إلى اولاد تانيه مختبرات ...

[no0ona17]

السلام عليكم و رحمة الله وبركاته
ان شا الله بس احد فيهم يشوف الموضوع لانو مرره مالهم حس في المنتدى
المهم انا بسأل عن مادة الانسترومنتيشن
اول شي مين يدرسكم هيا ؟؟؟؟
هل د.حامد بنفسو ولا اكتر من دكتور ؟
لانو نحنا مررررره ما عجبنا الاختبار الاول لانو د.حامد الي حطو و الي يدرسونا دكاتره تانين ولما كلمنا د.حامد انو ايش دي الاسئله الصعبه مره ما ادانا وجه وهو شايف انها اسئله سهله بس منجد كانت صعبه ابدا مو مبالغه فاذا كان د.حامد بنفسو هوا الي يدرسكم فحنحتاج منكم شوية مساعده
وابا اعرف انتو كيف شفتو الاختبار ؟
وطبعا الاختبار كان من زمان بس اليوم بعد محاضرة الانسترو حسينا انو لازم ما نسكت و نتصرف مع دي الماده
وشكرا...

[HOUSE.MD]

وعليكم السلام ورحمة الله وبركاته

بالنسبة للمدرسين احنا درسنا اكثر من دكتور

وبالنسبة للاسئلة الدكتور حامد يطلب من المدرسين الاسئلة وهو ينسقها بطريقته

المشكلة اللي صارت عندنا انه فيه جهازين درسنا ايها الدكتور رفعت وقال لنا انها مو داخله في الاختبار ونتفاجأ انه جاء عليها حوالي ستة اسئلة اما باقي الاسئلة فما فيها صعوبة

واذا تحتاجوا اي مساعدة احنا في الخدمة

واسف على عدم التفاعل المستمر

وشكرا...

[no0ona17]

ممممممممم يعني نفس حالتنا
نحنا اليوم كلمنا د.حامد انو نبغا يوم يحللنا اسئلة الاختبار , و المفروض كل دكتور يحط اسئله للجزئية الي هوا شرحها
و كان في اختبرانا سؤال ما انشرح ابدا و لا هوا مكتوب في الاوراق عن المجهر الضوئي , و سؤال ما ينفهم ابدا ابدا في جزئية د.عبد العزيز حتى ناديت المراقبه تقرأ السؤال وتفهمني ايش يبا بالزبط بعدين قرأتو و قعدت تترجم كلمات و سكتت و قالت معليش ما فهمت ايش المقصود .. يعني انا من باب اولى ما افهم ..
يلا ع العمووم مشكور ع المساعده :)
والله يوفقنا ,,

[HOUSE.MD]

اتذكر انو فيه سؤال عن المجهر الضوئي ماحد فهمو صح

المهم اذا تحتاجوا السلايدات حقتنا (مع اني اعتقد انها نفسها) انا حاضر وممكن انزلها

وشكرا..

[no0ona17]

السلايدات اكيد نفسها
مشكوووور على المساعده

[HOUSE.MD]

anytime

[اميره بضحكتي]

المشاركة الأصلية كتبت بواسطة house.md وعليكم السلام ورحمة الله وبركاته بالنسبة للمدرسين احنا درسنا اكثر من دكتور وبالنسبة للاسئلة الدكتور حامد يطلب من المدرسين الاسئلة وهو ينسقها بطريقته المشكلة اللي صارت عندنا انه فيه جهازين درسنا ايها الدكتور رفعت وقال لنا انها مو داخله في الاختبار ونتفاجأ انه جاء عليها حوالي ستة اسئلة اما باقي الاسئلة فما فيها صعوبة واذا تحتاجوا اي مساعدة احنا في الخدمة واسف على عدم التفاعل المستمر وشكرا...

السلام عليكم ورحمة الله وبركاته

لوسمحت ممكن تقولنا ايش هما الجهازين الي قلكم الدكتور رفعت مو معاكم

وشكرراا ..

[HOUSE.MD]

^^
وعليكم السلام ورحمة الله وبركاته

الجهازين Turbidimetry & Nephelometry

[PinKyah]

طيب آخوي
الله يعطيك العافية
مافي احد منكم صور الاسئلة او نسخها ؟

[HOUSE.MD]

^^
للاسف لا لكن احنا حنحاول نتذكر الاسئلة ونسجلها عشان الاختبار النهائي وان شاء الله نتلطع بنتيجة حلوة وياليت تسوون مثلنا