الباثولوجي

[PPOOPP405]

سلام د. Evil Gril

بس ابغى اعرف افضل طريقة لمذاكرة الباثولوجي

لاني سمعت عن اسلوب للطلاب في سنة تانية انوا يركزو على مادة وحدة ويسيبو الباقي زي ماتجي تجي

يعني اغلبيتهم يركزو على الانتومي مع انوا الانتومي 4 ساعات و الباثلوجي 5 ساعات ويقولو دي الطريقة تعتبر تاريخية في الكلية والكل يسويها لانو صعب تجمعي بين كل المواد

[evil girl]

معليييه مافي شي اسمه تركز على ماده وماده لا


اول شي الاناتومي مررررررررررررره مهم عشان تفهم فيسيولوجي وباثولوجي والفيسيولوجي مهم عشان تفهم باثولوجي والباثولوجي مهم عشان تفهم ميدسين وسيرجيري يعني كله متعلق ببعض

وافضل طريقة لمذاكرة الباثولوجي هي الكتاااااب والله افضل من الشيتات تفهم وتستوعب الموضوع وعشان تلحق لازم اول باول لو اتراكمت محاتلاقي قدامك الا الشيتات صح تنجح بس ما راح تكون فاهم مره كويس وبعدين اهم شي قبل الاختبار حل امسيكيوز واسأل السنة الي قبلكم كيف جابولهم الاختبار ...

وصح صعب تجمع بين كل المواد بس ممكن ترتب وقتك وتعطي الاهم وقت اكبر...

[PPOOPP405]

بس يادكتورة

زي مايقولوا كتير حاولوا بس اذا الي بياخذوا في اليوم الواحد مابيخلصوا في نفس اليوم

[evil girl]

ترى فيه وقت لكل شي بس استغل الوقت

يعني ذاكر طوال الوقت الي تقدر عليه

ولمن يجي اختبار مادة اعطيها حقها وذاكرها

بعدين فيه مواد زي الاناتومي لو ركزت في المحاضرات والمشرحة تاخد معاك وقت اقل في المذاكرة وتجي تلاقي نفسك كانك بتراجع

اما الباثولوجي كلامه كتييييييييييييير ومو كل شي يلحقوا يقولوه الدكاتره بس يتلم برضه مع اللاب حتلاقي الكلام يتكرر

اهم شي احضر المحاضرات واللابات ولا تسوي زي الناس الي تغيب وتقول نقعد نذاكر ويجوا وقت الاختبارات مو ملحقين على شي ولا فاهمين شي

وصدقني فيه وقت لو اجتهدت ولا تاخد بكلام العامه لانه الي يذاكروا ما يتكلموا كتير والله ماشاءالله في ناس تذاكر كل شيء من الكتاب والشيتات وعايشه حياتها كمان اهم شي خليك مع ناس ترفع المعنويات وتذاكر اصعب شي لو كان الي حواليك محبطين ومهويين ...

[PPOOPP405]

شكرا يادكتورة واشاء الله نكون قدها


بس لاتنسينا من مساعداتك ودعاكي

الله يقوي الجميع

[evil girl]

الله يوفقكم يارب وان شاءالله تكون سنة حلوه وسهله عليكم

وانا في الخدمة دايمااا :)

[Enrique Iglesias]

الله يعين والله طلاب السنوات الاولى عليهم ضغط

وبخصووص المادة معاها حق الدكتوورة تنظيم الوقت هو مفتاح النجاح

واللا كيف قدرو الاطباء يتخرجو ويجيبو معدلات عالية


وان شاء الله السنة الجاية تكون هالمواد ماخذة عقلي وتفكيري