اي اسئله عن التحويل لكلية ابن سينا الاهليه انا جاهزه

[ناريمان جوري]

السلام عليكم ورحمة الله وبركاته



في البدايه اعرف عن نفسي
اسمي عندكم زي مو طالع بس طبعا مو حقيقي ^^

درست في جامعه الملك عبدالعزيز سنه تحضريه وبعد التسكين ماتسكنت في الطب
اخذت ملفي واخذت كشف درجات ب 20 ريال
ورحت ابن سينا للقبول
اخذو ملفي وفي وقتها طلعت مقابله شخصيه مع العميد و دكتور من مجلس امناء الكليه
سألوني اذا ابغى اعادل المواد ولا اعيد من جديد
قلت لهم طبعا اعادل
قالو لي بس باقي 3 مواد ما اخذتيها اللي هيه ميدكل ترمانولوجي يعني مصطلحات طبيه
و ماده الثقافه الاسلاميه وماده العربي
اعطوني جدول في وقت اختبار للمواد دي
واختبر ودوني تانيه بشري ^_______^
والحمدلله نجحت السنه وطالعه ثالث

وانا جالسه مع نفسي افتكرت المنتدى الجميل الرائع حقكم ^__^
تمنيت لو تفتحو قسم لكلية ابن سينا عندكم
قلت لازم وفاءا" للمنتدى اقدم لو خدمه بسيطه انو اي احد يبغى يسال عن كليه ابن سينا والتحويل انا جاهزه

*
اخواتي واخواني طلاب وطالبات السنه التحضريه اللي ما اتسكنو في الكليه الطبيه اللي يبغوها
ويبغو يسالو عن كلية ابن سينا انا في الخدمه
*
وكل سنه وانتو طيبيين قبل الزحمه
اتمنى من المشرفين الافاضل عدم نقل موضوعي لانو اكتر شيء يهم الناس للي في التحضيري ونزل التسكين لهم

[ساعدوني رايكم يهمني]

السلام عليكم ،،

حابه أسأل بكم السنه؟ومعترف فيها ولا لا؟وكيف النظام والتعامل هناك،

[ناريمان جوري]

عليكم السلام
رسوم التسجيل 1000 ريال
رسوم كل سنه 50 الف ريال كل ترم 25 الف مو لازم كلها مرره وحده
اذا كنتي سعوديه ادفعي 25 الف وقدمي على المنحه الداخليه حقت وزارة التعليم العالي
على بدايه الترم التاني تجيكي المنحه ويجيكي شيك بأسمك من وزارة التعليم العالي بالمبلغ اللي دفعتيه

في منح اخرى منحه صندوق الموارد البشريه
يدعم بس اسنان وصيدليه
دعم كامل يصير ماتدفعي ولا شيء ولا تنتظري كل سنه نزول المنحه

*

الاعتراف
معترفه من وزارة التعليم العالي
ومعترفه من اغلب الجامعات السعوديه
واغلب دكاترها السعوديين اللي يدرسونا حقيين سنه ثانيه وفوق جااين من جامعه الملك عبد العزيز يدرسو هنا وهناك

وفي واحد من خرجين ابن سينا السنه الماضيه اتعين معيد في جامعه ام القرى
هذا دليل انها معترفه
السنه اتخرجت الدفعه التانيه من البشري
والدفعه الاولى من الاسنان

*
التعامل اذا قسنا من 5
تاخذ الكليه 3 من 5 في التعامل

[DR.3ZOOZ]

طيب انا ما انقبلت في الملك عبدالعزيز

ايش سالفه المنح الداخليه

اقدر ادخل ابن سينا واقدم وآدخل ع حسسآبهم؟

[ناريمان جوري]

المشاركة الأصلية كتبت بواسطة dr.3zooz طيب انا ما انقبلت في الملك عبدالعزيز ايش سالفه المنح الداخليه اقدر ادخل ابن سينا واقدم وآدخل ع حسسآبهم؟

تروح الكليه ومعاك الملف حقك
وتدفع رسوم التسجيل اللي هيا 1000 ريال
وبعد المقابله الشخصيه يعطوك فرصه عشان تدفع 25 الف
وتقدم في موقع الوزارة التعليم العالي في المنح
واذا جاتك المنحه يجيك شيك من الوزاره بإسم والدك بالمبلغ كامل اللي دفعتو

[RaanaTii]

طيب من شرح لك قبل الاختبار الترمنولجي

الحين كمان في اختبار انجليزي

و ع فكرة قفل التسجيل عندهم.

[DR.3ZOOZ]

حلؤؤ

وآدرس طب شئ جميل

طيب المنح تيجي آكيده ولا ممكن .ممكن لا؟


وبعدين الـ 25 الف ادفعها كل ترم لـمده 7 سنوات.!!!!!!!!

[ناريمان جوري]

المشاركة الأصلية كتبت بواسطة raanatii طيب من شرح لك قبل الاختبار الترمنولجي الحين كمان في اختبار انجليزي و ع فكرة قفل التسجيل عندهم.

اختي شرحت لي لانها طب في جامعه الملك عبدالعزيز
التسجيل ما قفل هما يقولو كده
روحي لعندهم تلاقيهم لسه يسجلو
اللي يقفل في البدايه الطب البشري وطب الاسنان والصيدليه يجلس مفتوح وفي قبول من ترم تاني للصيدليه

المشاركة الأصلية كتبت بواسطة dr.3zooz حلؤؤ وآدرس طب شئ جميل طيب المنح تيجي آكيده ولا ممكن .ممكن لا؟ وبعدين الـ 25 الف ادفعها كل ترم لـمده 7 سنوات.!!!!!!!!

اغلب صحاباتي اللي قدمو جاتهم المنحه

مو كل سنه تدفع 25 الف بس اول مرره اذا جاتك المنحه يرجعو لك الفلوس
وكل سنه التقديم تلقائي
اذا المعدل نزل عن 3.5 تدفع حق رسوم اللي بعدها

[RaanaTii]

[quote=ناريمان جوري;4408748]اختي شرحت لي لانها طب في جامعه الملك عبدالعزيز
التسجيل ما قفل هما يقولو كده
روحي لعندهم تلاقيهم لسه يسجلو
اللي يقفل في البدايه الطب البشري وطب الاسنان والصيدليه يجلس مفتوح وفي قبول من ترم تاني للصيدليه


اها :$ طيب يجي صعب؟

+ طب الأسنان والبشري قفل الصيدلة ما ادري :$

وشكريا ياعسل

[ناريمان جوري]

[QUOTE=RaanaTii;4408816]

المشاركة الأصلية كتبت بواسطة ناريمان جوري اختي شرحت لي لانها طب في جامعه الملك عبدالعزيز التسجيل ما قفل هما يقولو كده روحي لعندهم تلاقيهم لسه يسجلو اللي يقفل في البدايه الطب البشري وطب الاسنان والصيدليه يجلس مفتوح وفي قبول من ترم تاني للصيدليه اها :$ طيب يجي صعب؟ + طب الأسنان والبشري قفل الصيدلة ما ادري :$ وشكريا ياعسل

لا مو صعب مرره
لا تخافي منو

العفووو ^___^