/ \ تــعالوا اسمعو من واحد كان تحضيري السنة اللي فاتت وهوا دحين في الطب \ /

[dr.hope]

بسم الله الرحمن الرحيم

اول شي السلام عليكم ورحمة الله وبركاته

فكرت اكتب الموضوع دا من بعد ما خلصتو الاختبار الدوري الاول وخصوصا بعد ما شفت كمية الاحباط اللي كنتو فيه وكأنو الزمن بيرجع نفسه .... بس بصراحة اترددت

لكن بعد ما عرفت انو اختباراتكم الدورية التانية حتبدأ وعلى ضوء ردود أفعالكم من بعد الاختبار الدوري الاول اللي لسا مازالت في البعض احباط وتانيين خوف وغيرها من المشاعر اللي تأثر سلبيا فيكم انتو قبل اي احد

قلت لازم ادخل واحاول ارفع معنوياتكم واقلكم الحكاية من اولها لـِ آخرها

بسم الله نبدأ

في البداية

لازم تنسوا اللي سار في الاختبارات الدورية الاولى وترموه ورا ظهركم حاليا وتركزو عاللي جاي

زي حالتكم كدا كنا احنا السنة اللي فاتت

الاختبارات الاولى كانت سيئة لأبعد درجة عند كثير من الطلاب

افتكر اختبار الكيمياء الاول بما اني كنت خطة ( ب ) خرجت منو وانا يدي على قلبي ..خرجت وانا اقول راح الطب خلاص ...

طبعا ودا الشي كان غلط والحمد لله اني مسكت نفسي وشديت حيلي وما خليت اللي سار يأثر عليا في الباقي

صدقوني ... احنا لازم نتمسك بالأمل في كل لحظة ... المشوار قدامكم طوييييييل لسا باقي دوري تاني ونهائي وترم تاااااااااااني

ومافي احد عارف ايش بيسير ولا ايش اللي ربنا كاتبو

اننا نتحسر من أول إختبار أو تاني إختبآر ونقول خلاص راح كل شي راحت الاحلام والامنيات .. دا اكبر غلط بتسووه

كثيييييييييييييير منكم يبغى الطب وانا عارف شعوركم لأني مريت فيه قبلكم

اللي يبغى الطب فيكم لازم يشد حيلو اكتر من غيروو انا ما ابى احبطكم لكن مو منطقي انو الواحد فينا مايذاكر كويس و يجيب درجات سيئة في كل الاختبارات ومعدله طايح ويقول ابى طب ولو ما دخل يزعل ويتسخط

حبايبي ...

صدقوني مو لازم نتحبط من أول اختبار احنا حاولنا وحنظل نحاول ونحاول ونحاول

الين ما نحقق احلامنا وامنياتنا ...

احنا راح نستحمل الضغط والدراسة والظلم اللي بيسير علينا كلو مو عشان شي

الا عشان نثبت لنفسنا ... لأهالينا ... أمنا ... أبونا ... أصحابنا ... كل اللي بنحبهم وكمان اللي بيكرهونا

نثبتلهم انو احنا نقدر نحقق أحلامنا وأمنياتنا

دايما فكروا بإيجابية ... حاولو تتخيلو إنو كل واحد فيكم خلص السنة التحضيرية وجا يوم التسكين في الكليات وكل واحد اتخصص في اللي يبغاه

اتخيلو كيف حتكون فرحتكم كيف حيكون شعوركم ... صدقوني حيديكم دفعة معنوية كبييييييييرة

بإنكم تشدو حيلكم اكثر وأكثر

اخر حاجة واهم شي هوا

انو لازم قبل كل حاجة نتوكل على ربنا ... نحاول نكون قريبين منو ... ندعيه بأنو يوفقنا في سجودنا وفي كل وقت

كمان لازم نرضي والدينا لأنو بدون رضاهم ماراح نتوفق ... اطلبوا منهم يدعولكم انو ربنا يوفقكم ويعينكم

وانتو بدوركم شدو حيلكم قد ما تقدروا لكن انتبهوا من ( الخوف ) و ( القلق ) و ( التوتر )

الله يخليييييييييييييكم لا تدخلو الاختبارات وانتو خايفين لأن التوتر والخوف بيسوو مشاكل مرررررررررة كتيير وبيضيع معلومات مررررررة كتير وقت الاختبار احنا مزاكرينها تمام

حاولو تنتبهوا للوقت في الاختبار وتوازنو بينه وبين حلكم للأسئلة عشان ما يجي اخر الوقت والواحد فينا ينتبه انو باقيلو كمية كبيرة من الاسئلة لسا ما حلها

وكمان لا تنسوا تقرأو الفاتحة وتقولو ( اللهم لا سهل الا ما جعلته سهلا وانت تجعل الحَزَنَ اذا شئت سهلا ) قبل ما تستلمو ورقة الامتحان


اخيرا حاب اختصر كلامي دا كلو في جملة وحدة خلوها في بالكم كل ما جاكم الشيطان وحاول يحبطكم

( احنا راح نتمسك بالأمل لآخر لحظة وبالتوكل على الله والجد والاجتهاد راح نحقق احلامنا ونثبت للعالم انو ما في شي مستحيييييييييييييييييل )



الله يوفقكم ويعينكم وان شاء الله تكون الاسئلة سهلة وياااااااااااااااارب الفل مارك في كل الاختباراااات يارب




سامحوني اذا حسيتو انو كلامي ملخبط بس انا كتبت الموضوع بسرعة وما رتبت الكلام لأني أبغاكم تشوفوه بدري وقبل لآتضيع الفرصة .



بالتوفيق يارب

وأي سؤال احنا حاضرين ... شدو حيلكم

ومع السلامة


ملاحظة : الكلام دا مو موجه للي يبغو طب بشري بس دا الكلام للكل للي يبغو طب وطب اسنان وصيدلة وتقنية طبية وهندسة وعلوم ولكل الكليات ولجميع التخصصات

محبكم : dr.hope


^_^

[رهف الاحساس]

أتشرف إني أكون أول من رد عليك ومرررررررررررره شكرا على رفع معنوياتنا ومانبغى منك غير الدعااااااااء لنا

[mish mish]

ثاانكس عالكلام اللي يرفع المعنوياات وياارب نحقق اللي نبي ونوصل للي نتمنى
كلامك طمنّي ومتأملة خيير ,
أللللف شكر .

[HANOoOF]

الله يعطيك العافيه يا دكتـــــــــــور .. ومره شكراً ع الكلام الأكــــــــثر من رآآئـــع

والله إنو يرفع المعنويات .. " وياريت كل الناس تفكر بإيجابيه "

الله يوفقك ويوفقنا يااااااااارب ^_^

[مخترع سعودي]

مشكور ربي يسعدك ويوفقك انتا كمان في اختباراتك ونفرح فيك وانتا متخرج دكتور

[FrfoSha]

dr.hope

صدقت في كل كلمة قلتهـآ ..

وان شاء الله ربنـآ يعطيك على قد نيتك وحبك في مسـآعدتنا ..

واذا كل واحد فكر بنفس الطريقه اللي قلت عليها ماراح نسمع مشـآكل ولا شكـآوي ولاا غيرهـ ..

الله يعطيك العـآفيه ويوفقك في الدنيـآ والآخرهـ ..

تقبل مروري ..

<< على فكرة ترى الموضوع مو ملخبط واذا كان ملخبط ترى يدخل المخ اســررع

[ŤЋ¡ş łš mè]

جزاك الله الف الف خير

وشكرا على الموضوع الأكثر من رائع

الله يسلمك......

[AL-SULTAN K.A.U]

الله يعطيك العافية موضوع جدا جدا جدا رائع جزاك الله خير والله يوفقك دنيا واخره
بصراحة رفعت معنوياتي لاقصى الحدود شكرا جزيلا لك .................................................. .....
بس عندي سؤال انا ابغى ادخل هندسة اذا تعرف كم المعدل المطلوب وكمان هم يركزون على اي مواد وكم الدرجة الي يطلبوها في المواد وشكرا.........................................واسف على الاطاااااااااااااااااااااااااااااااااااااااالة

[ALKHAYAL]

يعطيك العافية أخـوي

والله يوفقك يارب

وبالتووفيق للجميع

[dr.hope]

المشاركة الأصلية كتبت بواسطة رهف الاحساس أتشرف إني أكون أول من رد عليك ومرررررررررررره شكرا على رفع معنوياتنا ومانبغى منك غير الدعااااااااء لنا

بالعكس الشرف ليا أنا اختي رهف الاحساس

وشكرا لتعليقك وما عليكي راح ادعيلكم بالتوفيق وبكل خير ان شاء الله

:)