اضراب طلاب وطالبات الانتساب من مدينة الرياض

[الدلوعة]

اولا: السلام عليكم ورحمة الله وبركاته


شباب وبنات الرياض


بخصوص اختبارات الاترام الجايه والمعاناة اللي عانيناها هالترم وسالفة الامطار اللي بغينا نغرق فيها الاشوي والاترام اللي قبل


وش رايكم نضرب عن اختبارات الترم الجاي لين يطلعون لنا قرار اختبارات المناطق بصراحه جامعة الملك فيصل مو احسن مننا مسوين اختبارات الانتساب في كل مناطق المملكة


احنا جالسين نخسر على هالاختبارات اكثر من اللازم يعني الواحد يوصل اخر سنه له وهو خاسر رسوم + سكن + سيارة + اكل وشرب تقريبا اكثر من 30 الف ريال لا والف لا ياجامعة الملك عبد العزيز.
بهالمبلغ الواحد يقدر يشتري له شهادة من برا لا وبعد معها شهادة ماجستير هدية ، بصراحة الوضع ماينسكت عليه جالسين ندفع كل هالخساير غير ان رسومها صايرة اكثر الجامعات رسوم في السعودية 3500 على ايش لا محاضرات منقولة ولا شي ولا حتى انهم يكتبون وش ملخص الدورة التأهيلية ، والا هم محتاجين هالمبلغ عشان الجامعة طال عمرها تصلح مبانيها وتبني مباني جديدة .
بعدين فيه كثير حالات سفرتها لجدة مو سهله ابد ابد يعني الناس عندها التزامات عمل والتزامات عائلية يعني اللي عندهم اطفال ويدرسون قولولي وش يسووى فيهم يتركون عيالهم اللي يدرسون بالرياض ويروحون هم جدة ؟؟



بعدين اللي قاهرني انهم قدرو يخلون اختبارات المناطق بس للسنة التاهيلية !!!!! ليه يعنى ااحنا عيال البطة السوداء والا عيال البطة السوداء ؟؟؟ انا مفروض اني متخرجه يعني مخلصه اكثر من 4 سنوات وداخله في الخامسة وباقي لي السادسة والحسابة بتحسب هالخساير لـ 6 سنوات

نبي اختبارات مناطق للكـــــــــــــــــــــــــــــــــــــــــــــــ ـــل

من يحط يده بيدي ونرفع فيها خطاب رسمي لمدير الجامعة ، وإلا عاد يتحمل هو مصاريفنا والا يرجعون لنا فلوسنا وندرس في ديرتنا
لا عادها الله من دراسة ماتسوى علينا

[طالب بدون مطالب]

أضم يدي الى يدك بالمطالبة باختبارات المناطق

وهذا لن يتحقق مالم تتم الوقفه الصادقه القوية من جميع الطلاب والطالبات

يالله شدو الهمه وخلونا نوصل صوتنا لو بالقيام بمظاهرات امام الجامعه :)

وينطيك العافيه ع موضوعك الرائع

[tt600]

والله يابنت الحلال ,,, ان تتعبين نفسيا لو قعدتي تطاردين مثل هالمواضيع ,,, انا لي اربع سنوات في الجامعه

وطالبنا لين دخنا ولا حد سمعنا ,,,





والانتساب من السنه الجاي حيلغى ,,, عشان كذا ريحي نفسك ,,, والدنيا سعه ,,,




الله يوفق الجميع ,,,

[عاشق تراب مكة]

انا استغرب الكثير من الطلاب والطالبات اللي يشتكون ويتحججون بسبب بعد جدة وصعوبة السفر لها وقت الاختبارات

لماذا لا يتم الانتساب في نفس الجامعات الموجودة بالقرب منهم؟

مثلا طلاب الرياض ليش ما ينتسبون في جامعة الامام طالما الفرصة متاحة فيها

الان تقريبا اكثر من نصف الجامعات لديها انتساب برسوم رمزية واقل من جامعة الملك عبدالعزيز

[aammaa]

تحذير :

جـــــــــــــــــــــــــــــــــــــــــــــــــ ـــــــــده غـــــــــــــــــــــــــــــــــير

الأساتذه كلهم محترمين زي الحلاوه( دكاترة غيـــــــــر )