استفسار عن التحويل إلى جامعة الملك عبد العزيز

[الغــــلآآآ]

بسم الله الرحمن الرحيم

السلام عليكم ورحمة الله وبركاته ..

إخواني أخواتي .. أنا طالبة في جامعة طيبة في السنة التحضيرية للعلوم الصحية
وودي أدخل كلية الطب في جامعة الملك عبد العزيز << حتكي قصة حياتها ههه

هل في إمكانية إني أحول وأدرس فيها ..
وإذا موجود أقدر أحول في أي سنة وإلا بس سنة وحدة ؟؟ وإلا كيف

وربي نفسي أجي عندكم ..

لو سمحتو اللي يعرف يرد لي ضروري لا تبخلو عليّ ..
وإن شاء الله ما تقصروا يا أهل جدة


لكم تحيتي

[الغــــلآآآ]

بسم الله الرحمن الرحيم

يعني ما احد عندو فكرة عن الموضوع ؟؟؟؟

[مرهفة الإحساس]

وعليكم السلام ورحمة الله وبركاته

والله ياحبيبتي الغــــلآآآ لو كان عندي أي فكرة ماكان بخلت عليكي بيها لكن للأسف ماأمتلك أي فكرة

بس أبغى أسألك سؤال وأعتذر إن كان تطفل مني

ليش تبغي تنقلي لجامعة الملك عبد العزيز؟>>>لا تفهميني غلط

يعني إنتي تبغي تحولي عشان وضع الدراسة في جامعة طيبة؟

وهل هوا وضع ُمزري فعلاً زي ماسمعت؟

أعتذر مرة أخرى على تطفلي لكن محتاجة إجابة من شخص مجرب لإنو في احتمال إني أنقل لهناك...

تقبلي تحياتي الحارة
مرهفة الإحساس

[الغــــلآآآ]

بسم الله الرحمن الرحيم

والله يا قلبي كان ودي ادرس في جامعة الملك عبد العزيز من زمان
ولما قدمت فيها بس باقي القبول النهائي .. ما ارتحت وروحت جامعة طيبة بالقرب من أهلي
وفي أحد يقارن جامعة طيبة بجامعة الملك عبد العزيز <<<< فرق السماء عن الارض
وكمان انو فيها أخطاء ما أدري ايش اسميها .. تخيلي نفحط من مبنى إلى مبنى ندور قاعة ندرس فيها
ونصيحة لا تجي... خلصي دراسة في جامعة الملك عبد العزيز احسن
وبما أن لكي شيء محاسن ومساوئ .. فأعتقد انو المسؤلين عن الجامعة يحاولون يطورونها بس تنقصهم الخبرة
وكمان الدكاترة اللي درسونا كانو كويسين


ادعي بس ربي يكتب لك الخير فين ما يكون
ولو سمحتي لو عرفتي اي شيء ممكن يفيدني ممكن تبلغيني

[Jeddah Glamor]

التحويل إلى جامعة الملك عبدالعزيز .... كأنك تحولي إلى جهنم ..

موفقه ان شاء الله ..

نصيحتي لكي .. قدمي طلب " طالبة زائرة " .. وإذا عجبتكي الدراسه بعزوز قدمي تحويل ..

مافي شي اسمه مو وقته وفات الآوان ..

عندك فرصه السنه هذي والسنه الجايه والى آخر عمرك عندك فرص ..

تابعي مع جامعتك متى يبدأ التحويل الخارجي ...

وراح يكون تقريبا نفس الوقت بعزوز لاستقبال الطلبة المحولين الى جامعتها ..

وهذا رابط مواعيد التحويل بعزوز ..

اضغطي على كلمة الفصل الدراسي الثاني

http://admission.kau.edu.sa/AccessPa...www.kau.edu.sa

[Jeddah Glamor]

وهنا تلاقي معلومات عن التحويل الى جامعة الملك عبدالعزيز

http://admission.kau.edu.sa/content....www.kau.edu.sa

نحن بالخدمه

[Dr .marwa]

هل ينفع اني احولها وانا خارج المملكة ولا لا

[الغــــلآآآ]

بسم الله الرحمن الرحيم

مشكورة أختي والله يجزاكي خير .. طيب أقدر أجي زائرة .. ودا النظام في الاجازة الصيفية .. وإلا وقت الدراسة ..؟؟؟؟

ولدي الدرجة الدراسة صعبة عندكم ؟؟؟؟؟؟

ومشكورة يا قلبي الله يسعدك ..

[المحتاره]

<<< بليييييييييز <<< داخله عرض
التحويل لجامعة عزوز من فين اول شي اقدم طلب من موقع الجامعة ولا لازم من جامعتي اللي بحول منها؟؟