بخصوص البرد القارس في القاعات , نولّع حريقة مثلاً ؟!

[BoBy]

يا جمـــــــــــــــــاعة
420 غرفة 214
اتحداكم وين ما رحتو تلاقو كلاس ابرد من كدا
لا مستحيل يا هما ناس ما تحس يا يبغو يموتونا
والله لبسنا جاكيت لبسنا صوف ايش ما عملنا مافي فائدة
انا مره معصبه من جد يعني نروح نتعلم ويرجعونا بيوتنا مريضين من ورى تكييفهم الزفت
يا جماعة قولولي بس وين اروح اتكلم مين مسئول عن التكييف في 420 مره ما نقدر كدا !!!!!

[star9]

بكل بساطه ^^

بما انه محاضراتي أغلبها في ٤٢٠ وكمان صبح وظهر

فمره كنت أحس برد في بعض القاعات

فأيش سرت اسوي قبل ما أدخل الكلاس أجيب معي كوفي

والله يدفي وكمان أكون لابسه كنزه حتى مو جاكيت والجو عندي يسير معتدل

وحتى لو طلعت برى في الشمس عادي

Give it a Tty

[ندو جدة]

اخ جيتو على الجرح انا دايما بردانة الدكتورة تلقي المحاضرة وانا اتنافض

ماني معاها حتى مع الجاكيت هاذي في بعض القاعات ونخرج بعد المحاضرة وناخذ ضربة شمس محترمة

ونرجع مزكمييين

بس اليوميين ذي الجو طيب برا ياريت بس يوطو التكييييييييف

[شواطئ البحر]

الفطور + لبس جاكيت ثقيل مو خفيف
صدقيني راح تدفي وهذا طريقة والحمد لله ما أشتكي من البرد

[Shining Dragon]

مبنى 75 هو اللي ناكبني ومو ملاقي وقت عشان اطلع اهزئ في المسؤولين هناك لكن والله الرواتب اللي ياخذوها حرام مع هذا الإهمال وراح أحرمهم من الحرام، لا يفرحوا كثير مصيرهم الطرد لأني أعرف كيف أوصل للي عينهم في الشغلات ذي

[تشيدام]

والله انكم صادقين ما ادري ايش الحكمة تكون المحاضره فريزر وربي صديقتي من الشرقية وتقول على قوة البرد عندهم
ما تلبس الجاكيت الي تلبسة بقاعات جامعه الملك عبد العزيز!!!
.. الله يكون بعووننا ويوفقنا وياكم

[ندو جدة]

المشاركة الأصلية كتبت بواسطة space ثقافة الحوار أيضاً تتطلب عدم إحتقار ردود المحاورين مهما كانت مختلفه مع آرائنا بل تقبلها واحترام اصحابها ،،وإن كانوا قد خرجوا من موضوع الحوار الرئيسي يجب إحترامهم أيضاً

يسلم فمك كنت باقول نفس كلامك

[طموحي إبداع]

بصراحة أعطيتوني فكرة عن البرد اللي بالقاعات

لانو اختباراتي جاية لازم اعمل احتياطات هع

[a aziz]

الله يعيننا على البرد

ماانسى اختبارات العام في مبنى 44 كل كلامنا عن المكيف

محد يسأل ويستفسر

الكل يطالب بتخفيض المكيف

خاصة أن فيه شيبان مايتحملون

[naif almaliki]

بالنسبة للمكيفات في قاعاتنا نحن نخفض التبريد يعني المكيف اصلا يتعامل مع درجات الحرارة فكنا نرفع الى 30 واحيانا

يطفي التكييف في القاعة واحيانا مايزبط معانا ونكلم الدكتور وينقلنا قاعة ثانية لاننا مسائي