انطباعاتكم اول اسبوع دوام

[Dr.Passed]

السلام عليكم ورحمه الله وبركاته ورضوانه

كيف حالكم...؟ طيبين كلكم انشـــــــــاء الله.

ايش رأيكم في الطب من اول اسبوع....أنا انصدمت ( بس مو لدرجه اني ما اكمل طبعا إن شاء الله)

بس طبيعي نحس انو احنا مو فاهمين؟ طبيعي مخنا يعورنا ونحس بضغوطات كده في البدايه؟؟

أنا خايفه...احس نفسي اول سنه تمشي عشان احس بالأمان باقي السنين..

ادونا نصايح تاني سنه يا تالت سنه ....

بالنسبه للي معايا في نفس السنه كيف حسيتو اول اسبوع ؟؟ أنا في اشياء احي مني قادره استوعبها...اليوم دخل علينا دكتور مني قادره افهم منو كلمه وحده...يتكلم بسرعه ولهجتو اصلا صعبه...يعني المهم ...كلو على بعضو اول اسبوع خوفني الطب كلو على بعضو..

المشرحه عدت على خير الحمد لله..ما خفت كتير اول ما دخلت لقيت في وشي شي مغطى ورجول بره شكلها ناشف...المهم ...اتقشعرت في البدايه وحسيت قلبي يبا يخرج من فمي بس ما خرج الحمد لله عدت الأمور على خير... كنت خايفه ما اتقبل الموضوع ولا يسير فيا شي..

بس الموقف الوحيد الي سرلي انو الدكتوره قعدت تشرح على الجثه ( ال ovaries , ال uterus وكده و كانت تمسك قروب ..قروب وقالت الي يخلص يمشي ويجي القروب الي بعدو و انا مطنشه و قاعده اسمع الشرح كم مره وقفت قريب منها...ويالطيف بسم الله ياربي ما انتبهت الشرشف كان على الأرض و انا مع التركيز و الصدمه مش مركزه و قاعده ادعس في الشرشف و العب في برجولي ومني حاسه بنفسي و بعدين اطالع في الأرض و اشوف الحفله الي سويتها على السكرب حقي ( الشرشف اتلف على رجولي يالطييففففففف) مره قرفت من عمري داكا اليوم السكرب اتوسخ بالماده =(


المهم ايش انطباعاتكم عن اول اسبوع..
وطمنونا يا دكاتره طبيعي الواحد يحس كده في البدايه؟ انو مهموم وخايف و مو فاهم؟


شاركونا كلكم اسبوعكم الأول

شكرا

[واثق الخطى 1]

بكل صراحه كذا من اول اسبوع الله يعين بس والله مره ضغط لدرجة ان الواحد موقادر يذاكر كل شي
وهذا كلو كوووووووم ومحاضرة البايو اليوم شي ثاني الله يسهلها بس
وكمان اليوم دكتور الاناتومي يقول لازم نحفظ اسامي كل العظام 206 هذي اللي فجعتني صرااااحه
لكن مع الوقت إن شاء الله نتكيف وتتسهل علينا يارب

[فتى تثليث]

طبيعي جداً يكون اول اسبوع سئ..
الصعوبة مو في المواد لانها مع التكرار رح يروح هالخوف ... الصعوبة تكمن في تقبل الشخص للوضع وللمكان و الضغط المهول اللي جاي بالطرييق..

[مظلومة التحضيري]

اااااااااااااااااه تقريبا تعليقي راح يكون مثل دي الفيسات،، برب

[fayez goribi]

أول أسبوع كان من أطول الأسابيع الي مرت على في حياتي والله يعين.
وعلى طاري المشرحة كان عندنا واحد من المجموعة متحمس مرة يوم فتح الدكتور الشرشف وإذا قدامه تلك الجثة المصفرة المسلوخه من جلدها وصرخ قائلا ((يماهههههههههههههه)) ههههههههه. دمتم بخير.

[miss you]

دكتورة باسيد انتي الحين بجامعة عزوز ؟؟؟

[-نظرة تفاؤل-]

dr passed سؤال ..انتي طب بشري ولا أسنان ..؟؟
لأن حنا الطب البشري ما دخل علينا دكتور.. (طب الاسنان ) هم اللي دخل عليهم الدكتور ..كل اللي يدرسونا دكتورات ..
والمشرحة حقت الكلية لل (anatomy ) فيها تعديلات ومسكرينها الى الان مادخلناها ..

بالنسبة لأول اسبوع نفس الطفل لما يدخل الابتدائي ويشوف الحروف كثيرة وصعبة ..وهي الاساس في كلامنا هو بالضبط اللي حنا نحس فيهـ ..اللي ندرسة الحين هو اساس الطب مصطلحات و و الخ
وطبيــــــــــــــــــــــــــــــــــــــــــــــ عي راح نحس بخوف وضغط وتعب وراح نلقى صعوبة في ترتيب جدول المذاكرة ..بس ان شالله بعد عيد الاضحى راح يكون كلامنا ثاني ..لاننا بنتعود ع الوضع اكثر واكثر ويسهل علينا ..
بس علينا بالدعااااااااااااااااااااااااااء ..ودائما حاولي هالدعاء تخلينا على لسانك ((اللهم اشرح لي صدري ويسر لي امري واحلل عقدة من لساني ))
وان شالله تتيسر ..

[Dr.Passed]

المشاركة الأصلية كتبت بواسطة -نظرة تفاؤل- dr passed سؤال ..انتي طب بشري ولا أسنان ..؟؟ لأن حنا الطب البشري ما دخل علينا دكتور.. (طب الاسنان ) هم اللي دخل عليهم الدكتور ..كل اللي يدرسونا دكتورات .. والمشرحة حقت الكلية لل (anatomy ) فيها تعديلات ومسكرينها الى الان مادخلناها .. بالنسبة لأول اسبوع نفس الطفل لما يدخل الابتدائي ويشوف الحروف كثيرة وصعبة ..وهي الاساس في كلامنا هو بالضبط اللي حنا نحس فيهـ ..اللي ندرسة الحين بس علينا بالدعااااااااااااااااااااااااااء ..ودائما حاولي هالدعاء تخلينا على لسانك ((اللهم اشرح لي صدري ويسر لي امري واحلل عقدة من لساني )) وان شالله تتيسر ..

بشري - ابن سينا =)

[miss you]

باسيد ليش دايم تتجاهلين اسئلتي ؟؟؟؟؟؟؟؟؟

اسئلك ماتردين واحد ثاني يسالك نفس سوالي تردي عالطول وبكل سرور

[Ahmad-k-92]

المشاركة الأصلية كتبت بواسطة miss you باسيد ليش دايم تتجاهلين اسئلتي ؟؟؟؟؟؟؟؟؟ اسئلك ماتردين واحد ثاني يسالك نفس سوالي تردي عالطول وبكل سرور

كم انتا حساس ,,