جدولى ومشورتكم

[حيوية]

يابنات ساعدونى مانى عارفة اختار مواد للترم التانى

انا مستوى خامس والجي سادس إن شاء الله في الكيمياء الحيوية وباقيلى 4 ساعات حتى امشي عالخطة وماخدت كيميا 2 ولا غير عضوى ولا خلية ولا عضوى

اش رايكم اش اخد مواد اخد الفيزيائية والتحليلية وتنظيم واختياري كمان ولا بدري

ومابغاجدول ينزلى معدلى الله يخليكم مع العلم انى بزيد ترم عن الخطة

واصلا خايفة من الاسامى دى ههههه

وياريت تقولولى اسامى الدكاترة الحبوبين الى اخد معاهم
شكرررررا

[طيف المشاعر]

حبيبتي انا اخذت فيزيائية و دحين اخذ تحليلية
بصراحة مرة صعب تاخذينهم في واحد ترم
خذي الترم الجاي فيزيائية و عضوية ممكن يمشوا مع بعض
و ممكن تاخذي معاهم تنظيم و خلية و مادة اختياري

بالنسبة للدكاترة
الخلية .. صباح لنجاوي
غير عضوي و تحليلية .. أماني فاروق
عضوي .. نسرين اصلا ما في احد يعطيه غيرها
فيزيائية .. جيهان يمدحوها حيل
تنظيم هالترم نجوى صاوي و سهيرة يعطوها
و الكل يمدح نجوى مع انها و الله ما تشرح و الدرجات طايرة معاها
بس افضل من سهيرة

و الله يوفقك يارب

[حيوية]

مشكورة ياقلبي على اهتمامك وردك

ممكن اخد فيزيائبة بس الى مع امانى مابغا ماودى اخد معاها جربتها فايض 1 اسئلتها ماننحل الا بالحفظ وخصوصا الفراغات تتوة المشكلة انو مافي احد دا الترم يدي غير عضوية الا هيا
اما الخلية فافكر اخدها مع سناء اش رايك لانو تديها بالعربي
وابغا اخد كيمياء 2 واخلص
والله محتارة ابغا جدول يرفع المعدل
ومشكورة حبيبتى عالتعاون

[طيف المشاعر]

و الله حبيبتي انا ما اخذت مع اماني الا تحليلية و يمكن
لاني من هواة الحفظ فـ حسيت أسئلتها مرة حلوة
بالنسبة للعضوية انا كانت تعطينا وحدة اسمها شادية
بس هي هالترم مو موجودة
و بصراحة اماني احس منها بالف مرة
و خلية حتى صباح لنجاوي تعطيه عربي
و أسئلة صباح اسهل من اسئلة سناء
انا اخذت مع سناء احياء المستوى التاني و الله اسئلتها تعقد
بس صباح اسئلتها حلوة
و كيمياء 2 يقولوا صارت حلوة و سهلة
و على الفكرة الفيزيائية قريب منها مآآآآآآآآآآآآآآرة
و الله يوفقك يارب و يسهل لك امرك

[CrAzY]

الله يوفقك حبيبتي وتجيبي معدل برفع الراس .. وتحافظي عليه :)

بالنسبة ليا ما ادري ايش اقلك .. لان اللخبطة كلها عندي .. مخلصة كل مواد الاحياء والكيميا والحرة ونص الاختياري .. ولسا بادئة في الكيميا الحيوي
الترم الجاي بنزل ان شاء الله :
تغذية
ايض2
فيزيائية
تحليلة
غيرعضوية
طاقة
مادة اختيارية

بس خسارة ما راح الاقي مكان لتحليلة ولا كان اخدتها :d

عموما .. و كنصيحة اهتمي بمواد الاحياء والكيميا العامة مثلا الخلية او العضوي اللي ما اخدتيهم لانو حتسهلك مواد التخصص .. عشان تجيبي درجات وترفعي المعدل :d

وكدا او كدا .. يا انك حتمشي ع الخطة او تتاخري شوية .. دا الشي الطبيعي في الجامعة هادي :d

وموفقة ياقلبي