خــــــــــــــــــــلاص..........

[صعب المناآآل]

بسم الله الرحمن الرحيم


انا اكتب الموضوع ويشهد الله علي انو مو قصدي تحطيم او اي شئ

لاكن بكتب الي عانيت منو انا اقصد الي عانينا كلنا منه آآآآآه بعد

اختبار اليوم حسيت الدنيا قفلت الابواب في وجهي يا ناس والله

العظيم يومين مذاكرة متوااصله لا وقبل الاختبارات مدرس خصوصي

ومراجعات مكثفة وما ادري ايش وفي الأخير ماده سهله بمواضيعها

زي الكيمياء تجيني اسئله بهذا الصعوبة اتوقع الشغله فيها لغز

لنا احنا الطلاب وما فهمناه لا أحد يقول يمكن مستواي أنا نازل

انا جبت في الثانوي 97% وعشان ما احد يقول المدرسين تساهلو

معا مدرستهم جبت في التحصيلي 76 ..المشكله قبلوني سابك وارامكو

لاكن رفضت وقلت قسم الهندسه بجامعه الملك عبدالعزيز افضل

وما ابغى اتغرب وان شاء الله ربي يسهل الشغله ..لاكن تبخرت

وبكل صدق احلامي ...وانا طالع من الاختبار اليوم مريت على مدرستي الثانوي

والله العظيم تذكرت اول يوم في ثاني ثانوي يوم دخل علينا المدرس وشرح لنا

المعدل التراكمي من ذاك اليوم والعقبات في وجهي استحملنا وصبرنا

وطلعو لنا بالقدرات والتحصيلي والان طالعين بالسنه التحضيري

طيب حنا لغتنا الانجليزية مي ذاك كيف يعطونا اسئله بالانجليزي

وحنا يالله بالعربي في المدرسة نجيب درجات والحين يقولون جيبو معدل فوق 4

اتووقع لازم ينتبهو لنا ويراجعون انفسهم يا ليت يا ليت يا ليت يا ليت

يساعدونا قبل لا تحصل الكارثه .يا ليت الوزير العنقري يصحصح

شؤي يا ليت ويعدلون في بعض القرارات..

اللهم سهل على جميع الطلاب والطالبات ووفقهم وسدد خطاهم يا رب العالمين

tote-00@hotmail.com

[كلي احساس]

لا لا لا للتشاؤوم

صح هيا الاسئلة بالانجليزي لكن عندنا احنا لو سألنا الدكتورة اللي وقافة علينا تترجم لنا الكلمة
اذا كانت مو مصطلح علمي


ربي يسهلها

[طيوف المملكة]

المشاركة الأصلية كتبت بواسطة صعب المناآآل طيب حنا لغتنا الانجليزية مي ذاك كيف يعطونا اسئله بالانجليزي وحنا يالله بالعربي في المدرسة نجيب درجات والحين يقولون جيبو معدل فوق 4 اتووقع لازم ينتبهو لنا ويراجعون انفسهم يا ليت يا ليت يا ليت يا ليت يساعدونا قبل لا تحصل الكارثه .يا ليت الوزير العنقري يصحصح شؤي يا ليت ويعدلون في بعض القرارات.. اللهم سهل على جميع الطلاب والطالبات ووفقهم وسدد خطاهم يا رب العالمين

والله صدق

لغتنا ما تسمح لنا ندرس المادة العلمية (كيمياء+احصاء+انجلش+فيزياء+رياضيات) بالانجليزي

والله لو مو الدكشنري بعد الله كان رحت في خرايطها



بس اختبار الكيمياء ما اتفق معك
كان من اسهل ما يكون

حتى وانا في الثانوي ما كانت الاسئلة بهذي السهولة


الا اذا نماذج الطلاب مختلفة عن نماذج الطالبات




بس نصيحة لك

الخيرة فيما اختاره الله لك


حتى لو جبت معدل واطي

خل عندك قناعه انها خيرة لك


يمكن تجيب معدل عالي تجيك عين وما تشوف الضو بعدها


لا تخلي همك المعدل


اقسم بالله اني طلعت اختبار الانجليزي وانا اقول لو اجيب 5 من 25 نعمه

اهم شي لا تتحطم الدنيا ما تسوى

[me..]

الله يوفقك ... كان دخلت أرامكو و لا سابك يافالح ... انا كان نفسي في أرامكو بس كان ناقصني واسطة عديت الاختبار و كللو .....

و ايش رايك لو أنا من اول تيرم ليا في الثنوي تراكمي درست النظام المطور و قللك لينا الأفضلية في الجامعة و و و كللو كدب في كدب و دي السنة أصلا يبغوا يطفشونا بأي طريقة هما عشان يقولوا إنو نحنا اللي محنا شطار أنا بالتراكمي نسبتي 98و نص .... الله يعطينا على قد نياتنا و على قولة ( .... ) كللو بأجروا ...
و ان شالله تدخل هندسة و يتحققلك اللي تبغاه لو مو هنا في أي مكان ...

[طيوف المملكة]

المشاركة الأصلية كتبت بواسطة كلي احساس لا لا لا للتشاؤوم صح هيا الاسئلة بالانجليزي لكن عندنا احنا لو سألنا الدكتورة اللي وقافة علينا تترجم لنا الكلمة اذا كانت مو مصطلح علمي ربي يسهلها

كأنك معايه في السكشن؟؟؟

لأن حتى حنا الاستاذه والدكتورة واقفين يترجمون لنا ويقولون لنا رموز العناصر لأنها مو واضحة في الجدول الدوري وخربوها وكتبوا لنا رقم افوجادرو في السبورة


وعلى طاري ارامكو

كانوا طالبين للبعثة حقتهم تحصيلي 80 %
وانا جبت 75%

كان نفسي يقبلوني بس طردوني

[نقطه]

صعب المنال .،
لتكن إسماً على مسمى ..
أكيد كلنا شعورنا زي كذا ..
بس أنا عن نفسي مني مستسلمه للنهاية بإذن الله ...
ووالله مافي زي الدعاء في الليل والله .. له نتايج عجيبه ..
ولازم تؤمن بـ " أن ما أصابك لم يكن ليخطئك وما أخطئك لم يكن ليصيبك " ..
ومحنا أول ناس ندرس زي كذا ونواجه هذي الصعوبات ..
ياما ناس قبلنا جاتهم صعوبات أكثر من إلي إحنا نواجهها الآن ..
لكن لا نتوقع بإننا حنتغلب عليها في يوم وليلة ..
step by step ..
ونصيحه /
أقرأ للعظماء كثير وصدقني حتتحمس وأقرأ لأولهم الرسول صلى الله عليه وسلم ..
.
دعواتي لكل الطلاب بالتوفيق ..
ولكل المسؤولين بالهداية P-: ..

[me..]

يافل ستوب :: عجبني نهاية ردك p=
دعواتي لكل الطلاب بالتوفيق ..
ولكل المسؤولين بالهداية ..

[*ديـــم*]

عاد في ذي حدث ولا حرج ..
الدفعة ذي حقل تجااارب كل جديد حطوه في راسنا ..
وكل شي يعتمد ع الانقلش يعني مفروض نكون متأسسين مضبووط من بداية دراستنا له .. بس طبعا جابو لنا ناس يبغى لهم تأسيس ..
عاد الله ييسر ذي السنة ويعديها ع خير ..
ماندري عن السنوات اللي جاية وش بيخترعون من قرارااااات ..
بالتووووووووووووفيق ..

[كلي احساس]

ايوه صح يا طيوف
الا معاكي بس مين انتي ؟ خخخخخخخخخخخخخخخخخخخخ
بس مدري انتي معايا كمان في مجموعة الانجليزي ؟؟؟

[Osman]

داااااائما حاولوا تسألوا اللي قبلكم
ترى الجامعة و الكلية ما تمشي إلا إذا تسأل من قبلك

لو تبغا تاخدها كدا فتاكة من لحالك - إن شاء الله - تمشي ... بس حتتعب