هذى من الانتساب على كلام الاخوان هنا بالمنتدي ولكن انا اشوف افضل تخصص لك الان بالجامعة هو انجليزي اتكل على الله وادرس ولمن تتخرج لها الف حلال وانا اخوك وانا اشوف ان التعليم انضف من التمريض بترليون مرة انت تعرف التمريض وقرفة وارتباطك بالعمل وشوفت الاطباء انفسهم عليكم وانصحك حافظ على لغتك واسال الله التوفيق لنا ولك فى الدنيا والاخرة
تقبل مرورى وامنياتي لك بالتميز الدائم

[الإمبراطورة]

بالتوفيق إنْ شآء الله..

على فِكرة وزآرة الصحة لآ تعترف بِالشهآدة إذآ كآنتْ مُخآلفة لطبيعة عملك..
وتخصص اللغة الإنجليزية مآ له علآقة في التمريض..

لكنْ مآ فيهآ شيء إنو الوآحد يكمل تعليمه.. ويدرس التخصص اللي يرغب فيه..



مُوفقينْ..
(:

[فصوووول]

ياسيدي تخصص ادارة مستشفيات مالك ومال الطريق المعلق لا تحسب انك تعرف تتكلم انقلش شويتين يعني خلاص بتصير الولد الفلته في قسم الانجليزي احنى قبلك شوفنا اللي موظف في الخطوط واللي موظف في الصحه واللي موظف في الشركه البريطانيه ومعا ذلك واجهنا مواد صعبه ما كنا نتخيلها و أساتذه الله بالخير وراحت فيها معدلاتنا
اذا تبغى النصيحه من مجرب انا اشوف ادارة مستشفيات احسن بكثير واستخير الله وان شالله تتوفق فيما اختار لك ربك

[control]

Saleh571

بارك الله فيك وجزاك الله خير وإن شاء الله راح أكمل وفي نفس التخصص هذا

والتوفيق من الله عز وجل....


وأشكرك جزيل الشكر على مرورك وردك

[ليمار]

انا اقول ادخل انقلش وتوكل على الله

اكيد اذا تعرف شوي انك راح تمشي فيه الانقلش لغه سهل

والكل يحتاجها حتى لو ما تفيده بالعمل انت تحتاجها اكيد

وانا اشوف لها مستقبل رائع الين الحين واحنا محتاجين لمن يتحدث الانجليزيه

الله يوفقك ويوفقنا جميعا

هذا رايي

[control]

jassar

يا أخوي وش أسوي أحب هالقسم موت ...

لك كل الشكر لمرورك العذب

[control]

يارب تحقق احلامنا

أخي الغالي رضي الله عنك وأرضاك ....

قسم بالله أنك جبتها على الجرح وأشكر لك مرورك العطر أخوي ....

تحياتي القلبية لك...