استفسار عن ال Ie200 و الجدول

[rival soul]

سلام عليكم اول شي والله يتقبل مننا الصيام والقيام يارب

انا بس حبيت اعرف المادة دي كم ساعة في الاسبوع وكيف دوامها لاني سويت الجدول بس مافي وقت فاضي غير الاحد والثلاثاء من 11 لين2 دا بس فاكيف دوامها لاني لسى ماحطيتها وطبعا المواد الي ابغى اضيفها (((رياضيات 202 . ثقافة1 . عربي1 .معمل فيزياء.برمجة. رسم هندسي.وie200)))
طبعا 14 ساعة بدون ال ie200 فمدري كتيير ولا لا ؟؟؟ وبغض النظر عن الدكاترة راح يكون كدا حسب الشعب اللي شفتها

السبت 8_8.50 ثقافة 9_9.50 عربي ساعة بريك 11_12.20 رياضيات
1_2.30 رسم هندسي

الاحد 8_9.20 برمجة وبعدها فاضييييييي لين 2.30_ 4.20 برمجة تاني

الاثنين زي السبت

الثلاثاء 8_9.20 برمجة وبعد كدا بختار ساعة لمعمل الفيزياء وبس والباقي فاضييييي
الربوع نفس السبت بس مافي رسم هندسي يعني لييييين الظهر 12.20 اخر محاضرة تنتهي

كم ساعة ال ie200 وكيف دوامها وهل الجدول طيب ولا لا وارجو التحصيح اذا في شي افضل او غلط؟؟؟ وشكراااااا

[فهد الجدعاني]

الجدول ممتاز لكن إذا كنت تبغى تخفف على نفسك شوية إحذف الرسم الهندسي

بالنسبة لـ200 ie على حسب ما سمعت إن نظام المادة راح يتغير فما أقدر أفيدك فيها لكن بالنسبة للدوم أعتقد راح يكون طول الأسبوع.

[rival soul]

شكرا مهندس فهد يعطيك الف عافية ياسيدي بس بالنسبة للتخفيف ماراح اقدر لانو يدوبك اخلص الباقي في التيرم الجاي يصير ممكن اخد مستوى رايضيات في الصيف وخلاص لاني ابغى اتخصص عالسنة الجاية ^_^ واي خدمة تامرني امر

[N3M]

طيب ممكن ياصاحب الموضوع باستفسار ..
مادة ie200 اللي هي الانجلش ..
كيف طريقتها من ناحية التدريس .. يعني نفس نظام السنه التحضيريه ..
اختبارين سبيكينق .. واختبارين رايتنق ..
والا تختلف الطريقة والنظام ..

والف شكر ..

[rival soul]

بالعكس نستفيد كلنا والموضوع موضوعك خخخخ ننتظر لييين احد يرد بس اعتقد لا نظام مختلف وشغل تيمز اعتقد اربع او خمس طلاب وكدا وجزء تاني منها بحث ووودحين كلهم يقولو مايدرو لانو النظام حق المادة راح يتغير دا اللي اعرفو ومني متاكد ننتظر الصح والتصحيح^_^

[فهد الجدعاني]

المشاركة الأصلية كتبت بواسطة N3M طيب ممكن ياصاحب الموضوع باستفسار .. مادة ie200 اللي هي الانجلش .. كيف طريقتها من ناحية التدريس .. يعني نفس نظام السنه التحضيريه .. اختبارين سبيكينق .. واختبارين رايتنق .. والا تختلف الطريقة والنظام .. والف شكر ..

ie200 الهدف الأساسي منها هو البحث يعني تختار موضوع مثلاً السمن في المملكة و تبدأ تسوي إستبيان و تطلع النتائج منه و تكتب مقدمة و أشياء أخرى راح تعرفها قدام إن شاء الله لكن في الغالب قبل البحث راح تدرس كورس إنجليزي.

المشاركة الأصلية كتبت بواسطة rival soul بالعكس نستفيد كلنا والموضوع موضوعك خخخخ ننتظر لييين احد يرد بس اعتقد لا نظام مختلف وشغل تيمز اعتقد اربع او خمس طلاب وكدا وجزء تاني منها بحث ووودحين كلهم يقولو مايدرو لانو النظام حق المادة راح يتغير دا اللي اعرفو ومني متاكد ننتظر الصح والتصحيح^_^

شغل الـ teams في ie201

[rival soul]

شكرااااااااا عالتصحيح

[N3M]

ie200 الهدف الأساسي منها هو البحث يعني تختار موضوع مثلاً السمن في المملكة و تبدأ تسوي إستبيان و تطلع النتائج منه و تكتب مقدمة و أشياء أخرى راح تعرفها قدام إن شاء الله لكن في الغالب قبل البحث راح تدرس كورس إنجليزي.

انا ما اقصد البحث .. انا اقصد طبيعة الكورس اللي قبل البحث كيييف ؟؟
الكورس عبارة عن ايش بالضبط وكيف طريقة اختباراته وكيف اجتيازهــ ؟؟
هذا مقصدي ..

والف شكر لكم ..

[فهد الجدعاني]

المشاركة الأصلية كتبت بواسطة rival soul شكرااااااااا عالتصحيح

العفو ^_^

المشاركة الأصلية كتبت بواسطة n3m انا ما اقصد البحث .. انا اقصد طبيعة الكورس اللي قبل البحث كيييف ؟؟ الكورس عبارة عن ايش بالضبط وكيف طريقة اختباراته وكيف اجتيازهــ ؟؟ هذا مقصدي .. والف شكر لكم ..

أها طيب شوف بالنسبة لكورس السنة الماضية كان جزئين ريدينق و رايتينق و الإختبار كان ينقسم على ثلاث أيام يوم ريدينق و يكون من القطع اللي تدرسه و قطعة من برا و يوم رايتينق و تكون الأسئلة من الكتاب اللي تدرسه (مافي كتابة) و اليوم الأخير تقريباً زي السنة التحضيرية بس أطول هذا النظام كان السنة الماضية و ممكن يتغير كلياً.

[Mr-Ammar]

المشاركة الأصلية كتبت بواسطة rival soul الثلاثاء 8_9.20 برمجة وبعد كدا بختار ساعة لمعمل الفيزياء وبس والباقي فاضييييي معمل الفيزياء والكيمياء 3 ساعات مو ساعه ومواعيدها يا من 2-5 الظهر يا من 9-12 على ما اعتقد او 10-1 ماني فاكر بالزبط

.....