رأيكم في دفعة 2014 بنات

[ولاء حسام]

سلام بنات كيفكم

بسالكم آش رأيكم في الدفعة دي السنة يعني أدفر من العام ولا نزل المستوى

حابة اعرف رأيكم عشان خايفة ما ادخل التخصص وكدا

الطب العام قفل على 97 فاصلة شي

وانا نسبتي اقل بكم حبة

فأبا اعرف النسبة حقت الطب حتقل ولا تزيد << طب بشري

[smiley14]

و عليكم السلام ورحمة الله و بركاته

والله من الي اشوفه اننا ادفر بكثير و اتوقع النسبه راح تزيد

بس هل كل ذول البنات الي بنسب عاليه يبغون طب ؟

ما اعتقد فا ان شاء الله يكون لسى في امل للجميع

لا تيأسي

[ولاء حسام]

شكرًا لردك سمايلي والله صراحة اغلبهم يبؤ طب في الاستبيان اللي سووه كان اكتر شي مختارينو طب
ان شاء الله يارب

[Yasmina95]

اهلان ولاء

برأيي الدفعة دي السنة دافورين بسبب البونس لانو تقريبا اكثر من 1000 بنت جايبين النسبة العامة 90 و مافوق

يعني حتوقف على اعلى من العام بشوية ، و لسا في الترم التاني ان شاء الله نشد حيلنا و نعوض اللي راح

[AoDi]

أدفر ولا أكسل..؟

ما تقدري تعرفي أيش الاقسام اللي يبوها كل الطالبات

صحيح الغالبية يبو طب

بس مو شرط تكون نسبهم اعلى منك

و امكن بعض اللي نسبهم اعلى منك مايبوا طب...

محد يعرف

أمكن يزيدو عدد المقاعد
و أشياء كتير تصير من اليوم ليوم التسكين

الله يوفق الكل

[Ranad Ayman]

كتيير يبغو الطب نعم ..
هل حققوا العلامة المناسبة .. العلم عند الله

حتسمعي كل وحدة تقول انا ابغا ادخل الطب بس حتكون واحد من الثلاثة دول
1. يا انها ما شاء الله حققت النسبة وواثقة انها حتنقبل
2. ما حققت النسبة .. وسارت مهي متأكدة من رغبتها لكن تحاول تلاقي اي طريقة او تدخل احد الكليات الصحية "وتكون مسميتها بمصطلح الطب"
3. ما تبغا تظهر نفسها اقل من غيرها .. وتقول انا ابغا طب

عشان كدا نصيحة .. الكلام ببلاش .. لكن مو شرط صح
ممكن يكون صح بنسبة 30-50% كدا
فأنتي شوفي ايش الانسب والمناسب ليكي
لو قعدتي تفكري البنات كلهم .. انا سمعت كذا .. كدا حيكون عندك تردد
اقعدي مع نفسك وصلي الاستخارة اقري عن كل تخصص اسألي مجربين هنا تحكمي هل تدخلي او لا

لا تخافي بإذن الله ما يسير الا الي نفسك فيه ويكون اكيد خير بعد صلاة الاستخارة

[Somaiah Yousef]

^

اقري كمان عن التخصصات اللي حتحطيها الرغبة الثانية والثالثة والرابعة

توقعي إنه احتمال تنحطي في وحدة من دي الرغبات

خليكي مستعدة لكل الاحتمالات

ولا تخافي

ومثل ماقالو

اهم شي الاستخاااارة