&& إداره عامه ـ أو إدارة خدمات صحيه ومستشفيات ؟ &&

[ميشو999]

السلام عليكم ورحمة الله وبركاته

ودي آخذ رأي كل واحد يعرف بالمسارين .. أيهما أفضل لي

( مسار إداره عامه ـ أو إدارة خدمات صحيه ومستشفيات ؟ )

علماً بأني موظف بالقطاع الصحي ووظيفتي مراقب صحي

لكن قلت إدارة خدمات صحيه ومستشفيات الوظايف فيها محصوره بالمستشفى فقط .. ومسار الإداره العامه متشعب .. مع العلم إني متخوف من إدارة خدمات صحيه ومستشفيات

أبي رايكم .. الله يوفقكم

[hnno]

الله يوفقك أخوي إن شاء الله وتتوصل لحل مناسب ، والله لا أعلم الكثير عن أيهما أفضل
ولكن :
إذا أنت ضامن إستمراريتك في عملك بالمستشفى إلى وقت تخرجك من الجامعة ، فتوكل على الله وأدخل خدمات صحية ، لأنها بنفس مجال عملك وراح تفيدك هذي الشهادة بالإضافة لخبرتك معهم

[ميشو999]

المشاركة الأصلية كتبت بواسطة hnno الله يوفقك أخوي إن شاء الله وتتوصل لحل مناسب ، والله لا أعلم الكثير عن أيهما أفضل ولكن : إذا أنت ضامن إستمراريتك في عملك بالمستشفى إلى وقت تخرجك من الجامعة ، فتوكل على الله وأدخل خدمات صحية ، لأنها بنفس مجال عملك وراح تفيدك هذي الشهادة بالإضافة لخبرتك معهم

الله يعطيك العافيه على مرورك

لكن تصدق أنا ودي أطلع من المستشفى .. وأنامتشتت .. لأن فيه ناس يقولون إدخل إدارة مستشفيات وهو قسم حلو مره وأنا مادري وش أسوي

[د/كيف]

خدمات صحيه

ميه بالميــــــه

والمجال الصحي كل يوم يتطور اكثر واكثر والحمدلله في بلدنا


توكل على الله وحيااااااااااااااااااااك معنا

واللي تبيه حاضرين للطيبين

[ام راكان]

^^

فوق للأفاده .

[ام ريمه]

انا ابي اسئل .............ادارة خدمات صحيه في للبنات.وكم المعدل المطلوب ؟؟؟؟؟؟
وانا الصرراحه عاجبني التخصص اسمه بس مااعرف ويش معناه وبعدي اهاده تفيدني بشتغل بها ولا لا ؟؟؟؟؟؟؟؟ولو بشتغل فيها ويش الشغل؟؟

[طالب إداري]

المشاركة الأصلية كتبت بواسطة ام ريمه انا ابي اسئل .............ادارة خدمات صحيه في للبنات.وكم المعدل المطلوب ؟؟؟؟؟؟ وانا الصرراحه عاجبني التخصص اسمه بس مااعرف ويش معناه وبعدي اهاده تفيدني بشتغل بها ولا لا ؟؟؟؟؟؟؟؟ولو بشتغل فيها ويش الشغل؟؟

اسمعي اختي ترى هذا التخصص مايصلح الا اللي شغال او موظف وعلى رأس العمل في أي مستشفى لأنه يفيده في الترقيات فقط أما اللي ماهو بموظف بمستشفى فعز الله يبطي عظم بشهادة اداره صحيه انه يتوظف بها.
انا أعرف ناس متخرجين من هذا التخصص انتظام وتعرفين اش معنى انتظام شهاداتهم أقوى من الإنتساب والان معلقين الشهادة في المجلس حقهم ومتوظفين بالثانوي
فأنصحك باإدارة عامه لأن مجالاتها في كل مكان سواء مستشفى أو ادارات حكوميه أخرى أو شركات أو بنوك لكن مستحيل يتوظف صاحب شهادة اداره صحيه ببنك أو شركه أو ادارات حكوميه غير الصحه فقط

[ميشو999]

الله يعطيكم العافيه .. لكن والله حتى أنا متخوف من مسار إدارة صحيه لأنه محصور بالمستشفى فقط

[ميشو999]

يالله ياشباب ويابنات .. عطونا رايكم .. ترى راسي منقلب

[fh.d]

إدارة عامة افضل ما دمت على راس العمل او غير موظف
لانها تنفع في كل محل
واذا انت موظف في المستشفى بوظيفة رسمية إدارية
انصحك إدارة عامة واستمر في المستشفى وراح تنفعك شهادتك كثير
لان موظفي الصحة يتم توظيفهم على الكادر
والكادر الصحي يعطي رواتب افضل بكثير من الوظائف الحكومية العادية
وبالتوفيق للجميع