السلام عليكم ممكن استفسار

[loola-]

اول شي بقلكم انالعام اتخرجت وحلمي ادخل طب ونزلني القدرات والتحصيلي وكنت حدخل ابن سينا بس انووقتهاا اكتفوو وتاني حاجه انو ماكنت مراا لي رغبه فيها لانو انا من المدينه فقلت صعبه اكون في جده يعني ابغي تكون جامعه حكوميه عشان بامكاني احول للمدينه بس نقول ربي كريم والاهم الي ابغي اعرفو كيف كلية ابن سينا هل هي معقده ؟ فيها سكن ؟ او ابغي لو سكن خاص يكون قريب موثوق عاتي بس ابغي رايكم تشوفها صعبه لو كنت من المدينه ودخلت ابن سينا والله نفسيتي جداا تعبت بخصوص الموضوع دا ومرا متحطمه رغم اني ابغي المجال دا وحلمي ونفسي احققوو طيب بس خايفه انو مامشي فيها ماتاقلم مع الوضع مدري ليه جاتني حالة وسوسه والله من الي شفتو ابغاكم تطمنوني وتساعدوني وجبولي اي شي عن الكلية دي والي يعرف اي احد كان برا جده ودخل فيها واتاقلم يقلي
محتاجه تشجيع لانو بلمدينه مافي كليه مختصه بالطب ربي يسعدكم ويفرجها عليكم اتمني تساعدوني
اواادالكم خلفيه اوااراء ياليت تفيدوني حبايبي <ادري كترت بلهرج بس والله محتاجه

[Dr.Passed]

انا ادرس في ابن سينا و دحين عادلت موادي وباكمل هناك

صراحه ( مرتاحه)
الحمدلله اني روحت هناك
والدراسه حلوه مافي اي تعقيد بس تلحقي اول بأول مع محاضراتك وتسيري تمام

انا اهلي كلهم في جده الا ماما وبابا برا فا ساكنه في سكن خاص واروح عند اهلي كل يومين او ويكند ما عندي مشكله

سكن ابن سينا يخوفني شفتو من بعيد جاني اكتئاب بعدين اظن انو سكيريتي تحت بس وما احسو أمان

اصلا المنطقه هناك مره مو طيبه السكن فيها
انا جري من السياره للكليه ومن الكليه للسياره وارجع سكني او بيت اهلي

بس لاتخافي انا ماعشت هناك عشان احكم بس المنطقه هناك ( كسكن) بالأمانه مره ماتريحني
لاتوسوسي ولاتخافي حياه السكن مو بطاله
بس اهم شي تصاحبي الطيبين
لأنو في ناس في السكن يالطيف

انا غيرت موقع غرفتي كم مره الين ماعزلت نفسي انا وصحباتي في سيب لحالنا سرنا جيران بس بعيد عن الدوشه عشان نعرف نزاكر وناخد راحتنا

اهم شي في السكن انك تبعدي عن ( عارفه الشلل المزعجه دي) الكبيره دولا الكوليين بعدي عنهم حيضيعولك وقتك
اربعه وعشرين ساعه حفلات وسهر وهبل ومش عارفه ايه ( غيابهم جماعي جماعي)
احسهم يخربو بعض يالطيف

فا انتي من البدايه اعرفي مين يناسبك ومين لأ

ايوا بس خلي موقف يسير بينكم كلهم يقعدولك فا انتي في غنى عن دا كلو في ناس اصلا ماتحتكي معاهم من البدايه بس السلام بينكم وخلاص =)

بس مايخوف قلتلك بس الصنف دا من البنات مصيبه في السكن لازم ماتحتكي في ناس كده والله كلهم الي كانو كده عادو السنه يالطيف

غير كده انصحك تاخدي غرفه خاصه لحالك ( حاتحسي بوحده) بس دا في البدايه
بعدين تتعودي عادي يسير الوضع
كمان ماتضمني الي معاكي

انا كنت مع وحده لمده شهر مره اضايقت
صحباتها يدخلو و إزعاج ومايحترمو
اشيائي تتحرك من محلها وما اعرف فينها يحرجوني كتير ما اعرف انام ولا ازاكر ولا أسوي مكالماتي ولا اتنسم مره ما اتفقنا
فا خرجت وروحت في غرفه خاصه

نقطه تانيه
لاتعزمي احد غرفتك
في صالات وجلسات عامه اتجمعو فيها احسن
والله يبشكو عندك البنات للصبح وتنحرجي تقوليلهم تبغي تنامي ولاتزاكري وبس تلمحي كلهم يزعلو
وبعدين لاتعودي احد يخش غرفتك
والله حيجيكي وقت مره حتتضايقي
( وبنات السكن ماتضمني يعني ماتعرفي كيف طيبين ولا بطالين ولا كيف مايندرى كيف تتضمني تدخليهم غرفه نومك الخاصه) صعبه

فا خليكي كده من البدايه اعمليلك سيستم معاهم


انا صحباتي الي معايا الان عشره سنين من يوم ماكنت صغار فا نراعي بعض ومافي مجاملات ولا زعل

وعادي والله في ناس طيبه لاتخافي

انا قلتلك اهم شي في السكن
قاعدات من جد محد حيقولك عليها

Please feel free to ask me anything

[Dr.Passed]

واسمعي ما كترتي هرج كنت خايفه زيك بس الحمدلله والله الوضع جدا مطمن
يعني اهم شي الكلام الي قلتلك هوا

غير كده الدراسه حلوه و الله ازا انتي تتابعي نفسك اول بأول مره حتكوني انسانه مرتاحه
اهم شي تفهي في المحاضره ( حتى ازا مازاكرتي المحاضره في يومها ) بس افهمي و الويكند زاكري

و السكن قلتلك الوصايا حقتو

وغير كده مافي شي يقلق
خلاص لاتقلقي بطال القلق والله

اي شي تبغي تسألي عشان تتطمني اكتر اسألي

[loola-]

يا حياتي عليكي ربي يسعدك ويوفقك يارب ويكتبلك الي في الخير
ماني عارفه كيف اشكرك مرااستفدت ياقلبي عليكي
والله طمنتيني ياقلبي عليكي طيب بس السكن الخاص غيرتبع الكليه
قريب من الكليه ؟ تاني حاجه ياروحي
تحتاجي مدرسات يدرسوك في البدايه ولاعاتي الوضع لانو والله خايفه من الانقلش
ومرا مراااا شكر ياقلبي والله اطمنت ياروحي

[Dr.Passed]

No problem ..I'm happy to help
=)

شوفي السكن مفصول تماماً عن الكليه ( مو تبع الكليه)
صراحه ما انصحك أبدا في سكن ابن سينا
أبدا لاتفكري تروحي هناك

سكن خاص برا

( كمان ما انصحك بسكن مالو اداره)
يعني خطر كمان سكن بنات ( وعليه سكيريتي واحد تحت واقف عليه) دا ممكن ينضرب او يسير اي شي
لازم مكان معروف وشوارع معروفه والحته نفسها تكون أمان ويكون في نظام وسيستم واداره
( حكايه انو واحد تحت واقف يحرس) حرام ترا ...يعني خطر

انا كنت في عبدالعزيز ( سنه اولى) صراحه احتجت مدرسه كيميا وفيزيا ورياضيات عشني مو انسانه حسابيه وكان ممكن اعك عك بطال ازا محد قعدلي يفهمني كيف

بس سنه تانيه دحين ( يعني مواد الطب) مايحتاج يعني حتى الحسابات الي فيها بسيطه مرا مايحتاج مدرسه

شوفي اللغه انا ماعندي مشكله فيها بس ماشالله ناس سيئه جدا في اللغه لا الاه الا الله سوت احسن مني في الامتحانات

المسأله عمرها ماكانت مسأله لغه
فا لاتشيلي هم


عادي الطب كمان مايعتمد على الانجليزي تلاته ارباعو مصطلحات لاتينيه بس بنتعلم وعادي تستمر الحيا =)
مافي اي شي يخوف

والله معانا وحده في الدفعه مره مره مره كمت أحزن عليها
ماتعرف تقرا جمله وحده في الانجليزي ( جابتلي الاناتومي مسكينه والورقه مشخبطه وفيها ألوان ومش عارفه ايه كده باين انها سوت مجهود جبار على دي الورقه ...جاتني تقولي الله يخليكي بس اقريلي جمله صغيره بس دي الجمله..بس اقريها

فجعتني...مره اضايقت اشتهيت اساعدها بس كان عندنا امتحان وانا ورايا شيتات واوراق اخلصها قد شعر راصي

المهم قعدت افكر في موضوعها كتير ( اديتها رقمي وقلتلها كلنا معانا اوراق بس دقي عليا وانا اقرالك ولا اوضحلك) قالتلي طيب
يعني مسكينه شكلها تاخد وقت كتير في المزاكره الله يوفقها والله طيوبه البنت دي المهم

جيت لمن نزلت الدرجات قلت لازم اعرف كم جابت
كده جاتني لقافه ديكا الايام
بس ماشالله لا الاه الا الله الله يباركلها

البنت طلعت مره شاطره

يعني لايغرك
ترا انجليزيتها مو نص ونص ولا يعني ولا مو كويسه ( الانجليزي عندها ميح) أموت واعرف سنه اولى كيف عدتها ماشالله عليها ( والله اني فرحانتلها)

بالله اي احد يقرا حتى لو ماتعرفوها معليه قولو ماشالله


فا لاتخافي

من جد اللغه مو اهم شي
ممكن تكون مهمه بعدين في الإلقاء في التخاطب و التعامل و الكلام

بس الدراسه احس مالها شغل

انتي ازا حابه تسجلي
قدمي على المنحه

مناهجهم بسيطه حقت سنه اول ( الطلعت عليها عند البنات) سهله مره
كأنك داخله كورس
سنه اولى تعدي بسرعه تخشي سنه تانيه وتخشي على مواد الطب و تبدأي الدراسه من جد
وحلمك يتحقق D=

منجد مافي اي شي يقلق في الموضوع
خوفك شي طبيعي دوبك اتخرجتي ومنتي داريه ايش الموضوع الين ماتتكيفي
..طبيعي انو الواحد يحس انو خايف شويه


بس انا اقلك مافي اي شي يخوف
No worries

[loola-]

تسلمي ياقلبي ماقصرتي بجد افيدتيني مرا مرا شكراااااااااااااااااااا
ممممممم طيب انتي ليه حولتي من عزوز الي ابن سينا
تاني شي متي اتخصص ؟

[Dr.Passed]

اظن في ابن سنا اول نه تعتبر تخصص خلاص

انا كتير خوفوني من الطب في عبد العزيز صراحه
قالولي مره ستريس وانتي ماتقدري وماما قعدت تقولي حيجيكي السكر من شد الأعصاب ماينفعلك
واصلا اتخصص أتأخر مانزل وآخر شي قالولي نحطك موازي

لمن أتأخر التسكين قالولي خيره ولقيت ماما ماشالله مسجلتني في ابن سينا من غير ما تستشيرني =)
فا استخرت و الحمدلله
مره ان شالله اني لقيت راحتي هناك

[loola-]

الحمدلله ممممممم يعني عزوز فيها موازي طب ؟
طيب في احد اتخرج منها واتوظف في مستشفي حكومي ؟
لانو البعض قلي انو لا مايكون في مشفي حكومي فاستغربت وقلت لاماتوقع

[Dr.Passed]

الا طبعا ولا ماما ما كانت حطتني فيها
واعرف ناس شخصيا اتوظفت
فالاتشيلي هم

ايوا في موازي و طبعا موازي ولا غير موازي كلهم يتوظفو بس طبعا كل واحد وشطارتو

واحد يتخرجلك ميح و التاني يتخرجلك فيلسوف و شاطر
مافرقت دا من فين ودا من فين الي يفرق انو دا جاكي ميح و التاني فيلسوف و شاطر

وبعدين انا ماباقلك الكليه صعبه
بس مو ورق وتخطيط وتحزيف ولعب
الطب طب في كل مكان

عزوز محاتاخد القلب كلو واحنا مثلا بس حيدونا البطين الأيمن و امكن الأذين الأيسر
لا طبعا D=

فا لاتشيلي هم هوا هنا زي هنا بس اختلاف بسيط
بس مني عارفه في ايش بالزبط يعني ما جربت ادرس هناك الطب

بس شوفي اي حاجه تدرسيها صعبه ( ازا مازاكرتي)
والله بس شويه سكي الباب واعزلي نفسك واستكني شويه كلو يمشي معاكي

مررره لاتشيلي هم
ترا انا ما اقول أشياء بس كده عشان اريحك من جد حتخشي و ازا اخدتي نصايحي ان شالله حتشوفي انو كل حاجه بسيطه..بس انتي لاتستصعبي امورك

nothing to worry about..

[loola-]

من عنوني ياعسل
والله بلعكس استفدت منك كتير ياقلبي ربي يسعدك ويوفقك ويحقللك مرادك يارب